Matiu 6:28 - Hano Niu Testamen

²⁸ “Huri hano be gim binihi dadaligi huri gaisagamiu? Giv taria alun virangai be ram mauri lol ute vono, be ram mauri kun hanigi. Ram hav lol te rovoga sage ram hav ligo te gaisaga.

Matiu 6:28 ပူးပေါင်းရင်းမြစ်များ

Matiu 10:10

Gisav haḡo te tan̄a huri nomiu lagoana sage gairuan gaisagamiu sage sus mai gaisigomiu. Atatun rovoga vi lai lalainia havanau nu dadariha huria.

Matiu 6:25

“Bwatuna gea, nam bevea lalai kimiu be gisav binihi te dadaligi lol nomiu togoana, be gim binihia be, ‘nav gan hano garigi?’ sage ‘nav mwin hano garigi?’ sage ‘nav sagasagai hano?’ Giv iloe be rahumiu barabe vi rahu n̄an alun ginaganiana, take nu liu ninia. Sage rebehimiu si hav rahu te alun gaisaga, take nu liu ninia.

Matiu 6:27

Matu be gim binihi dadaligi huria huri hano, gisav tarihou te dum taul dolua mulei lol rahumiu.

Matiu 6:31

“Huri ginau duluai gea, gisav binihi te dadaligi be ‘Garigi tav gan hano? Nav mwin hano? Sage nav sagasagai hano?’

Leo Tavuha gabe Luk nu Ravae 10:41

Take Ratahigi mwa bwaliua be, “Mata, Mata! gom n̄ala bonogai gin binihivanan ginau ivusi, haḡe ta ginau gaituvwa n̄an nu dadariha.

Leo Tavuha gabe Luk nu Ravae 12:11

“Batena be rav lai kimiu be rav vevegi kimiu lol imwa tataro sage la lolmatan ira tomuai vevev sa mai ira lavoa gisav matagu tehe be giv vev hano sa giv tuḡoro kimiu kunhanigi.

Leo Tavuha gabe Luk nu Ravae 12:22

Haḡe Jisas mwa bevea lalai non roron̄tai be, “Nam bevea lalai kimiu be gisav binihi te dadaligi lol nomiu togoana, be giv gan hano huri be giv rahu sa huri gaisaga gim doronia huri rebehimiu.

Leo Tavuha gabe Luk nu Ravae 12:27

Giv taria alun virangai be ram mauri lol ute vono: ram hav lol te rovoga sage ram hav ligo te gaisagara hurira sibora. Take nam bevea lalai kimiu be, Ratahigi Lavoa Solomon amua, kea atat rosoga maragai, take gaisagana nuhav ḡalana tehe kun virangai duluai kera uhu.

Leo Tavuha gabe Luk nu Ravae 3:11

Haḡe mwa bwaliura be, “Atatu be gaisagana gairua vi lai vwate lalai wani be gaisagana sigai, mulei atatu be gan ginau abena vi hogosira be gara ginau sigai.”

Filipae 4:6

Gisav lai te binihiva huri hano be gin doronia, take giv tataro i giv hudali God huri ginau duluai be gim doronia, tagaro giv lai avkari.

1 Pita 5:7

Giv lai nomiu binbinihi bovonosi duluai lalai nia, bwatuna kea mwa ḡitaḡorogo.