Leo Tavuha gabe Mak nu Ravae 13:11 - Hano Niu Testamen

¹¹ Batena be ram haḡo batugehi kimiu, i ram lai kimiu vai lol imwan harahara, gisav matagu te susuvwai huri havanau be giv vevea; batena be mahavana vi mai, giv avo alun havanau be mwa laia lalai kimiu baten gea. Huri avoana gabe giv avo aluna si hav vora te nomiu; rav mai nin Vui Sabuga.

Leo Tavuha gabe Mak nu Ravae 13:11 ပူးပေါင်းရင်းမြစ်များ

Matiu 10:17

Giv gitaḡoro, huri be atatu abena be rav vwirihi dum kimiu, i rav lai kimiu vai lol imwan harahara, i rai vivilis kimiu alolon nora imwa tataro.

Leo Tavuha gabe Mak nu Ravae 13:12

Atatu rav lin̄ mulei ira tuara huri mateana, ira tama rav lol mulei kunia lalai ira nitura. Naturirigi rav van burigai ira tamara i ratahira rav taura huri mateana.

Leo Tavuha gabe Mak nu Ravae 13:9

“Kimiu sibomiu giv gitaḡoro. Rav haḡo batugehi kimiu i rav lai kimiu vai lol imwan harahara. Rav wehi kimiu lol imwa tataro, i giv tu la lolmatara tomuai mai ira Ratahigi lavoa huriau, be gimen vev lua Roroi Tavuha lalainira.

Leo Tavuha gabe Luk nu Ravae 21:12

Ginau kera geki rav loli amua, rav lai kimiu i rav lol bwarebware maragai kimiu, rav lin̄ kimiu be ramen vevegi kimiu lol imwa tataro, i be rav tau kimiu lol imwa vauvauhi; rav lai lua kimiu be giv tu lolmatan ira Ratahigi Lavoa maira tomuai huri ihaku.”

Leo Tavuha gabe Jon nu Ravae 3:27

Haḡe Jon mwa bwaliura mwa bevea be, “Ihei si hav haḡo te dum hano tehe vaivotu God vi laia lalainia.

Lalaḡova 2:4

Haḡe kera duluai ram masiri gin Vui Sabuga, i ram dau bwatuna ram avo gin avoan dodolua, kun gabe Vui Sabuga mwa lolira be rav avo.

Lalaḡova 3:13

God non Ebraham, Aisak, Jekob, i God non ira sibida, nu lai mwasin non roron̄o, lalai non atatun rovoga Jisas. Take gim lin̄ia gin roron̄o, i gim bev dagarae lolmatan Paelat, vaivotu ataguna Paelat mwa bihinia be vi ribwesia.

Lalaḡova 4:31

Haḡe mahavana be ram dataro vuvuri ute be ram ḡoḡo aia mwa rihu. Kera duluai ram masiri gin Vui Sabuga i ram dau bwatuna ram seserai lua avoana non God gin muramura.

Lalaḡova 6:10

Take Vui sabuga mwa lai muramura lalai Stivin, i mahavana be mwa avo ram hav vwaliu te dumwia.

Lalaḡova 6:15

Kera duluai be ram dogo lol Kansel ram gita mutmutai Stivin ram ḡitae be lolmatana mwa leahi kun lolmatan enjel.

Lalaḡova 7:55

Take Stivin mwa masiri gin Vui Sabuga, mwa dada vai lol ute atamare i mwa ḡita sarisarin God i Jisas mwa du la mwatuana God.

1 Korin 2:13

Take avoana n̄oto be tam avo aluna Vui Sabuga non God nu vagahi gida aluna, take mwa hav vora te gin mataisao non atatu vuroi. Take Vui Sabuga n̄an mulei gea mwa bului gida be tam bagahi ginau Sabuga lalai atat Sabuga.

Ifisas 3:5

Sinombu be ran togo lol taro dolua nu hav vev te ginau dahuligi gea lalainira. Take kadogaha, sivi Vui, God nu seserai ginau dahuligi gea lalai non ira hala sabuga mai ira atatun vevsera.

Jemes 1:5

Take be ihei mwa doron mataisao vi hudali God huria. Kea nu maḡemu i samsamwara be vi laia lalai sinombu, i kea vi laia lalainigo mataisao.

1 Pita 1:12

God nu seserainia lalainira be nora rovoga nu hav vorate hurira Sibora take huri kimiu, lol taro be nu veveana na ira mwasigi be gim ron̄oe kadogaha. Kera be ram doretore huri Roroi Tavuha lalai kimiu ran vev ginau kerageki mai buluiana non Vui Sabuga gabe nu horana nin ute atamare ginau alolona gabe ira enjel ram doronia be rav gitae.