Matiu 6:2 - Hano Niu Testamen

² “La mahavana gim lai nomiu ginau vwate lalai ira hiru, gisav uv te taiva gi dovon̄ana, kun ira hoḡoiḡoro ram lolia lol imwa tataro i lolmatan ute be atatu ramen gitara ba binihi marahinira. Nam bev mwasigi lalai kimiu, bwatuna ran lolia kunia, ran lai tavwera huba.

Matiu 6:2 ပူးပေါင်းရင်းမြစ်များ

Matiu 15:7

Kimiu ira hoḡoiḡoro! Aesaia atatun vevsera nu vev daua mwasigi mahaḡea huri kimiu be:

Matiu 16:3

I mabon̄ gaituvwa gim bevea be, ‘Vi uhe, bwatuna be lolon mahao mwa memea i mwa dodoga.’ Giv gita batoi uhe i alo alun mahao. Take gisav gita te batoi dovon̄a ata lol gubwen̄i garigi!

Matiu 22:18

Take Jisas mwa ilo nora taritari huri binihiv hantai i kunia mwa bevea be, “Kimiu ira hoḡoiḡoro! Huri hano gim doron be gimen ruruhiau?

Matiu 23:5

Ginau gabe ram lolia, ram lolia n̄an be atatu ramen gitara. Gim ḡita tan̄ vavagaha huri udun Ravrava Sabuga gabe ram bauhia la rera i la limara be lalavoa maragai. I gim ḡita ḡereḡeren gaisagara be n̄an̄ava maragai.

Matiu 23:6

Kera uhu ram doron maragai be lol ginaganiana lalavoa rav togo la tanon togotogo haehae, i lol imwa tataro ram doron muan tanon togotogo.

Matiu 24:51

Kunia non ratahigi vi lol ḡagarasia, vi tau dagainia abera hoḡoiḡoro. Aia vi goea i vi gan livona.

Matiu 5:18

Nam bev mwasigi lalai kimiu be, ute atamare i ureure vi togo radu, giv gitae be tavihen ravrava vwate si hav laian te dagai nin Silo vai votu ginau duluai vi nogo.

Matiu 6:16

“La mahavana be giv garagara vwavwa, lolmatamiu si hav vin̄arin̄ari tehe, kun ira hoḡoiḡoro ram lolia. Kera geki ram lago mai lolmat vin̄arin̄ari, kun gabe maro mwa ḡasira, huri be vataha atatu vi gitara be ram ḡaragara vwavwa. Mwasigi, nam bevea lalai kimiu be kera geki gabe ram lolia kunia be ran lai tavwera huba.

Matiu 6:3

Take la mahavana be gim lai nomiu ginau lalai ira hiru, giv lol ron̄oe be limamiu mwairi si hav ilo te hano be limamiu mwatua mwa lolia.

Matiu 6:5

“Mahavana be gim dataro, gisav lolia te kun ira hoḡoiḡoro. Kera ram doron be rav tu amare ba dataro lol imwa tataro i mulei la hal bulbulu huri be atatu ramen gitara. Nam bev mwasigi lalai kimiu be kera gea gabe ram lolia kunia, ram lai tavwera huba.

Matiu 7:5

Giḡo hoḡoiḡoro! Muana giḡo sibomwa gov lai dagai n̄adun gai gaivua lol matamwa, vuvuri gov siv gita dum tavuhai ute, kadogaha gov siv ari dagai han̄ora lolmatan tuamwa.

Leo Tavuha gabe Mak nu Ravae 12:39

Kera ram ḡitalua tanon togotogo tavtavuha lol imwa tataro i tanoi tavtavuha lol ginaganian lalavoa.

Leo Tavuha gabe Mak nu Ravae 7:6

Jisas mwa bwaliura mwa bevea be, “Aesaia nu vev mwasigi batena be nu vev dau avoanana huri kimiu! Kimiu ira hoḡoiḡoro hurinia gabe nu ravae be: God mwa bevea be, ‘Kera sinombu geki ram ḡogonaiau gin nora avoana n̄an, take lolora hautu niniau.

