Leo Tavuha gabe Mak nu Ravae 14:36 - Hano Niu Testamen

³⁶ Mwa dataro mwa bevea be, “Tata, Tamaḡu! Ginau duluai nu maron̄ron̄o lalainigo. Lai dagai laha huri ron̄ḡagarasi uhu niniau. Take noḡu doroniva vina nomwa n̄ano.”

Leo Tavuha gabe Mak nu Ravae 14:36 ပူးပေါင်းရင်းမြစ်များ

Matiu 26:39

Haḡe mwa mom bano, mwa hiv bahudui, mwa dataro, mwa bevea be, “Tata, be si dumwi, lai dagai lahan ron̄ḡagarasi geki niniau! Take noḡu doroniva vina ta nomwa n̄ano.”

Matiu 26:42

Jisas mwa mom bano mulei varuana mwa dataro, mwa bevea be, “Tata, be gosav lai te dagai laha geki niniau vai votu be nai mwin aluna, nom doroniva n̄an vi tu.”

Matiu 6:9

Bwatuna gea, giv tataro kungeki be: ‘Tata amare: ihamwa na sabuga:

Leo Tavuha gabe Mak nu Ravae 10:27

Jisas mwa ḡitara i mwa bwaliu nora avoana mwa bevea be, “Geki nu ririhai lalai atatu, take nu hav ririhai te lalai God; huri ginau duluai nu maron̄ron̄o lalai God.”

Leo Tavuha gabe Mak nu Ravae 10:39

Haḡe ramuru bwaliua be, “Uwe garu vi lol dumwia.” Haḡe Jisas mwa bevea lalainira be, “Giru vi mwin dum lol laha gabe inau nav mwinua i giru vi garuhisabuga dum la hala gabe inau nav garuhisabuga aluna.

Leo Tavuha gabe Mak nu Ravae 14:37

Mahavana be mwa dabagilu mwa habwe non roron̄tai gaitolu ram maturu. Jisas mwa bevea lalai Pita be, “Saemon gim maturu? Huri hano gimdol hav mamata tehe dum bul maiau huri mahavana gaituvwa?”

Leo Tavuha gabe Jon nu Ravae 12:27

“Kadogaha nam n̄ala lol binihiḡu i nai vev hano? Matu namen vevea be, ‘Tata, lai dagai mahavan taro ririhai uhu mwa dumwiau’? Take bwatuna higea nan mai huria be nai vano dum lol mahavan taron ron̄ ḡagarasi geki.

Leo Tavuha gabe Jon nu Ravae 18:11

Jisas mwa bevea lalai Pita be, “Tau mulei nom bua lol tanona! Matu gom binihia be nasav mwin te dum alun lahan ron̄ ḡagarasi gabe Tamaḡu nu laia lalaiau?”

Leo Tavuha gabe Jon nu Ravae 4:34

Haḡe Jisas mwa bevea lalainira be, “Gaku ginau gabe nav tabe silon wani gabe nu horau mai i be nav lol nogonogoi rovoga be nu laia lalaiau be nav lolia.

Leo Tavuha gabe Jon nu Ravae 5:30

“Nasav lol te dum hano gin noḡu roron̄o siboku; nam bevegi n̄an hurin hano God mwa bevea lalaiau, i noḡu silo vevegi nu vavtutu, bwatuna nam hav lol te ron̄oe be namen lol hano be nam doron, take hano gabe wani nu horau mwa doronia.”

Kelesia 4:6

Kunia be kimiu ira nitun God, God nu hora vuin nituna vai lol irubwimiu, i vui gea nu haharigi amare be, “Tata.”

Filipae 2:8

I batena be nu togo kun be atatu, nu lin̄ muleinia sibona i nu masiri gin lolo tabetabe lalai God, vaivotu batena be mateana alun volovolo.

2 Timoti 2:13

Be gida tasav tu te wasigi, kea vi tu wasigi radu, bwatuna be sihav ruruhia te dum sibona.”

Taetas 1:2

Binihi mwasigi gea i iloute gea mwa mai nin doronhohov huri rahuana vai tuai, taro mwa siv bwativuga, i God sihav tentene te dumwi.

Hibru 6:18

Avoana gairua kera gea, raru sihav leahi te dumwi, i alun avoana gairua gea God sihav tententene tehe dumwi. Gida gabe tam habwe ute tavuha huba, avoana gairua gea ramuru lol nonda binihiva mwa wasi liu, i tav haḡo wasi alen̄a gea be God nu laia huba lalai gida, gabe tam dau nonda doronhohov be mwa du wasigi alun non tatauleo.