Matiu 6:25 - Hano Niu Testamen

²⁵ “Bwatuna gea, nam bevea lalai kimiu be gisav binihi te dadaligi lol nomiu togoana, be gim binihia be, ‘nav gan hano garigi?’ sage ‘nav mwin hano garigi?’ sage ‘nav sagasagai hano?’ Giv iloe be rahumiu barabe vi rahu n̄an alun ginaganiana, take nu liu ninia. Sage rebehimiu si hav rahu te alun gaisaga, take nu liu ninia.

Matiu 6:25 ပူးပေါင်းရင်းမြစ်များ

Matiu 10:19

Batena be rav lai kimiu be rai vevegi kimiu, gisav matagu tehe huri havanau be giv vevea sage giv vev haninia. La mwasin mahavana, vi lai lalai kimiu havanau be giv vevea.

Matiu 13:22

Biri gabe mwa hovi lol ḡauli, nu ḡun atatu gabe mwa ron̄ avoana, take kalkalianan ureure i doroniva non rosomiu mwa haravui avoana tavuha be nu ron̄oe, i mwa hav vwae tehe.

Matiu 6:31

“Huri ginau duluai gea, gisav binihi te dadaligi be ‘Garigi tav gan hano? Nav mwin hano? Sage nav sagasagai hano?’

Matiu 6:34

Take gisav binbinihi te dadaligi huri vaigogo, huri be vaigogo matanhalana mwa eno huba. Ginau gagarasi huri gubwen̄ gaituvwa si hav mom dari houana tehe.

Leo Tavuha gabe Mak nu Ravae 13:11

Batena be ram haḡo batugehi kimiu, i ram lai kimiu vai lol imwan harahara, gisav matagu te susuvwai huri havanau be giv vevea; batena be mahavana vi mai, giv avo alun havanau be mwa laia lalai kimiu baten gea. Huri avoana gabe giv avo aluna si hav vora te nomiu; rav mai nin Vui Sabuga.

Leo Tavuha gabe Mak nu Ravae 4:19

take lalaḡova ata lol ureure, kun silo tabetabe huri roso, i ginau dorodoron rituai ram hae bul maira i ram bivihi avoana i mwa hav vwavwae te dum.

Leo Tavuha gabe Luk nu Ravae 12:11

“Batena be rav lai kimiu be rav vevegi kimiu lol imwa tataro sage la lolmatan ira tomuai vevev sa mai ira lavoa gisav matagu tehe be giv vev hano sa giv tuḡoro kimiu kunhanigi.

Leo Tavuha gabe Luk nu Ravae 8:14

Biri gabe ram hovi lol ḡauli mwa du hurira gabe ram ron̄ avoana, take kalkaliana mai rosomiu mai doronivanan vigohoi ram mai alura i ram haravuinira, i mwasira ram hav metua te dum.

Ravrava non Pol lalai ata Rom 8:32

God mwa hav usi te nituna ta mwa mahin̄ainia be vi mate huri gida duluai. I bulmai Jisas, God vi lai ginau n̄oto lalai gida.

1 Korin 7:32

Nam doronbe giv togo dagai nin binbinihi. Atatu be mwa hav lagi tehe kea haḡea mwa du be vi lol doroniva non Ratahigi, huribe mwa lol ron̄oe be men lol doroniva non Ratahigi.

Filipae 4:6

Gisav lai te binihiva huri hano be gin doronia, take giv tataro i giv hudali God huri ginau duluai be gim doronia, tagaro giv lai avkari.

2 Timoti 2:4

Atatun bwaloana mwa doron be vi lol samsamwarai non tomuai huria, be ihei tehe be mwa lol rovoga lol tanon bwaloana sihav sabwelei te non taro mai ginau ata vataha gubwen̄i.

1 Pita 5:7

Giv lai nomiu binbinihi bovonosi duluai lalai nia, bwatuna kea mwa ḡitaḡorogo.