30 Be limwamwa mwatua mwa loligo gom buroga, tai n̄adua ba bohai kaburainia! Nu tavuha be udumwa n̄an si vano, ninia be si vora rebehimwa n̄oto si vano vai lol gabin ron̄ḡagarasi.
Take avoana mwa hav garoga tehe alolora. Ram davuha mahavana vwelvwele. I la mahavana be ram habwe kalkaliana sa mwa lol bonogainira bwatuna avoana, ram hovi darihou.
Haḡe Jisas mwa ban burigai Pita, mwa bevea be, “Vis dagai niniau, Setan. Gosav lol te daturaiau. Huri be nom binihiva barabe binihiva non God, take binihiva non atatu n̄an.”
Take gida tasav lol te atatu gabe ram hara homu be rav taturai aluda. I gov hivo vai lol numbu gaivua ba bohai mata. Muan ige be gov ravae, gov havan̄ bwan̄ona, i gov habwe mwane vi dadariha be taru vi vol n̄oto nonda takis ginia. Gov laia ba bolia.”
“Be limwamwa sage bwalagemwa mwa loligo nom binihimwasigi garagusi mwa hovi, tai n̄adua ba bohai kaburainia! Nu tavuha be gov haroro lol rahuana mai limwamwa sage bwalagemwa gaituvwa n̄an ninia be ras tu saraḡo i vi vohai kaburainigo vai lol gabin ron̄ḡagarasi vai tuai.
Haḡe ratahigi mwa bevea lalai non atatun rovoga be, ‘Giv vauhi batugehi limana i bwalagena ba bohainia avare lol ute meto. Aia vi dei i vi gas livona.’ ”
Atatun rovoga be nu lai dola vasan̄vul valima mwa haroro mai dola vasan̄vul valima mulei, mwa bevea lalai non ratahigi be, ‘Gon lai lalaiau dola vasan̄vul valima. Gitae, nan mom lai mulei dola vasan̄vul valima amare aluna.’
Haḡe Jisas mwa bevea lalainira be, “Garigi bon̄i kimiu duluai giv romaragai niniau i nav togo gaheku, bwatuna lol Ravrava Sabuga mwa bevea be, ‘God vi wehi radaiḡoro sipsip, haḡe vatugi sipsip rai visalsala.’
Itake kadogaha inau nam bevea lalai kimiu be, ihei mwa lolhoroi tuana, wani gea vi lai silo vevegi huria. I ihei mwa bev bwarebware tuana, kea vi laiana vai lol imwan harahara gaivua. I ihei mwa uloi tuana be ‘Giḡo len̄len̄aga!’ wani gea vi haroro lol gabin ron̄ḡagarasi.
Be matamwa la mwatua mwa loligo gom buroga, lai dagainia ba bohai kaburainia! Nu tavuha be tavalun matamwa si vano, ninia be si vora rebehimwa n̄oto si vano vai lol gabin ron̄ḡagarasi.
Be limwamwa mwa loligo gom sala lol non binihimwasigi garagusi, tav n̄andu kaburainia! Nu tavuha lalainigo be gov haroro lol rahuana mai limwamwa gaituvwa ninia be ras tu saraḡo i vi vohai kaburainigo vai lol gabin ron̄ḡagarasi vai tuai.
Nav vev luae lalai kimiu wani gabe giv mataguinia. Giv matagui God, kea gabe ataguna be mwa wehi kimiu vi vohai kimiu vai lol gabi. Mwasigi nam bevea lalai kimiu be, giv mataguinia!”
Nu tavuha lalai wani gea be vi ligoana na vat marahi la mwagorona i vi vohaiana kaburai lol tahi roro ninia gabe si lol naturigi vwate uhu be men vuroga.
Kunia be nu ravana lol ravrava sabuga be: “Nav tau alolon Jerusalem vatu vwate be vi lol atatu rav taturai, vatu be vi lolira rav hovi. Atatu te ihei be vi vinihi mwasiginia sihav busbusi te dumwi.”
Ira tuaku, nam hav vagahi tehe be mwa du maragai be atatu vi lai tav dovon̄a. Be nav vagahi tav dovon̄a, huri hano haḡea ram bwalo maiau radu? Be nas vagahi tav dovon̄a radu, noḡu toretore huri volovolo si hav vora te ginau ririhai vwate.
Mulei, Kea haḡea, “Vatu be mwa lol atatu ram daturai, Vatu be mwa lolira ram hovi.” Ram daturai bwatuna be ram hav tabe te havana be God mwa bevea, Kea haḡea havanau be God nu lol vatuvwai nira be vi loli lalai nira.