Leo Tavuha gabe Luk nu Ravae 11:41

Giv hagai lua hano gabe mwa du lol nomiu laha mai peleti lalai ira hiru, i ginau duluai vi melmelo lalai kimiu.”

Leo Tavuha gabe Luk nu Ravae 11:43

“Hahagavi lalai kimiu, ira Varise! Gim doron maragai muan tanon togotogo tagaro lol imwa tataro be rai viginago gin kimiu lol ute bulbulu.

Leo Tavuha gabe Luk nu Ravae 12:33

Giv salei nomiu ginau duluai i giv lai mwane lalai ira hiru. Giv lol vatuvwai huri nomiu tan̄an mwane gabe sihav boboga te dum i giv varahu rosomiu duluai amare aben God. Aia ginau duluai rasav hantai tehe, bwatuna atat surasura sigai be men surai dumwira, kakurus mulei sihav gan te kaburai dumwira.

Leo Tavuha gabe Luk nu Ravae 12:56

Kimiu ira hoḡoiḡoro! Gim ḡita dum dovon̄a ata lol ureure i la mahao amare vuvuri gim bev dum binihiva huria, huri hano gim hav ilo te binihiva huri gubwen̄ garigi?”

Leo Tavuha gabe Luk nu Ravae 13:15

Haḡe ratahigi mwa bwaliua mwa bevea be, “Ira Hoḡoiḡoro! Ihei nin kimiu sihav tugu te bilan don̄ki sa buluki nin arara be men lai wai lalainira lol gubwen̄ mambuharai.

Leo Tavuha gabe Luk nu Ravae 20:46

“Giv gitaḡoro ira vagahin Silo, kera ram doron be rav lago mai gaisaga n̄an̄ava i ram doron maragai silo lai ḡoḡo huri be atatu rav binihi marahinira lol saran volvoligi i ram doron be rav lai tanon togotogo haehae lol imwa tataro i mai tanon togotogo tavtavuha lol ginaganian lavoa;

Leo Tavuha gabe Luk nu Ravae 6:24

“Take hahagavi lalai kimiu gabe rosomiu gaivua uhu gaha; huri be gin lai nomiu rahuan tavuha huba!”

Leo Tavuha gabe Luk nu Ravae 6:42

Huri hano gom bevea aben tuamwa be, ‘Tua mahin̄a ba namen ari lua han̄ora gabe mwa en lol matamwa’; take gom hav gita te dum n̄andun gai gaivua gabe mwa en lol matamwa sibomwa? Giḡo hoḡoiḡoro! Muana giḡo sibomwa gov lai dagai n̄adun gai gaivua lol matamwa vuvuri gov siv gita dum tavuhai ute, kadogaha gov siv ari dagai han̄ora lolmatan tuamwa.”

Leo Tavuha gabe Jon nu Ravae 13:29

Take bwatuna be Judas mwa ḡitaḡoro tan̄an homu, i ira roron̄tai rituai ram binihia be Jisas mwa bevea lalainia be men van ba bol te ginaganiana be ram doronia, huri samsamwara sage men lai ginau lalai ira hiru.

Leo Tavuha gabe Jon nu Ravae 5:41

“Nam hav hiḡe te ute be atatu ramen sagereiau.

Leo Tavuha gabe Jon nu Ravae 5:44

Gim doron be gimen to ba lai avoan tavtavuha nin kimiu mahaḡea sibomiu, ta gim hav lol te ron̄oe be gimen lol ginau be God sibona men ron̄ mwandavuha gin kimiu. Haḡe giv binihimwasigi dum haniniau?

Leo Tavuha gabe Jon nu Ravae 7:18

Atatu gabe mwa avo gin non roron̄o sibona, wani gea mwa lol ron̄oe be vi lol roroainia sibona. Take wani gabe mwa doron be vi lol roroai wani be nu horae, kea mwa lol ginau mwasigi i kea mwa hav lol te ginau vahala.

