Leo Tavuha gabe Mak nu Ravae 10:1 - Hano Niu Testamen

¹ Haḡe Jisas mwa domare nin ute gea mwa ban vai lol vanua Judia haltavalun wai Jodan, sinombu ram mai ram ḡoḡo mulei abena i mwa bagahira kunia gabe mwa lolia tagaro.

Leo Tavuha gabe Mak nu Ravae 10:1 ပူးပေါင်းရင်းမြစ်များ

Matiu 26:55

La mahavana gea Jisas mwa bevea lalai sinombu be, “Matu giv mai huriau mai buan bwaloana i irubwi be gimen vwirihiau, kun gabe inau atatun wehi surai vwate? Vataha gubwen̄i nam dogo mai kimiu, nam bagahi lol Imwa Tataro, take gim hav haḡoau tehe.

Matiu 4:23

Jisas mwa lago vataha vanua ririgi Kalili, mwa bagahi lol imwa tataro duluai, i mwa seserai lua Roroi Tavuha huri ute lavoa non God. I mwa lol atatu be ram haro, i rebehira ram hahantai, ram rahu mulei.

Leo Tavuha gabe Mak nu Ravae 1:21

Haḡe Jisas mai non roron̄tai ram botui bwatutun vanua Kapanium. La gubwen̄ mambuharai vwate Jisas mwa haroro lol imwa tataro mwa dau bwatuna mwa bagahi.

Leo Tavuha gabe Mak nu Ravae 10:2

Ira Varise rituai ram mai abena be ramen lol ron̄oe gin avoan hudaligi rituai ram bevea be, “Vevea lalai kamai, silo mwa mahin̄ai atatu be vi vev dagara dum tasalana sa sigai?”

Leo Tavuha gabe Mak nu Ravae 12:35

Mahavana be Jisas mwa bagahi lol Imwa Tataro, mwa lai avoan hudaligi mwa bevea be, “Kun hanigi be ira vagahin Silo ram bevea be Kraes kea vi vora ata alun varan Deved?

Leo Tavuha gabe Mak nu Ravae 14:49

Vataha gubwen̄ nam dogo mai kimiu, nam bagahi lol Imwa Tataro, take gim hav haḡoau tehe. Take mwa loli kungeki be men lol seserai Ravrava Sabuga.”

Leo Tavuha gabe Mak nu Ravae 2:13

Jisas mwa dabagil mulei mwa ban la balsin numbu gaivua Kalili. Sinombu ivusi ram mai huria i kea mwa dau bwatuna mwa bagahira.

Leo Tavuha gabe Mak nu Ravae 4:2

Kea mwa bagahira la avoan dalogai huri ginau ivusi lol non silo vagahi, mwa bevea lalainira be:

Leo Tavuha gabe Mak nu Ravae 6:2

Haḡe la gubwen̄ mambuharai kea mwa dau bwatuna mwa bagahi la imwa tataro. Sinombu ivusi ran tu aia, batena be ram ron̄oe kera duluai ram dan̄an̄a ram bevea be, “Mwa lai ginau duluai geki behe?” Hava, “Mataisao uhu be mwa laiana lalainia? Kea mwa lol dum hanini ginau dan̄an̄a?

Leo Tavuha gabe Mak nu Ravae 6:34

Batena be Jisas mwa bute nin waḡa mwa ḡita sinombu ivusi uhu, mwa ron̄ mwahantai hurira, bwatuna be kera ran ḡun sipsip gabe radaiḡoro sigai. Haḡe kea mwa dau bwatuna mwa bagahira gin ginau ivusi.

Leo Tavuha gabe Mak nu Ravae 6:6

Kea mwa dan̄an̄a maragai, bwatuna be nora binihimwasigi garagusi sigai. Haḡe Jisas mwa ban lol vanua ririgi aia, mwa bagahi sinombu.

Leo Tavuha gabe Jon nu Ravae 10:40

Haḡe Jisas mwa bano mulei tuhi wai Jodan vai lol ute gabe Jon nu garuhisabuga aia, i mwa dogo aia.

Leo Tavuha gabe Jon nu Ravae 11:7

Haḡe mwa bevea lalainira non roron̄tai be, “Tan tabagilu mulei vai Judia.”

Leo Tavuha gabe Jon nu Ravae 18:20

Jisas mwa bwaliua mwa bevea be, “God nam av lua lolmatan sinombu; noḡu silo vagahi nu loliana lol imwa tataro duluai, i lol Imwa Tataro, aia be sinombu duluai ram mai ute gaituvwa. Nan hav vev te ginau vwate dahuligi.