Matiu 6:1 - Hano Niu Testamen

¹ “Nomiu lalaḡova duluai be gim lolia lalai God, ta giv lalaḡoinia la mwasin halana. Gisav lolira te lolmatan sinombu be atatu men gita kimiu. Be giv didi lolia kunia, Tamamiu lol ute atamare si hav tavwe te kimiu huria.

Matiu 6:1 ပူးပေါင်းရင်းမြစ်များ

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Matiu 16:6

Jisas mwa bevea lalainira be, “Giv vugeri matamiu ba ḡita batoi is non ira Varise maira Sadusi.”

Matiu 23:13

“Hahagavi lalai kimiu, ira vagahin Silo maira Varise! Kimiu ira hoḡoiḡoro! Gim du ḡoro matanhalan Ute Lavoa atamare. Ta kimiu sibomiu gisav haroro tehe lol rahuana gea, i gim lol ḡoro atatu rituai gabe ram doron be rav haroro.

Matiu 23:5

Ginau gabe ram lolia, ram lolia n̄an be atatu ramen gitara. Gim ḡita tan̄ vavagaha huri udun Ravrava Sabuga gabe ram bauhia la rera i la limara be lalavoa maragai. I gim ḡita ḡereḡeren gaisagara be n̄an̄ava maragai.

Matiu 25:40

Haḡe inau Ratahigi Lavoa nai vwaliura be, ‘Nam bev mwasigi lalai kimiu be, gin lolia kunia lalai tuaku vwate gabe tirigi ninira tuaku duluai, kun gabe gin lolia lalaiau siboku.’

Matiu 5:16

Kunia mulei kimiu giv lol seserai nomiu gigitana vi gigita la lolmatara atatu, be rav gita batoi nomiu lalaḡova tavuha. Haḡe rav siv uloi roron Tamamiu atamare.

Matiu 5:46

Matu ke huri hano gim do gi binihia be God vi tavwe kimiu huria be gim dabe atatu n̄ano gabe ram dabe kimiu? Ira harahara homu mulei ram lolia kunia.

Matiu 5:48

Mwa du be giv to vavtutu tavuhai kun Tamamiu amare mwa do vavtutu tavuhai.

Matiu 6:16

“La mahavana be giv garagara vwavwa, lolmatamiu si hav vin̄arin̄ari tehe, kun ira hoḡoiḡoro ram lolia. Kera geki ram lago mai lolmat vin̄arin̄ari, kun gabe maro mwa ḡasira, huri be vataha atatu vi gitara be ram ḡaragara vwavwa. Mwasigi, nam bevea lalai kimiu be kera geki gabe ram lolia kunia be ran lai tavwera huba.

Matiu 6:9

Bwatuna gea, giv tataro kungeki be: ‘Tata amare: ihamwa na sabuga:

Leo Tavuha gabe Mak nu Ravae 8:15

Haḡe Jisas mwa bevea lalainira non roron̄tai be, “Giv gita ḡoro kimiu gin is non ira Varise mai Herod.”

Leo Tavuha gabe Luk nu Ravae 11:35

Giv gitaḡoro nomiu gigita be sihav metmetoga tehe.

Leo Tavuha gabe Luk nu Ravae 12:1

Haḡe lol mahavan gea, sinombu vasan̄vul vaivusi ram ḡoḡo ute gaituvwa, ute gea tirigi, ram bivirira i ram bavarahi mulei bwalagera. Haḡe Jisas mwa avo amua lalai non roron̄tai mwa bevea be, “Giv matai ḡoro is non ira Varise gabe alen̄ hoḡoiḡoro.

Leo Tavuha gabe Luk nu Ravae 12:15

I mwa bev rahurahuinia lalainira duluai be, “Giv mataiḡoro i giv gitaḡoro kimiu nin lalan̄an bugurana, bwatuna mwasin rahun atatu mwa hav mai tehe nin rosona, gaituvwa n̄an be rosona gaivua.”

Leo Tavuha gabe Luk nu Ravae 16:15

Jisas mwa bevea lalainira be, “Kimiu haḡea atatu gabe gim lol kimiu sibomiu kun be atat vatutu la lolmatan atatu duluai, take God mwa ilo nomiu binihiva duluai lol lolomiu. Huri havanau tehe be ran marahi lol binihiva non atatu kea ginau vuroi n̄an la lolmatan God.”

Leo Tavuha gabe Jon nu Ravae 12:43

Kera geki ram doron maragai be atatu rav tabera lol doroniva, ninia be God si tabera.

Leo Tavuha gabe Jon nu Ravae 5:44

Gim doron be gimen to ba lai avoan tavtavuha nin kimiu mahaḡea sibomiu, ta gim hav lol te ron̄oe be gimen lol ginau be God sibona men ron̄ mwandavuha gin kimiu. Haḡe giv binihimwasigi dum haniniau?

Lalaḡova 3:12

Mahavana be Pita mwa ḡita sinombu, mwa bevea lalainira be, “Kimiu ira Jius, huri hano be gin dan̄an̄a huri ginau geki, i gim ḡita mamaragai kamaru? Matu gim binihia be gamuru lol ginau geki gin nomaru muramura sage nomaru roron̄o sibomaru, gamuru lol wani geki mwa lago.

Kelesia 6:12

Atatu rituai ram lol kimiu be ramen tav dovon̄ana alumiu, huribe ram sasagerega lol ginau ata lol rebehi n̄ano. Ram matagu be rav lol ḡagarasira be rav huri volovolo non Kraes.

Hibru 11:26

Nu ḡunia n̄ano be nu vevea be, be kera ras manuhi Wani Vurai gabe God vi horae vi himai, ta kea sihav busbusi tehe. Kea mwa ron̄ mwa davuha maragai alun ginau gea, ninia be mwa ron̄ mwandavuha gin ginau tavuha alun rahuana lol vanua Ijip. Kea mwa ron̄oe kunia huria be kea mwa ḡitae tagaro alun tavwe be God vi laia lalainia.

Hibru 2:1

Gida tav tari nonda butuana duluai alun havanau be mwa bevea lalai gida, huri be tasav sala tehe.

Hibru 6:10

Huri alen̄an God vataha mahavana nu tavuha n̄ano. I kea sihav vinihi te dum malioi rovoga duluai gea be gin lolia. I kea vi vinihi dumwia be kimiu gim dabea lol nomiu doroniva liu, i be gin bului raduinira atatun uloilua dodolua, i gin bului raduinira.

2 Jon 1:8

Giv gitaḡoro sibomiu be gisav haḡo te bahal ginau duluai be gin lol rovoga huria, take be giv lai tavwe duluai.