Lalaḡova 10:2

Kea atat vavtutu vwate i kea mai tasalana i ira nituna ram ḡogonai God. Kea mulei mwa bului maragai ira hiru ira Jius i mwa dataro vataha mahavana lalai God.

Lalaḡova 10:31

i kea mwa bevea lalaiau be, ‘Konilias! God mwa ron̄ nom tataro i mwa ilo nam lalaḡov tavuha huri lolotabetabe.

Lalaḡova 10:4

Haḡe kea mwa ḡita mutmutai enjel gin mataguana i mwa bevea lalainia be, “Havanau, Vagahi?” Haḡe enjel mwa bwaliua mwa bevea lalainia be, “God mwa ron̄ mwa davuha gin nom tataro i nom rovoga alun lolotabetabe, i kea mwa dogo be vi vwaliugo.

Lalaḡova 11:29

Haḡe ira hala ram binihi tuhia be atatu gaitutuvwai vatvatahara vi lai udun bilana huribe vi bului ira binihimwasigi rituai gabe ram dogo Judia.

Lalaḡova 24:17

“Ataguna be nam dogo dagai nin Jerusalem huri taulu rituai, nam bano mulei aia be namen lai homu rituai lalai noḡu sinombu i be namen tataroi.

Lalaḡova 9:36

Lol vanua Jopa vavine vwate ihana Tabita, kea binihimwasigi vwate (Ihana la avoana ata Krik be Dokas, binihiva be Dia). Lol mahavan rahuna duluai nu lalaḡo tavuha i mwa bului ira hiru.

Ravrava non Pol lalai ata Rom 12:8

Ihei tehe be nu lai hogoi huri be vi lai avoan dura lalai atatu, kea vi lolia kunia. Ihei be nu lai hogoi be vi hogos atatu dolua, kea vi hogoi vuroinia. Ihei be nu lai hogoi be vi vora tomuai vi n̄aitai lol taro be mwa domua. Ihei be nu lai hogoi huri sine hagavi huri atat dolua vi lolia kunia gin samwarana.

1 Korin 13:3

Take mai ginau n̄oto geki, lolotabetabe sigai, kea inau ginau vuroi n̄ano. Nav lai n̄oto hano be noḡu, i nav lai rebehiku kun gabe hogoi be vi tunuana. Take ginau n̄oto vwaina vi vora sigai huribe lolotabetabe sigai.

Kelesia 2:10

Ginau n̄an be ram hudali gida be tav vinihi dumwia be tav bului ira hiru ginia be ram doron maragai be nav lolia.

Ifisas 4:28

Kera gabe ram susura rav lin̄i be ram susura i rav tau bwatuna ba lol rovoga. Mwa du be kera rav haḡo rahuan tavuha hurira sibora i kera rav lai dum ginau abena be rav hogoinia lalainira be ram hiruga.

1 Tesalonaeka 2:6

Gam hav hiḡe te hala be atatu vi sagerei kamai, huri kimiu sa ira hei dodolua,

1 Timoti 6:18

Goi vevea lalai sinombu rosoga be rav lol lalaḡov tavuha, be rav rosoga be rasav bugura tehe, i rav lol vatuvwai be rav hogohogo lalai atat dodolua.

Filimon 1:7

Noḡu samwarana gaivua maragai i lolo tavuha, tuaku, bwatuna be lolotabetabe be gom seserainia lalai sinombu non God mwa lol bamahurinira.

Hibru 13:16

Gisav vinihi te malioi be giv lol ginau tavtavuha i giv bulubului kimiu huribe ginau kerageki mwasin raumatan ginau be God mwa samsamwara ginia.

1 Pita 4:11

Ihei tehe be vi avo ta mwa du be si vev avoana nin God. Ihei tehe be vi bului tuana ta mwa du be vi bului mai muramura be God nu laia bwatuna be lol ginau duluai God vi uloi roroai sivi Jisas Kraes. Muramura i ute roroai nona vai tuai i tuai. Amen.