Matiu 6:33 - Hano Niu Testamen

³³ Take kimiu giv gitaḡoro didinigi be giv tabe God gabe nomiu Ratahigi i be giv lol ginau vavtutu duluai gabe kea mwa doronia, i vi hogoi lalai kimiu ginau duluai kera geki mulei.

Matiu 6:33 ပူးပေါင်းရင်းမြစ်များ

Leo Tavuha gabe Luk nu Ravae 12:31

Take giv tau non ute amua gabe rahuan gara be mwa ratahigi alolona i kea vi hogoi lalai kimiu ginau duluai kera geki.”

Matiu 5:6

Irahei be maro mwa ḡasira i ram mandou huri ginau vavtutu, kera haḡea rav ron̄ mwandavuha, huri be God vi lol bamasirinira.

Leo Tavuha gabe Jon nu Ravae 6:27

Gisav lalaḡo tehe huri ginaganiana be vi hantai dumwi ta giv lalaḡo huri ginaganiana gabe vi togo huri rahuana vai tuai. Geki haḡea ginaganiana gabe inau Nitun Atatu nav laia lalai kimiu, bwatuna God Tata nu tau dovon̄an non roron̄o aluku huba.”

Ravrava non Pol lalai ata Rom 14:17

Lol ute ratahigi non God, ginaganiana i wai mwinu varate ginau gaivua. Ginau n̄ano be nu marahi, kea be gom lol vavtutu lalai God, tamwata, i samwarana lol Vui Sabuga.

Matiu 19:29

I mulei kera gabe ram derai imwara, sa ira tuara, sa ira hogosira, sa ira tamara sa ira ratahira, sa ira nitura, sa ira bilara talu huriau, kera gea rav lai liu vavudolua. I rav haḡo rahuana vai tuai.

Ravrava non Pol lalai ata Rom 8:31

Havanau haḡea tai vevea huri ginau kun geki? Kebe God mwa dogo mai gida, atatu vwate si hav wehi te dum gida lol taron bwaloana.

1 Timoti 4:8

Huhui rebehimwa be vi buluigo alun hala rituai take gov lalaḡo lalai God vi buluigo la hala duluai. Bwatuna be vi lai vatavuha lalainigo lol rahuana geki i vai lol rahuana vai tuai.

2 Korin 5:21

Kraes kea non bwatigoro sigai, take God nu lolia mwa mai kun be atat bwatigoro huribe sivi Kraes tav mai bavtutu dum mulei mai God.

Ravrava non Pol lalai ata Rom 1:17

Roroi Tavuha mwa bagahi kun hanigi God mwa lol atatu mwa bavtutu maia sibona be mwa dau bwatuna i mwa nogo mai binihimwasigi garagusi. Ravrava Sabuga mwa bevea be, “Kera be ram bavtutu mai God huri be ram binihimwasigi garagusi, kera rav habwe rahuana.”

Filipae 3:9

i bilana. Kadogaha nam bavtutu mai God, nu hav vora te huria be nan huri silo, take bwatuna be nam binihimwasigi garagusi alun Kraes. God mwa haḡo noḡu binihimwasigi garagusi mwa loliau nan bavtutu maia.

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

Matiu 4:17

Haḡe Jisas mwa dau bwatuna mwa bev lua non avoana, mwa bevea be, “Kimiu duluai giv binihi leahi nin vuromiu, bwatuna be mahavana mwa abena be Ute Lavoa atamare mwa sosori.”

Matiu 3:2

mwa bevea be, “Kimiu duluai giv binihileahi huri vuromiu, bwatuna be Ute Lavoa atamare mwa sosori.”

2 Tesalonaeka 1:5

Ira taro ririhai gea be gim dogo alolona ram seserainia be alen̄an God huri vevegi nu vavtutu n̄ano. God kea nomiu Ratahigi lavoa i God mwa bev luae be kimiu gin dadariha be giv ron̄ ḡagarasi huri ihan God.

Ravrava non Pol lalai ata Rom 10:3

Huribe ram hav ilo te halana be God mwa lol atatu ram bavtutu maia, ram lol ron̄oe be ramen lolira sibora ram bavtutu la nora hala. I ram hav dara tehe alun hala be God mwa lol atatu ram bavtutu.

Lalaḡova 28:31

Kea nu toretore huri Rahuan gara gabe God mwa bora ratahigi ḡoro non sinombu alolona. I nu lai silo vagahi huri Ratahigi Jisas Kraes, kea nuhav matagu tehe be men avo, i atatu sihav tu ḡoro te dum non avoana.

2 Pita 1:11

I kimiu giv lai laiḡoḡo gaivua vai alolon ute ratahigi non nonda Ratahigi i varahuda Jisas Kraes vai tuai i tuai.

2 Pita 1:1

Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.

Leo Tavuha gabe Luk nu Ravae 1:6

Ira tarua gekado raru to vavtutu la lolmatan God, ramuru ḡoḡoi ḡoro didinigi leo horai i silo vagahi duluai non ratahigi.

1 Korin 3:22

Pol, Apolos mai Pita; ureure geki, rahuana i mateana, gubwen̄i garigi i vainon̄oiha geki duluai nomiu,

Lalaḡova 20:25

“Nan vano vataha ute duluai abemiu, nam doretore huri Ute Ratahigi non God. I Kadogaha nam iloe be vwate nin kimiu sihav mom ḡita te muleiau.

Matiu 19:28

Haḡe Jisas mwa bevea lalainira be, “Nam bev mwasigi lalai kimiu be, la mahavana rahuana gara uhu vi mai, inau Nitun Atatu nav togo la tanoḡu sarisari, gabe tanon lavoa, la mahavana gea, kimiu han̄vulu domwan gairua gabe gim huriau, kimiu mulei giv togo alun tanomiu gabe tanon lavoa, giv ratahigi ḡoro vara n̄avul gaituvwa domwan gairua ira Jius.

Leo Tavuha gabe Jon nu Ravae 5:4

Gubwen̄ rituai enjel non God vi hiv lol waitogo ba sabwaria. Muan harova, be mwa hivo muana ataguna be waitogo nu sabwariana, kea mwa rahu darihou.