Matiu 7:13 - Hano Niu Testamen

¹³ “Giv dalin̄oro alolon matgatava ḡuḡusi. Huri be matgatava gaivua i hala nu maron̄ron̄o, kea huri tanon gagarasi. Atatu ivusi maragai ram huri hala geki.

Matiu 7:13 ပူးပေါင်းရင်းမြစ်များ

Matiu 23:13

“Hahagavi lalai kimiu, ira vagahin Silo maira Varise! Kimiu ira hoḡoiḡoro! Gim du ḡoro matanhalan Ute Lavoa atamare. Ta kimiu sibomiu gisav haroro tehe lol rahuana gea, i gim lol ḡoro atatu rituai gabe ram doron be rav haroro.

Matiu 25:41

“Vuvuri nai vevea lalainira la mwairiku be, ‘Giv vis dagai niniau! Silo vevegi non God mwa dogo alumiu huba. Giv vano vai lol gabin ron̄ḡagarasi gabe si hav mate te dum, gabi gea gabe nu lol dautauana huri Setan mai non enjel duluai.

Matiu 25:46

Haḡe kera duluai gea rai vano lol silo vevegi gabe si hav nogo te dum, i kera atat vavtutu rai vano lol rahuana vai tuai.”

Matiu 3:2

mwa bevea be, “Kimiu duluai giv binihileahi huri vuromiu, bwatuna be Ute Lavoa atamare mwa sosori.”

Matiu 3:8

Be kimiu gim binihileahi mwasigi, giv dovon̄ainia alun nomiu lalaḡova.

Matiu 7:14

Take matgatava ḡuḡusi i hala ririhai, kea haḡea halan rahuana, i gaiviha n̄an ram habwea.

Leo Tavuha gabe Luk nu Ravae 14:33

Haḡe Jisas mwa bev nogonogoinia be, “La hala n̄an kea mulei, tuamiu vwate nin kimiu sihav vora te noḡu roron̄tai dum vaivotu be vi binihi dul rosona duluai.”

Leo Tavuha gabe Luk nu Ravae 9:33

Mahavana gabe ramuru ban dagai nin Jisas, Pita mwa bevea lalainia be, “Ratahigi nu tavuha be tav togo teti. Gatol vi halevai valdogi gaitolu vwate hurigo, vwate huri Moses, i vwate huri Elaija.” (Ta kea mwa hav ilo te hano mwa bevea.)

Leo Tavuha gabe Jon nu Ravae 10:9

Inau matgatava. Ihei tehe mwa haroro siviau kea vi rahu; kea vi haroro i vi bwihavare vi habwe gan ginau.

Leo Tavuha gabe Jon nu Ravae 14:6

Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

Lalaḡova 3:19

Nu vevea be giv binihi leahi i giv tabagilu huri God, huri be vi binihi kaburai vuromiu. Be giv lolia kunia,

Ravrava non Pol lalai ata Rom 9:22

Kea alen̄ gaituvwa n̄ano mai God. Kea mwa doron be vi seserainia lalai atatu gin non lol horo i vi lin̄ atatu rav gita non muramura take bwatuna be kea mwa dogo mai binihiv n̄ava i kea mwa dogo maira be mwa lol horoinira atatu be nu lol vatuvwainira be vi vevegia.

2 Korin 4:4

Setan be mwa lalaḡoi ureure uhu mwa lol binihiva ram matagaraga. Kera be ram hav binihi te mwasigi. Rasav gita te dum gigitan Leo Tavuha. Leo Tavuha huri sarisarin Kraes, kea gaituvwa n̄an mai God.

2 Korin 6:17

God mwa bevea kunia, “Giv visdagai nin sinombu kera gea, i giv hara bora. Gisav sibweri te hano be ran hav melmelo tehe, kunia inau nav laiḡoḡo kimiu.”

Kelesia 5:24

Kera gabe ram dogo lalai Kraes Jisas ram boha volvol mulei vurora sibora. Ram lin̄ mulei nora ron̄ova ata tuai i ginau hahantai be ram doronbe ramen lolia.

Filipae 3:19

I la nogonana, rai vora vina kaburai. Ram lol hano n̄ano be rebehira mwa doronia, ram sasagerega huri nora rovogan busbusiana, i ram binihi huri ginau ata lol ureure n̄ano be vi vora nora god.

1 Jon 5:19

Tam iloe be tam mai nin God i ureure duluai, i ureure duluai mwa dogo halaten muramura non ivwalu.

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

Visirai 13:8

Ira sinombu duluai be ram dogo lol ureure rav gogonainia, take barabe atatu gabe nu ravan ḡoro na ihara lol bukan rahuana, gabe buka non Nitui Sipsip gabe nu wehiana.

Visirai 20:15

Haḡe ihei tehe gabe ihana nu hav ravana tehe vai lol bukan rahuana, enjel mwa bohainira vai lol numbun wain gabi tabwalue.

Visirai 20:3

Haḡe enjel mwa bohai drakon vai lol banoi. I mwa lok batugehi vatuvwainia, huria be taul vasan̄vulu vi nogo, drakon sihav mom dentene tehe lalai sinombu huri taul vasan̄vulu. Take vivora huri mahavana vwelvwele n̄an.