Matiu 7:25 - Hano Niu Testamen

²⁵ Ataguna uhe mwa uhe, wai ram rovo, lan̄i mwa here gaivua vai alun imwa gea. Itake imwa mwa hav hovi tehe, bwatuna be wani gea nu lol bwatbwatun imwana alun vatu tu.

Matiu 7:25 ပူးပေါင်းရင်းမြစ်များ

Matiu 16:18

Nam bev mwasigi lalainigo, Pita: giḡo vatu, i alun vatu geki nav tari noḡu Uloilua. I mateana si hav rihu te maragai ninia.

Matiu 7:24

“Bwatuna gea, irahei gabe ram ron̄ siloku, i ram huri noḡu avoana, kera gea kun gabe atat mataisaoga, mwa lol bwatbwatun imwana alun vatu tu.

Matiu 7:26

“Take irahei gabe ram ron̄ siloku, i ram hav huri te noḡu avoana, kera gea kun atat dadaloiga, gabe mwa haḡo imwana alun one n̄an.

Matiu 7:27

Ataguna uhe mwa uhe, wai ram rovo, lan̄i mwa here gaivua vai alun imwa gea. I mwa hovi, mwa masalan̄ai n̄oton̄oto.”

Lalaḡova 14:22

Ramuru lol wasi ira binihimwasigi i ramuru av durara be rav tu wasi alun nora binihimwasigi garagusi. Haḡe ramuru bevea be, “Mwa du be tai van sivi ute ririhai ivusi vuvuri tam siv van lol Rahuan gara gabe God mwa bora ratahigi alolona.”

Ifisas 3:17

Nam dataro be Kraes vi togo lol sibwen̄imwa gin binihimwasigi garagusi i be rahumwa vi tu wasigi lol lolotabetabe i be vi haḡoe alun tabeana.

Kolosi 2:7

Giv tau bwatbwatumiu vi roro aluna i giv lol rahumiu vi mauri aluna. Giv tu wasi lol binihimwasigi garagusi, kun be gin lai silo vagahina, i giv masiri gin tabeana.

Jemes 1:12

Taro be sinombu kalkaliana mwa haḡo ron̄ora ram du wasi rahurahu, mwa du be rav samwara. Ataguna be ram seserai nora binihimwasigi God vi tavwera gin rahuana vai tuai. God nu tatauleo lalainira duluai be ram dabea.

1 Pita 1:5

Muramura non God mwa ḡitaḡorogo sivi nomiu binihimwasigi garagusi vaivotu be giv gita nomiu varahuva lol nogonan gubwen̄.

1 Pita 1:7

Ginau hahantai geki ram mai be ramen gitae be nom binihimwasigi garagusi nu melmelo. Melmelo non binihimwasigi nu marahi liu vatan̄oga, Gabe vi Seserainia gin gabi be nu melmelo i vi nogonogo dumwi. Take nomiu binihimwasigi garagusi vi lai lalai kimiu uloi roroai i binihimarahi lol taro be Jisas Kraes mwa seseraiana lalai kimiu.

1 Jon 2:19

Sinombu kera geki tam mai nin nomai vatugigi, take ram bano bwatuna be la mwasigi, kera ram hav vora te mai kamai mwasigi. Be sivora kera bul mai kamai mwasigi ras togo mai kamai. Take kera ram bano i mwa ḡigilaga be kera ram hav vora tehe bul mai kamai.