Matiu 5:28 - Hano Niu Testamen

²⁸ Ita inau nam bevea lalai kimiu be, ihei atamwani mwa ḡita vavine mwa doron be si vahala maia, kea mwa daḡataḡa huba lol lolona.

Matiu 5:28 ပူးပေါင်းရင်းမြစ်များ

Matiu 15:19

Bwatuna be nin lolon atatu binihiv hahantai kera geki ram mwalue, wehi bonogai, vuro mai atat lagi, vuro mai atatu dagai nin lagiana, surasura, tenteneana, i tul bonogai.

Matiu 5:22

Itake kadogaha inau nam bevea lalai kimiu be, ihei mwa lolhoroi tuana, wani gea vi lai silo vevegi huria. I ihei mwa bev bwarebware tuana, kea vi laiana vai lol imwan harahara gaivua. I ihei mwa uloi tuana be ‘Giḡo len̄len̄aga!’ wani gea vi haroro lol gabin ron̄ḡagarasi.

Matiu 5:39

Ita inau nam bevea lalai kimiu be, gosav ḡele te hantai lalai hei be mwa loligo. Be ihei mwa rabas valamwa la mwatua, lin̄ia na rabasia la mwairi mulei.

Ravrava non Pol lalai ata Rom 7:14

Gida tam iloe be silo God nu taua, take nam hav sabuga tehe nu tau bwatuna be vuro nu tomuaiau kunia be nan vora non turin rovoga.

2 Pita 2:14

Vataha mahavana ram ḡita vavine be ram doronia, i nora doroniva huri vuro mwa hav haraharai tehe. Ran tomuai sinombu be ran mandamanda vai lol vidin vuro, i ran Vagahi sibwen̄ira be rav doron liu. God vi vevegira!

1 Jon 2:16

Nonda binihiv hahantai duluai geki mwa mai nin ureure, binihiva nan doroniva huri rebehi, doronivanan matada, i doronivanan roso. Ginau kera geki vwate mwa hav mai tehe nin God.