Leo Tavuha gabe Mak nu Ravae 1:38 - Hano Niu Testamen

³⁸ Take Jisas mwa bwaliura mwa bevea be, “Mwa du be tai van mulei vai la vanua ririgi dalis ute teti. Nam doron be nav toretore mulei lol vanua keragea. Bwatuna haḡea nan mai.”

Leo Tavuha gabe Mak nu Ravae 1:38 ပူးပေါင်းရင်းမြစ်များ

Leo Tavuha gabe Mak nu Ravae 1:37

batena be ram habwea ram bevea lalainia be, “Sinombu duluai ram hiḡego.”

Leo Tavuha gabe Mak nu Ravae 1:39

I kea mwa ban sivi Kalili duluai, mwa doretore lol imwa tataro i mwa ḡoro lua ira vui hantai.

Leo Tavuha gabe Luk nu Ravae 2:49

Haḡe mwa bwaliura be, “Gumuru siroau huri hano? Matu gumuru hav iloe tehe be noḡu n̄an be nav togo lol imwan tamaḡu?”

Leo Tavuha gabe Luk nu Ravae 4:43

Take mwa bevea lalainira be, “Noḡu be nav seserai Roroi Tavuha huri Rahuan Gara gabe God mwa Ratahigi ḡoro non sinombu alolona lalai bwatutun vanua dodolua mulei, bwatuna be kea haḡea lalaḡova gabe God nu horau huria.”

Leo Tavuha gabe Jon nu Ravae 16:28

Inau nam mai nin Tata, i nan mai vai lol ureure; i kadogaha nav lin̄ ureure ba ban mulei vai aben Tata.”

Leo Tavuha gabe Jon nu Ravae 17:4

Nan lol bisirai sarisarimwa lol ureure; i nan lol haraharai rovoga gabe gon laia lalaiau be nav lolia.

Leo Tavuha gabe Jon nu Ravae 17:8

Nan lai roroi lalainira gabe gon laia lalaiau, i ran lai ḡoḡoe; kera ram iloe be mwasigi gon horau.”

Leo Tavuha gabe Jon nu Ravae 9:4

Mwa du be tav lol rahurahui rovoga non wani gabe nu horau, tav lolia vataha rani; bwatuna be ute bon̄i mwa sosori, mahavana be atatu vwate sihav mom lol te dum rovoga.