Matiu 5:22 - Hano Niu Testamen

²² Itake kadogaha inau nam bevea lalai kimiu be, ihei mwa lolhoroi tuana, wani gea vi lai silo vevegi huria. I ihei mwa bev bwarebware tuana, kea vi laiana vai lol imwan harahara gaivua. I ihei mwa uloi tuana be ‘Giḡo len̄len̄aga!’ wani gea vi haroro lol gabin ron̄ḡagarasi.

Matiu 5:22 ပူးပေါင်းရင်းမြစ်များ

Matiu 10:17

Giv gitaḡoro, huri be atatu abena be rav vwirihi dum kimiu, i rav lai kimiu vai lol imwan harahara, i rai vivilis kimiu alolon nora imwa tataro.

Matiu 10:28

Gisav mataguinira tehe be rai wehi rebehimiu, ta rasav wehi te dum atmatemiu. Take giv mataguinia be kea vi wehi kaburai dum rebehimiu i atmatemiu vai lol gabi.

Matiu 12:24

La mahavana be ira Varise ram ron̄oe, ram bwaliua be, “Wani uhu mwa hora lua vui hantai n̄an bwatuna Belsibal ratahigi ḡoro ira vui hantai mwa lai muramura lalainia be vi lolia.”

Matiu 17:5

La mahavana be mwa avo radu na Pita, tenlan̄ gigita mwa haravuinira. Haḡe ram ron̄ avoana lol ten lan̄i gea mwa bevea be, “Geki haḡea Nituku gabe nam dabea i nam ron̄ mwandavuha ginia. Giv ron̄oe.”

Matiu 18:21

Pita mwa mai aben Jisas, mwa hudalinia be, “Ratahigi, be tuaku mwa buroga maiau tagaro, mwa du lalaiau be nai vinihi kaburai vurona vaviha? Vabitu?”

Matiu 18:35

Haḡe Jisas mwa bevea be, “Kunia Tamaḡu lol ute atamare vi lolia mulei lalai kimiu be gisav vinihi te kaburai vuron ira tuamiu lol lolomiu.”

Matiu 23:15

“Hahagavi lalai kimiu, ira vagahin Silo maira Varise! Kimiu ira hoḡoiḡoro! Gim ban taval tahi i vataha vanua duluai be gimen lai dum atatu gaituvwa huri kimiu. I batena gim lai dumwia, gim lol wani gea mwa dadariha varua nin kimiu be vi haroro lol ute ron̄ ḡagarasi.

Matiu 23:33

“Kimiu ira teltele i ira nitui teltele! Huri hano gim lol ron̄oe be gimen romaragai nin silo vevegi lol ute ron̄ ḡagarasi?

Matiu 25:41

“Vuvuri nai vevea lalainira la mwairiku be, ‘Giv vis dagai niniau! Silo vevegi non God mwa dogo alumiu huba. Giv vano vai lol gabin ron̄ḡagarasi gabe si hav mate te dum, gabi gea gabe nu lol dautauana huri Setan mai non enjel duluai.

Matiu 26:59

Haḡe ira muai tataroi maira Kansel duluai ram hiḡe halana be rav tul tenteneana alun Jisas huri be rav lol bamatea.

Matiu 3:17

Haḡe silo mwa himai nin ute atamare, mwa bevea be, “Geki haḡea Nituku gabe nam dabea, i nam doron maragainia.”

Matiu 5:34

Ita inau nam bevea lalai kimiu be, gisav vev te avoan garagara. Gisav vev te ihan ute atamare, bwatuna be kea Imwa Tataro non God.

Matiu 5:44

Ita inau nam bevea lalai kimiu be giv tabe nomiu ivwalu, i giv tataro hurira gabe ram lol ḡagaras kimiu.

Leo Tavuha gabe Mak nu Ravae 14:55

Haḡe ira muai tataroi mai ira Kansel duluai ram lol ron̄oe be rav habwe mwasigi nin atatu rituai huri hava te ginau vahala rituai gabe Jisas nu lolia be rav vevegi bamat dumwia huria, take ram hav habwe te dum non vahalana.

Leo Tavuha gabe Mak nu Ravae 15:1

Haḡe mwa ran mwabon̄ gaituvwa ira muai tataroi maira bwatmetua bul mai ira Vagahin Silo maira Kansel duluai ram ḡoḡo vilvilehi ram lol nora taritari. Ram bauhi Jisas gin gao talai i ram lagoi dagainia, ram lin̄ia lalai Paelat.

