Matiu 6:5 - Hano Niu Testamen

⁵ “Mahavana be gim dataro, gisav lolia te kun ira hoḡoiḡoro. Kera ram doron be rav tu amare ba dataro lol imwa tataro i mulei la hal bulbulu huri be atatu ramen gitara. Nam bev mwasigi lalai kimiu be kera gea gabe ram lolia kunia, ram lai tavwera huba.

Matiu 6:5 ပူးပေါင်းရင်းမြစ်များ

Matiu 21:22

Be kimiu gim binihimwasigi alun God, havanau tehe be gim navohia lol nomiu tataro, vi laia lalai kimiu.”

Matiu 23:13

“Hahagavi lalai kimiu, ira vagahin Silo maira Varise! Kimiu ira hoḡoiḡoro! Gim du ḡoro matanhalan Ute Lavoa atamare. Ta kimiu sibomiu gisav haroro tehe lol rahuana gea, i gim lol ḡoro atatu rituai gabe ram doron be rav haroro.

Matiu 23:5

Ginau gabe ram lolia, ram lolia n̄an be atatu ramen gitara. Gim ḡita tan̄ vavagaha huri udun Ravrava Sabuga gabe ram bauhia la rera i la limara be lalavoa maragai. I gim ḡita ḡereḡeren gaisagara be n̄an̄ava maragai.

Matiu 23:6

Kera uhu ram doron maragai be lol ginaganiana lalavoa rav togo la tanon togotogo haehae, i lol imwa tataro ram doron muan tanon togotogo.

Matiu 6:1

“Nomiu lalaḡova duluai be gim lolia lalai God, ta giv lalaḡoinia la mwasin halana. Gisav lolira te lolmatan sinombu be atatu men gita kimiu. Be giv didi lolia kunia, Tamamiu lol ute atamare si hav tavwe te kimiu huria.

Matiu 6:16

“La mahavana be giv garagara vwavwa, lolmatamiu si hav vin̄arin̄ari tehe, kun ira hoḡoiḡoro ram lolia. Kera geki ram lago mai lolmat vin̄arin̄ari, kun gabe maro mwa ḡasira, huri be vataha atatu vi gitara be ram ḡaragara vwavwa. Mwasigi, nam bevea lalai kimiu be kera geki gabe ram lolia kunia be ran lai tavwera huba.

Matiu 6:2

“La mahavana gim lai nomiu ginau vwate lalai ira hiru, gisav uv te taiva gi dovon̄ana, kun ira hoḡoiḡoro ram lolia lol imwa tataro i lolmatan ute be atatu ramen gitara ba binihi marahinira. Nam bev mwasigi lalai kimiu, bwatuna ran lolia kunia, ran lai tavwera huba.

Matiu 9:38

Mwa du be vi hudali maragai wani be bilan ute huri be vi mom hora atatu rituai mulei rai van ba mom lai ginaganiana.”

Leo Tavuha gabe Mak nu Ravae 11:25

Mahavana be gim du gim dataro giv vinihi kaburai hava vuro tehe be gim lolia lalai ihei tehe, huria be Tamamiu lol ute atamare vi binihi kaburai vuromiu mulei.

Leo Tavuha gabe Mak nu Ravae 12:38

Batena be mwa bagahira mwa bevea be, “Giv gitaḡoro huri ira vagahin Silo, kera ram doron be rav lago mai gaisaga n̄an̄ava i ram doron maragai silo lai ḡoḡo huribe atatu rav binihi marahinira lol saran volvoligi i ram doron be rav lai tanon togotogo haehae lol imwa tataro i mai tanon togotogo tavuha lol gina ganian lavoa,

Leo Tavuha gabe Luk nu Ravae 11:43

“Hahagavi lalai kimiu, ira Varise! Gim doron maragai muan tanon togotogo tagaro lol imwa tataro be rai viginago gin kimiu lol ute bulbulu.

Leo Tavuha gabe Luk nu Ravae 18:1

Haḡe Jisas mwa bev avoan dalogai geki lalainira non roron̄tai be men vagahira be rav tataro tagaro huri be rasav mandamanda tehe.

Leo Tavuha gabe Luk nu Ravae 18:13

“Take harahara homu mwa du ban dagai hautu mwa dutui bwabwana mwa bevea be, ‘God gov hagaviau mai vuroku!’ ”

Leo Tavuha gabe Luk nu Ravae 20:47

ram gan bahiru ira bwero aten imwara i ram lol tataro n̄an̄ava be men gitana! Silo vevegi huria vi wasi liu!”

Leo Tavuha gabe Luk nu Ravae 6:24

“Take hahagavi lalai kimiu gabe rosomiu gaivua uhu gaha; huri be gin lai nomiu rahuan tavuha huba!”

Leo Tavuha gabe Jon nu Ravae 16:24

Take kadogaha gim hav hudaligi te huri havanau tehe lol ihaku; giv hudaligi i giv lai dumwia, huri be nomiu samwarana vi haraharai.”

Ifisas 6:18

Tataro lol Vui Sabuga vataha mahavana gin lalan̄an tataro, gov hudaligi huri ginau n̄oto be gom doronia. Huria be gov lolia kunia gov lol vatuvwai i si hav savigo tehe. Gov tataro vataha mahavana huri sinombu non God.

1 Tesalonaeka 5:17

Giv tataro ḡaoḡao,

Jemes 4:6

Take hogoi be God mwa daua aloloda gaivua maragai, kun ravrava sabuga mwa bevea be, “God mwa avo vai alun ravwegana, take mwa lai hogoi lalai ira maḡemu.”