Leo Tavuha gabe Mak nu Ravae 12:36 - Hano Niu Testamen

³⁶ Vui Sabuga nu hogoinia lalai Deved be vi vevea be: ‘God Ratahigi mwa bevea lalai noḡu Ratahigi be, Gov togo la mwatuaku, vava nav tau nom ivwalu gi tanon vavarahin bwalagemwa.’

Leo Tavuha gabe Mak nu Ravae 12:36 ပူးပေါင်းရင်းမြစ်များ

Matiu 5:35

Gisav vev te ihan ureure, bwatuna be ureure mwa dogo aten muramura non God. Mulei gisav vev te ihan Jerusalem, bwatuna be kea vanuan Ratahigi lavoa.

Lalaḡova 1:16

I mwa bevea be, “Ira tuaku, mwa du be Ravrava Sabuga vi visirae la halan Vui Sabuga, gabe nu avo sivi Deved, mwa bev sera huri Judas, tomuai ḡoro atatu gabe ran haḡo batugehi Jisas.

Lalaḡova 28:25

Haḡe kunia ram bano, take ram hav dara tehe alun nora binihiva sibora ataguna be Pol mwa avo huri ginau gaituvwa geki: Pol mwa bevea be “Nu vavtutu mahaḡea be Vui Sabuga nu avo sivi atatun vevsera Aesaia lalainira ira sibimiu!

1 Korin 15:25

Kraes vi gitaḡoro vaivotu be vi tau ira non ivwalu aten bwalagena.

2 Timoti 3:16

Avoan sabuga duluai God nu hagainia i ran tavuha huri silo vagahi, huri be rav seserainia lalai sinombu havanau be nu vahala lol rahura, be vi vavtutui vahalana duluai, i be vi vagahi kun hanigi be atatu vi to bavtutu.

Hibru 1:13

God nu hav vevea tehe lalai non ira enjel vwate be, “Gov togo la mwatuaku vaivotu be nav tau nom ivwalu gi tanon vavarahin bwalagemwa!”

Hibru 4:7

Haḡe bwatuna haḡe gea, God mwa dov mahavan taro dolua vwate gubwen̄ dolua, i taro haḡe gea gubwen̄i be gida tam dogo alolona garigi. Taulu ivusi nu nogo huba God mwa bevea lalai Deved, la buka Baebol be nan vevea huba, gabe mwa bevea be, “Garigi, be kimiu giv ron̄ avoana non God, gisav mom lol te bwatwasi.”

1 Pita 1:11

Vui non Kraes nu togo alolon ira atatun vev sera, nu vev daua huri ron̄ ḡagarasi non Kraes i huri sarisari be vi huri ron̄ ḡagarasi gea Ira atatun vev sera ran lol ron̄oe be rav hiḡehiḡe huri havanau be Vui Sabuga mwa bagahira, lol taro be ginau kerageki ran loli, i havanau haḡea ureure vi kunia lol taro gea.

2 Pita 1:21

Avoan vevsera sigai nin atatu be nu doron be vi vevea, take sinombu be Vui Sabuga mwa domuainira ram bev avoana non God.