Leo Tavuha gabe Luk nu Ravae 12:5

Nav vev luae lalai kimiu wani gabe giv mataguinia. Giv matagui God, kea gabe ataguna be mwa wehi kimiu vi vohai kimiu vai lol gabi. Mwasigi nam bevea lalai kimiu be, giv mataguinia!”

Leo Tavuha gabe Luk nu Ravae 22:66

Haḡe ute mwa rani, ira bwatmetua maira muai tataroi, i ira vagahin Silo ram ḡoḡo bulbulu, ram lai Jisas vai lolmatan nora Kansel.

Leo Tavuha gabe Jon nu Ravae 11:47

Haḡe ira Varise rituai maira muai tataroi ram ḡoḡo maira Kansel ram bevea be, “Tav lol hano? Kimiu gin gita ginau dan̄an̄a gabe wani geki mwa lolira!

Leo Tavuha gabe Jon nu Ravae 15:25

Ginau geki, mwa du be vi loli mahaḡea huribe havanau gabe nu ravana lol nora silo vi visirae be: ‘Ram barihai bonogaiau n̄an bwatuna sigai.’”

Leo Tavuha gabe Jon nu Ravae 7:20

Haḡe sinombu ram bwaliua ram bevea be, “Tomuai non ira vui hantai alolomwa! Ihei mwa lol ron̄oe be men wehigo?”

Leo Tavuha gabe Jon nu Ravae 8:48

Haḡe ram hudali Jisas ram bevea be, “Matuke gam hav vev te mwasigi gea batena gam bevea be giḡo ata Samaria vwate i vui hantai alolomwa?”

Lalaḡova 17:18

Haḡe ata Kris rituai ram dogo gabe ran mataisaoga maragai la halan alen̄an nora avoana. I kera n̄an radu gea ram dogo ram biavo avo maia. Kera rituai ram bevea be, “Wani gea mwa siv lai avoana gea n̄an bonogai kunia. Mwa do mwa bev hano gea?” I atatu mulei rituai ram bevea be, “Kamai gam ron̄oe be kea mwa do mwa avo huri ira tagaro ata lol ute dodolua.” Ram do ram avo bwatuna be Pol mwa do mwa bev seserai Jisas i mwa bevea be God mwa lolia mwa rahu mulei atagun mateanana.

Lalaḡova 22:30

Haḡe tomuai ḡoro atatun bwaloana mwa doron be vi habwe lua mwasigi alun havanau be ira Jius ram bevegi Pol aluna, i mwa rani kea mwa lai lua sen nin liman Pol i mwa bevea lalai ira muai tataroi mai ira kansel duluai be rav ḡoḡo. Haḡe kea mwa lai Pol mwa daria lol matara duluai.

Lalaḡova 23:1

Pol mwa ḡarere lolmatan kansel mwa bevea be, “Ira tua ata Israel! Noḡu binihiva i lalaḡova mai God alun rahuku la hala be nam dogo vaivotu lol gubwen̄ garigi, nu vavtutu n̄ano.”

Lalaḡova 24:20

Sage atatu be ram du teti kadogaha rai vev te dum havanau be nan vahala aluna mahavana be nau tu lolmatan Kansel.

Lalaḡova 4:15

Haḡe kunia ram bevea lalainira be rai bwihavare, i kera ram siv biavoavo mwa gahera aluna.

Lalaḡova 5:21

Haḡe ira hala ram dabe avoana non enjel, ram haroro mabon̄ gaituvwa ram dau bwatuna ram bagahi. Haḡe ira muai Tataroi maira rituai ram uloi ḡoḡora bwat metua nin ira Jius huri ḡoḡoan gaivua, i kera ram hora avoana vai lol imwa vauvauhi huri ira hala be rav laira vai abera.

Lalaḡova 5:27

Haḡe ram lai ira hala vai lol ute be ira Kansel ram ḡoḡo, haḡe ira muai Tataroi ram hudaltalinira ram bevea be,

Lalaḡova 6:12

Ram lol loḡeloḡe sinombu la hala geki, mai ira bwatmetua i ira vagahin silo. I ram haḡo batugehi Stivin ram laia vai lolmatan Kansel.

