Matiu 7:15 - Hano Niu Testamen

¹⁵ “Giv gitaḡoro ira atatun vevsera tentene. Ram mai abemiu kun boe mamavu. Take alolora kera kun vwiriu turu.

Matiu 7:15 ပူးပေါင်းရင်းမြစ်များ

Matiu 10:17

Giv gitaḡoro, huri be atatu abena be rav vwirihi dum kimiu, i rav lai kimiu vai lol imwan harahara, i rai vivilis kimiu alolon nora imwa tataro.

Matiu 16:11

Huri hano gim hav vinihi te dumwia be nam hav avo tehe lalai kimiu huri bereti? Giv gita batoi is non ira Varise maira Sadusi.”

Matiu 16:6

Jisas mwa bevea lalainira be, “Giv vugeri matamiu ba ḡita batoi is non ira Varise maira Sadusi.”

Matiu 24:11

Haḡe atatun vevsera tentene ivusi rav visirai i rav ruruhi sinombu ivusi.

Matiu 7:14

Take matgatava ḡuḡusi i hala ririhai, kea haḡea halan rahuana, i gaiviha n̄an ram habwea.

Leo Tavuha gabe Luk nu Ravae 12:15

I mwa bev rahurahuinia lalainira duluai be, “Giv mataiḡoro i giv gitaḡoro kimiu nin lalan̄an bugurana, bwatuna mwasin rahun atatu mwa hav mai tehe nin rosona, gaituvwa n̄an be rosona gaivua.”

Leo Tavuha gabe Luk nu Ravae 6:26

“Hagavi lalai kimiu batena sinombu ram bev tavuhai kimiu bwatuna be ira sibimiu ran lol n̄an kunia lalai ira atatun vevsera dentene.”

Leo Tavuha gabe Jon nu Ravae 10:12

Mahavana be turin rovoga gabe, mwa hav vora te radaiḡoro i sipsip ram hav vora te bilana, mwa ḡita ginau rahu turu mwa mai, mwa derai sipsip mwa romaragai; haḡe ginau rahu turu mwa rais sipsip i mwa derainira.

Lalaḡova 13:40

Giv gita ḡoro haḡea, be havanau be ira atatun vev sera ran vevea sihav loli tehe lalai kimiu.

Lalaḡova 13:6

Haḡe ram dol ban rahurahu tuhi vai la vanua Bavos, i aia ram habwe atatun vui son̄son̄o vwate ihana Ba-Jisas, ira Jius mwa uloinia be atatun vevsera.

Kelesia 2:4

Gam bev ginau vahala geki bwatuna be atat binihimwasigi tentene rituai ran mai dahuligi lol nomai tatan̄ana. Ran mai kun gabe atat gita surai be ramen tul burigai mwasigi lol Kraes Jisas. Ran doron be ramen lol kamai i ira turin rovoga.

Ifisas 4:14

I sihav n̄ava tehe gida tas hav mom bora te kun naturigi mulei. Tasav vora te kun waḡa be mwa halahala dadaligi navo mwa bohainia ban mwa mai. Sihav avte lumlum gida gin silo vagahi gara duluai gam ron̄oe non sinombu be ram lol ron̄oe be ramen saruruhi kamai. Ram dari halana i ram lol ron̄ hal saruruhi be men ruruhi sinombu vai alolon halan salana.

Ifisas 5:6

Gosav mahin̄a tehe be atatu vi saruruhigo ginia be men vev ginau lalainigo be ram hav vora te mwasigi, bwatuna be ginau kerageki vi lai lolhoro non God vai alura be ram hav tabe te silona.

Filipae 3:2

Giv gita ḡoro hurira be ram lol ginau hantai, kera be kun ira vwiriu, kera be ram bev maragai huri tav rebehi.

Kolosi 2:8

Gov iloe be atatu vwate si hav tomuai te dagainigo gin silo vagahi tentene gabe mwa mai nin atatu n̄ano, be mwa mai nin ira Vui hantai ata lol ureure geki, i vorate nin Kraes.

2 Timoti 3:13

Take sinombu be ram hantai i ram ruruhi rituai rav tau bwatuna rav hantai i rav hantai liu. Rav ruruhi rituai, take mulei rav ruruhira sibora.

2 Timoti 4:3

Bwatuna be taro vi mai, batena be sinombu tasav mom roron̄tai tehe huri silo vagahi mwasigi. Rav huri havanau be nora doroniva mwa doronia sibora. Ram hiḡehiḡe huri ira vagahi dodolua, be ram bev ginau lalainira vataha ginau be kera ram doronia huba.

2 Pita 3:17

Ira tuaku, mulei be gin ron̄oe huri ginau geki, giv gitaḡoro. Gisav lin̄ te ira atat bwatigoro be rav tomuai dagai kimiu gin alen̄ lete be ram lolia. Giv gitaḡoro bere gim hovi nin nomiu binihimwasigi wasi.

1 Jon 4:1

Ira noḡu buluana, gisav vinihi te mwasigi kera be ram bevea be ram haḡo Vui Sabuga, take giv haḡo ron̄ora be vui be ram haḡoe mwa mai nin God. Ira atatun vevsera tentene ivusi ram ban lol ureure duluai.

Ravrava nin Jud 1:4

Atatu len̄len̄aga rituai ran haroro dahuligi vai lol nom tatan̄ana, kera ran avo vai alun God i ran leahi silo vagahin hogoi non nonda God be ram lol dum ginau hahantai, ram barihai didi lai Jisas Kraes vai alolora, nonda Ratahigi i God. Take tuai avoan sabuga mwa bevea be atat len̄len̄aga keragea rav lai silo vevegi.

Visirai 16:13

Haḡe nam ḡita vui hantai gaitolu be la gitavanara ḡun vorok. Kera ram mwalue nin lolvwan drakon, mai lolvwan ginau rahu turu, i lolvwan atatun vevsera tentene.

Visirai 17:6

Nai vev dumwia be vavine mwa wehi maragai gin wai, huribe mwa mwinmwinu alun dagan sinombu non God gabe ram lin̄ rahura huri Jisas. Ginau geki mwa lolia nam dan̄an̄a,

Visirai 19:20

Take ginau rahu gea ram laia gi atat vauvauhi bul mai atatun vevsera tentene. (Geki atatun vevsera n̄an haḡe gea be nu lol ira ginau dan̄an̄a la ihan ginau rahu, huria be kea vi vataltale kera dolua be dovon̄a non ginau rahu mwa en alura, i ram ḡogonai nunu vatu.) Mwa bohai rahui ginau rahu mai atatun vevsera tentene vai ata lol numbun wain gabi tabwalue mai salva.

Visirai 20:10

Haḡe atmate be mwa ruruhira vi vohai kaburainia vai lol numbun wain gabi tabwalue mai salva. I Kea vi togo aia maira ginau rahu turu i ira atatun vevsera tentene, i rav ron̄ḡagarasi bon̄i i rani mosmosianana sigai.