Matiu 5:42 - Hano Niu Testamen

⁴² Be atatu mwa hudalinigo gin ginau vwate, gov laia lalainia. Be atatu mwa doron hano huba ninigo, gov mahin̄ainia lalainia.

Matiu 5:42 ပူးပေါင်းရင်းမြစ်များ

Matiu 5:41

Be mandevai atatun bwaloana ata Rom vwate mwa hudali bonogainigo be gov ros non gete huri mael gaituvwa, rosia huri mael vwate mulei.

Leo Tavuha gabe Luk nu Ravae 11:41

Giv hagai lua hano gabe mwa du lol nomiu laha mai peleti lalai ira hiru, i ginau duluai vi melmelo lalai kimiu.”

Ravrava non Pol lalai ata Rom 12:20

Ta hiḡo gov lolia kungeki: “Be nom ivwalu maro mwaḡasia, gov van̄ania; be mwa mandou, lai wai lalainia. Gov lolia kunia vi vora kun abe gom salil beben ginau oda la bwatuna.”

Hibru 13:16

Gisav vinihi te malioi be giv lol ginau tavtavuha i giv bulubului kimiu huribe ginau kerageki mwasin raumatan ginau be God mwa samsamwara ginia.

Hibru 6:10

Huri alen̄an God vataha mahavana nu tavuha n̄ano. I kea sihav vinihi te dum malioi rovoga duluai gea be gin lolia. I kea vi vinihi dumwia be kimiu gim dabea lol nomiu doroniva liu, i be gin bului raduinira atatun uloilua dodolua, i gin bului raduinira.

Jemes 1:27

God mwa laiḡoḡo binihimwasigi be nu melmelo, i vahalana sigai binihimwasigi geki mwa domuai atatu be ramen gitaḡoro ira mandue, ira bwero be ram hahagavi huri buluiana i vi lolira rav melmelo dagai nin alen̄an rahuana ata lol ureure.