Leo Tavuha gabe Mak nu Ravae 14:18 - Hano Niu Testamen

¹⁸ Batena be ram dogo dalis tebol ram ḡan ginau, Jisas mwa bevea be, “Nam bevea lalai kimiu be, tuamiu vwate nin kimiu vi sinaeu, vai lol limara atatu, kea gabe mwa ḡan ginau bul maiau.”

Leo Tavuha gabe Mak nu Ravae 14:18 ပူးပေါင်းရင်းမြစ်များ

Matiu 26:21

Lol mahavan ginaganiana Jisas mwa bevea be, “Nam bev mwasigi lalai kimiu be, tuamiu vwate nin kimiu vi lin̄iau vai lol limara atatu.”

Matiu 5:18

Nam bev mwasigi lalai kimiu be, ute atamare i ureure vi togo radu, giv gitae be tavihen ravrava vwate si hav laian te dagai nin Silo vai votu ginau duluai vi nogo.

Matiu 6:16

“La mahavana be giv garagara vwavwa, lolmatamiu si hav vin̄arin̄ari tehe, kun ira hoḡoiḡoro ram lolia. Kera geki ram lago mai lolmat vin̄arin̄ari, kun gabe maro mwa ḡasira, huri be vataha atatu vi gitara be ram ḡaragara vwavwa. Mwasigi, nam bevea lalai kimiu be kera geki gabe ram lolia kunia be ran lai tavwera huba.

Matiu 6:2

“La mahavana gim lai nomiu ginau vwate lalai ira hiru, gisav uv te taiva gi dovon̄ana, kun ira hoḡoiḡoro ram lolia lol imwa tataro i lolmatan ute be atatu ramen gitara ba binihi marahinira. Nam bev mwasigi lalai kimiu, bwatuna ran lolia kunia, ran lai tavwera huba.

Matiu 6:5

“Mahavana be gim dataro, gisav lolia te kun ira hoḡoiḡoro. Kera ram doron be rav tu amare ba dataro lol imwa tataro i mulei la hal bulbulu huri be atatu ramen gitara. Nam bev mwasigi lalai kimiu be kera gea gabe ram lolia kunia, ram lai tavwera huba.

Leo Tavuha gabe Mak nu Ravae 10:15

Nam bev mwasigi lalai kimiu be, ihei gabe mwa hav lai te dum rahuan gara gabe God mwa Ratahigi ḡoro non sinombu alolona kun naturigi uhu sihav haroro te dum alolona.”

Leo Tavuha gabe Mak nu Ravae 10:29

Jisas mwa bevea lalainira be, mwasigi, “Ta nai vev ginau uhu lalai kimiu be, wani mwa lin̄ imwana sa ira tuana, sa ira hogosina, ratahina sa tamana, sa nituna, sa non talu duluai bwatuna inau i huri Roroi Tavuha,

Leo Tavuha gabe Mak nu Ravae 14:17

Haḡe lol ute ravravi, Jisas mwa mai bul maira roron̄tai han̄vul domwan gairua.

Leo Tavuha gabe Mak nu Ravae 14:19

Haḡe lolora mwa biaroi mutaigi ram bavora ram hudalinia vatvatahara be, “Gom hav vinihia te be inau?”

Leo Tavuha gabe Mak nu Ravae 14:25

Nam bev mwasigi lalai kimiu, be nin kekadogaha nasav mom mwin te waen vava vi votu gubwen̄ higea nav mwin waen gara mai kimiu lol rahuan gara gabe God mwa Ratahigi alolona.”

Leo Tavuha gabe Mak nu Ravae 14:9

Nam bev mwasigi lalai kimiu be, halabehe Roroi Tavuha vi toretore huria lol ureure duluai, havanau be nu lolia vi veveana gin binihi mulei huria.”

Leo Tavuha gabe Mak nu Ravae 3:28

“Mwasigi nam bevea lalai kimiu be vuro duluai vi tugu kaburaiana be wani mwa binihi leahi huri hava ute hantai be mwa lolia sa mwa bevea.

Leo Tavuha gabe Mak nu Ravae 6:11

Be gim mai lol ute gabe ram hav lai te ḡoḡo kimiu sage ram hav ron̄ te silomiu batena be gim lin̄ ute gea giv darudaruai kaburai taniavun bwalagemiu. Geki vi vora dovan̄an̄a lalainira!”

Leo Tavuha gabe Mak nu Ravae 8:12

Take Jisas mwa bwaliura be, “Huri hano sinombu ata garigi ram hudaligi huri dovon̄a? Sigai, nam bevea lalai kimiu! Dovon̄a kunia sihav lolian tehe lalai sinombu kera geki!”

Leo Tavuha gabe Mak nu Ravae 9:1

Haḡe mwa bev rahurahuinia be, “Giv vinihi dum ginau uhu! Atatu rituai rasav mate tehe vaivotu rav gita rahuan gara gabe God mwa Ratahigi ḡoro non sinombu alolona vi visirai mai muramura.”

Leo Tavuha gabe Mak nu Ravae 9:41

Nam bev mwasigi lalai kimiu be, Giv binihi dum ginau uhu! Ihei tehe mwa lai wai mwinu lalai kimiu bwatuna be kimiu noḡu atatu kea vi lai dum tavwena huria.”