Lalaḡova 6:15

Kera duluai be ram dogo lol Kansel ram gita mutmutai Stivin ram ḡitae be lolmatana mwa leahi kun lolmatan enjel.

Lalaḡova 7:37

Moses haḡea atatu gabe nu vevea lalai sinombu ira Jius be, “God vi hora atatun vevsera lalai kimiu, kunia gabe nu horau, wani gea vivora vwate nin kimiu sibomiu.

Ravrava non Pol lalai ata Rom 12:10

Giv tabetabe kimiu gaitutuvwai. Gov lai lalai atat dolua lolotabetabe liu be lalainigo sibomwa.

1 Korin 6:10

i kera gabe ram bugura i ram sura, i ram mwin wai taltale, i ram duli tenteneana vai la atat dodolua, sage ram sura atatu kera geki rasav haḡo te dum houn ute Ratahigi non God.

1 Korin 6:6

Huri hano be atat binihimwasigi gairua ram bevegira lolmatan ira sinombu duluai be ram hav binihi te mwasigi.

1 Tesalonaeka 4:6

Mulei, gisav lol te bahala sa gisav ruruhi te atatun Kraes vwate la hala geki. Ratahigi vi vevegi sinombu be ram lol ginau kera gea kunia be gan vev serae lalai kimiu be gisav lolira tehe.

Taetas 3:2

rasav vev te ginau hantai lalai ihei tehe, rav togo lol tamwata, i rav maḡemu i rav lol alen̄ vavtutu lalai sinombu duluai.

Hibru 12:25

Giv gitaḡoro, huria be gisav roron̄tai te God gabe mwa avo mai kimiu. Ata tuai be ran sin̄ohi bwerora be rasav ron̄ te roroi non God rasav habwe te dum hala vwate be rav romaragai. I kadogaha be tasav ron̄ te silon God be avo mai gida nin ute atamare, gida mulei tasav habwe te dum hala be tav romaragai.

Hibru 5:9

Mahavana be kea mwa bavtutu, i mwa bora gi bwatun varahuva be mosmosianana nu sigai huri kera be ram dabea.

Jemes 2:20

Kimiu ira daloi! Gom doronbe nai vagahigo be binihimwasigi garagusi mwa hav lol te ginau vwate?

Jemes 3:6

Mea nuḡun gabi, nuḡun ureure be nu masiri gin bwatigoro lol rebehida. Ira ginau hahantai nin meanda mwa lon̄ahi rebehida. Gabin meanda mwa dogo lol tanon vevegi, i mwa dau bwativun gabi be mwa leahi n̄oto rahun atatu.

1 Pita 2:23

Sinombu rav vev hantai Kraes, take kea nu hav vev te hantai mulei nira. Kraes nu ron̄ ḡagarasi, take nu hav ḡele te muleinia kea nu mahin̄ai God, kea gaituvwa be mwa bevegi la hal tavuha, gitaḡoroe.

1 Pita 3:9

Gisav lol te hantai be vi vol mulei hantai, i gisav av te hantai be vi vol mulei avoan hantai lalainigo. Take giv vol mulei mai vatavuha bwatuna be kimiu sibomiu gin uloiana be giv lol ginau geki huribe kimiu giv lai vatavuha.

1 Jon 2:9

Take be tas garoinia ba bevea be tam dogo lol ute rani i tam barihai atat dodolua, kunia gida tam dogo radu lol ute meto.

1 Jon 3:10

Lalaḡova non atatu mwa seserainia be kea nitun God sage kea nitun setan. Kera be ram doron lalaḡov hantai, i ram hav tabe te ira tuara, ram hav vora te bilan God.

1 Jon 5:16

Be gis gita tuada vwate be mwa buroga la hala gabe nu hantai. Giv tataro dumwi, i wani gea vi lai dum rahuana vai tuai.

Ravrava nin Jud 1:9

Len̄len̄a be muai enjel Maikol, lol taro be mwa bigaigai mai atmate be ihei vi lai rebehin Moses, i mwa harae be atmate nu vahala. Ninia gea, mwa bevea be, “God vi vevegigo!”

Visirai 20:14

Atagun vevegi, haḡe enjel mwa bohai kaburai mateana lol tanon mateana vai lol numbun wain gabi tabwalue. (Numbun wain gabi tabwalue geki kea gairuan mateana.)