Leo Tavuha gabe Mak nu Ravae 1:4 - Hano Niu Testamen

⁴ Jon nu visirai lol vanua vuroi, mwa garuhisabugai sinombu i mwa doretore mwa bevea be, “Giv binihileahi huri vuromiu, i giv lai garuhisabuga, i God vi tugu kaburai vuromiu.”

Leo Tavuha gabe Mak nu Ravae 1:4 ပူးပေါင်းရင်းမြစ်များ

Matiu 3:11

Inau nam ḡaruhisabugai kimiu gin wai, bwatuna be gim binihileahi huri vuromiu. Take atatu vwate abena vi mai radu ataguku. Wani gea lavoa liuau, i inau siboku nam hav dadariha tehe be nav haḡo non sus. Wani gea vi garuhisabugai kimiu gin Vui Sabuga i gabi.

Matiu 3:6

ram seserai vurora vuvuri, i Jon mwa siv garuhisabugainira lol wai Jodan.

Leo Tavuha gabe Mak nu Ravae 1:5

Sinombu duluai dalis vanua Judia i nin bwatutun vanua Jerusalem ram mai duluai be ramen ron̄ Jon. Ram seserai vurora i mwa ḡaruhisabugainira lol wai Jodan.

Leo Tavuha gabe Luk nu Ravae 1:77

gov lol non sinombu rav iloe be kea vi varahura gin binihi kaburai vurora.

Leo Tavuha gabe Jon nu Ravae 3:23

Jon mulei mwa garuhisabuga lol vanua Aenon aben ute Salim n̄ano, bwatuna aia wai ivusi. Sinombu ram bano vai abena, i mwa garuhisabugainira.

Lalaḡova 10:37

Kimiu gim ilo ginau duluai gabe nu lol bisirainia alun Jisas Kraes lol vanua Israel, nu tau bwatuna Kalili ataguna be Jon nu toretore huri garuhisabuga. Gim iloe huri Jisas ata Nasaret be kun hanigi God mwa salil non Vui Sabuga aluna mai muramura.

Lalaḡova 22:16

Matu kadogaha gomom hohovi huri hano? Tomare ba lai garuhisabuga i vi bwaga kaburai vuromwa ginia be gov tataro lalainia.”