Leo Tavuha gabe Luk nu Ravae 11:51

nu bwativuga nin mateanan Ebol vaivotu mateanan Sakaraia kea gabe nu wehiana lol davolan tanon tataroi mai Ute Sabuga. Mwasigi nam bevea lalai be sinombu ata garigi rav lai silo vevegi hurira duluai!”

Leo Tavuha gabe Luk nu Ravae 22:21

“Take, giv gitae! Wani gabe mwa sineau, kea gekado la tebol maiau!

Leo Tavuha gabe Luk nu Ravae 4:24

Nam bev ginau geki lalai kimiu be, atatun vevsera sihav lai te dum ḡoḡoana la mwasin bwatutun vanuana.”

Leo Tavuha gabe Jon nu Ravae 1:51

I kea mwa bevea lalainira be, “Nam bev mwasigi lalai kimiu be: giv gita mahao vi mahavan̄i i ira enjel non God rav hae i rav himai aluku, inau Nitun Atatu.”

Leo Tavuha gabe Jon nu Ravae 13:18

“Nam hav avo tehe huri kimiu duluai; nam ilo ira hei gabe nan gita luara. Take mwa du be ravrava Sabuga vi visirai gabe mwa bevea be, ‘Atatu gabe mwa ḡan bul maiau vi van burigaiau.’

Leo Tavuha gabe Jon nu Ravae 13:21

Ataguna be Jisas nu vev vuvuri ginau geki, binihina mwa n̄ala maragai i mwa bev luae mwa bevea be, “Nam bev mwasigi lalai kimiu be: vwate nin kimiu vi sineau.”

Leo Tavuha gabe Jon nu Ravae 13:22

Haḡe ira roron̄tai ram ḡitagitara, ram binbinihi mamaragai aluna be ihei uhu be mwa avo huria.

Leo Tavuha gabe Jon nu Ravae 13:38

Jisas mwa bwaliua be, “Matu gom lol vatuvwainigo mwasigi be gov mate huriau? Nam bev mwasigi lalainigo be: amua toa gim siv totoreto, gov tuguau vatolu.”

Leo Tavuha gabe Jon nu Ravae 21:18

Nam bev mwasigi lalainigo be: mahavana be giḡo mwalaḡelo, gon lol vatuvwai vataha mahavana be gomen van halabehe tehe be gom doron be gomen vano aia. Take batena be gom bwatmetuaga gov sogai lua limwamwa i atat dolua vi vauhigo i vi laigo vai lol ute gabe gom hav doron tehe be gov van aia.”

Leo Tavuha gabe Jon nu Ravae 3:11

Nam bev mwasigi lalainigo be: gam bevuri, huri hano be gam iloe i gam bev lua hano be gan ḡitae, haḡe ta ihei nin kimiu vwate mwa hav lai te ḡoḡo nomai avoana.

Leo Tavuha gabe Jon nu Ravae 3:3

Haḡe Jisas mwa bwaliua mwa bevea be: “Nam bev mwasigi lalainigo be: ihei si hav gita te dum Rahuan Gara gabe God mwa Ratahigi alolona be kea si hav vora te mulei.”

Leo Tavuha gabe Jon nu Ravae 3:5

Take Jisas mwa bwaliua mwa bevea be, “Nam bev mwasigi lalainigo be, ihei si hav dalin̄oro te dum lol rahuana gara gabe God mwa ratahigi alolona be kea si hav vora tehe gin wai i vui.

Leo Tavuha gabe Jon nu Ravae 5:19

Haḡe Jisas mwa bwaliura mwa bevea be, “Nam bev mwasigi lalai kimiu be, inau Nitun God nasav lol te dum ginau hurin binihiḡu mahaḡea, nam lol hano n̄an gabe Tamaḡu mwa lolia. Hano be tata mwa lolia inau mulei Nituna nav lolia.

Leo Tavuha gabe Jon nu Ravae 6:26

Haḡe Jisas mwa bwaliura mwa bevea be, “Nam bev mwasigi lalai kimiu, be gim siroau mwa hav vora te bwatuna be gim ḡita batoi ginau dan̄an̄a be nam lolia, ta bwatuna be gin hogon bamasiri tabwan̄imiu gin bereti be gin ganira.

Leo Tavuha gabe Jon nu Ravae 6:32

Jisas mwa bwaliura mwa bevea be, “Nam bev mwasigi lalai kimiu be hano Moses nu laia lalai kimiu nu hav vora te bereti nin lol ute atamare; Tamaḡu haḡea mwa lai mwasin bereti atamare lalai kimiu.

Leo Tavuha gabe Jon nu Ravae 6:47

Nam bev mwasigi lalai kimiu: kea gabe mwa binihimwasigi mwa haḡo rahuana vai tuai.

Leo Tavuha gabe Jon nu Ravae 6:70

Haḡe Jisas mwa bwaliura mwa bevea be, “Matu nan hav gita te lua kimiu han̄vul domwan gairua? Take vwate nin kimiu atmate!”