Leo Tavuha gabe Mak nu Ravae 15:21 - Hano Niu Testamen

²¹ Mahavana be atatun bwaloana ram ban maia la hala, ram habwe atatu vwate, ihana Saemon mwa lago be men vano vai la bwatutun vanua ram lolia be vi tatal volovolo non Jisas. (Saemon uhu kea ata Saerini taman Aleksanda mai Rovus.)

Leo Tavuha gabe Mak nu Ravae 15:21 ပူးပေါင်းရင်းမြစ်များ

Matiu 27:32

Mahavana be ira atatun bwaloana ram ban maia la hala, ram habwe ata Saerini vwate, ihana Saemon, i ram lolia be vi tatal volovolo non Jisas.

Matiu 5:41

Be mandevai atatun bwaloana ata Rom vwate mwa hudali bonogainigo be gov ros non gete huri mael gaituvwa, rosia huri mael vwate mulei.

Leo Tavuha gabe Mak nu Ravae 15:20

Mahavana be ram lol leilei vuvuria, ram lai dagai koti memea i ram saga muleinia gin mwasin gaisagana. Haḡe ram lai dagainia be vi vohana vai alun volovolo.

Leo Tavuha gabe Luk nu Ravae 14:27

I ihei gabe mwa hav lai te lua non volovolo be vi huria, wani mulei gea mwa hav dadariha tehe be vi vora noḡu roron̄tai.”

Leo Tavuha gabe Luk nu Ravae 23:26

Mahavana be atatun bwaloana ram lai dagai Jisas, ram bano, ram habwe Saemon ata Saerini, kea mwa himai nin vanua avare vai la bwatutun vanua. Ram haḡo batugehia, ram lolia be vi tatal volovolo atagun Jisas.

Leo Tavuha gabe Jon nu Ravae 19:17

Kea mwa bwihavare, mwa datal non volovolo, mwa bano lol ute mwa uloinia be, “Tanon bwalan Bwatun Atatmate,” i mwa uloinia. (La avoana non ira Hibru be “Kolkota.”)

Lalaḡova 11:20

Take, ira binihimwasigi rituai ata Saipras i Sairini, ram bano vai Antiok ram bev lua roroi lalai ira Lolobon̄i, i mulei ram be Roroi Tavuha lalainira huri Ratahigi Jisas.

Lalaḡova 13:1

Haḡe ira atatun vevsera mai ira vagahi rituai lol uloilua Antiok Banabas mai Simion mwa uloinia be gul Meto, Lusias nin Sairini, Manaen kea gabe nu togotogo mai Ratahigi Lavoa Herod, mai Sol.

Lalaḡova 2:10

nin Vrijia i Pamvilia, nin Ijip mai udun Libia sosori Sairini, kamai rituai ata Rom,

Lalaḡova 6:9

Take sinombu ram ban burigainira, kera rituai gabe ram lol rovoga lol Imwa Tataro (mwa uloinira be) atat rahurahu, mwa bulu mai ira Jius ata Sairini i Aleksandria. Kera mai tavalura Jius ata lol uloilua ata Silisia i Esia ram dau bwatuna ram bigaigai mai Stivin.

Ravrava non Pol lalai ata Rom 16:13

Avoan helheloi mulei lalai Ruvas, kea raumatan atatu lolmatan God, i lalai ratahina, be nu vora ratahi lalaiau mulei.