Matiu 5:11 - Hano Niu Testamen

¹¹ “Kimiu gabe atatu ram bev hantai kimiu, ram lol ḡagarasi kimiu, i ram hul hantai kimiu huri be kimiu noḡu atatu, kimiu mulei giv ron̄ mwandavuha.

Matiu 5:11 ပူးပေါင်းရင်းမြစ်များ

Matiu 10:18

Rav lai kimiu vai aben ira ratahigi maira lalavoa huri silo vevegi bwatuna ihaku, be kimiu giv seserai mwasigi dum huri Roroi Tavuha lol matara i lolmatan ira len̄len̄aga.

Matiu 10:22

Atatu duluai rai varihai kimiu bwatuna ihaku. Take irahei nin kimiu be rav tu wasi vai votu nogonana rav rahu.

Matiu 10:25

Nu tavuha lalai roron̄tai be si dadariha mai non vagahi, i turin rovoga be si dadariha mai non ratahigi. Be vuigin imwa vi uloinia be Belsibal, ratahigi ḡorora vui hantai, kunia ata la imwana vi uloinira gin iha hantai liu!

Matiu 10:39

Ihei tehe be mwa sinsinei rahuna, rahuna vi vano ninia. Take ihei gabe mwa lin̄ rahuna huriau, vi habwe rahuana.

Matiu 19:29

I mulei kera gabe ram derai imwara, sa ira tuara, sa ira hogosira, sa ira tamara sa ira ratahira, sa ira nitura, sa ira bilara talu huriau, kera gea rav lai liu vavudolua. I rav haḡo rahuana vai tuai.

Matiu 24:9

“Haḡe atatu rav vwirihi kimiu, rav lin̄ kimiu huri be rav lol ḡagaras kimiu i ba lol bamat kimiu. Atatu duluai rai varihai kimiu bwatuna inau.

Matiu 27:39

Haḡe sinombu gabe ram ḡao la hala ram daltali bwatura aluna, ram bev avoan hantai vai aluna, ram bevea be,

Leo Tavuha gabe Mak nu Ravae 13:13

Atatu duluai rav varihai kimiu bwatuna inau. Take ihei tehe mwa du wasigi vaivotu nogonana kea vi rahu.”

Leo Tavuha gabe Mak nu Ravae 13:9

“Kimiu sibomiu giv gitaḡoro. Rav haḡo batugehi kimiu i rav lai kimiu vai lol imwan harahara. Rav wehi kimiu lol imwa tataro, i giv tu la lolmatara tomuai mai ira Ratahigi lavoa huriau, be gimen vev lua Roroi Tavuha lalainira.

Leo Tavuha gabe Mak nu Ravae 4:17

Take avoana mwa hav garoga te alolora, ram davuha mahavan vwelvwele. La mahavana be ram habwe kalkaliana, i mwa lol bonogainira bwatuna avoana, ram hovi darihou.

Leo Tavuha gabe Mak nu Ravae 8:35

Huri be ihei mwa doron be vi varahu rahuna sibona, wani gea vi lin̄ rahuna i ihei be mwa lin̄ rahuna huriau mai leo tavuha, vi varahua.

Leo Tavuha gabe Luk nu Ravae 21:12

Ginau kera geki rav loli amua, rav lai kimiu i rav lol bwarebware maragai kimiu, rav lin̄ kimiu be ramen vevegi kimiu lol imwa tataro, i be rav tau kimiu lol imwa vauvauhi; rav lai lua kimiu be giv tu lolmatan ira Ratahigi Lavoa maira tomuai huri ihaku.”

Leo Tavuha gabe Luk nu Ravae 21:17

Haḡe kera duluai rav vev seburai kimiu bwatuna inau.

Leo Tavuha gabe Luk nu Ravae 6:22

“Kimiu gabe atatu ram hun̄ai kimiu, i ram barihai kimiu, i ram bev hantai kimiu, i ram bevea be kimiu atat hantai, bwatuna be inau Nitun Atatu; giv ron̄mwandavuha!

Leo Tavuha gabe Luk nu Ravae 9:24

Be ihei mwa doron be vi varahu rahuna sibona, wani gea vi lin̄ kaburai rahuna huriau, vi habwea.

Leo Tavuha gabe Jon nu Ravae 15:21

Take rav lol ginau duluai kerageki lalai kimiu bwatuna be kimiu noḡu atatu; huribe ram hav ilo te atatu gabe nu horau.

Leo Tavuha gabe Jon nu Ravae 9:28

Haḡe ram lolhoroinia ram bevea be, “Giḡo ha vwate roron̄tai non wani gea; kamai ira roron̄tai non Moses.

Lalaḡova 9:16

I inau siboku nav seserai lalainia ginau duluai be kea vi ron̄ ḡagarasi ginia huriau.”

Ravrava non Pol lalai ata Rom 8:36

Kunia be mwa ravana lol Ravrava Sabuga be: “Lol ihamwa gam dogo lol gagarasin mateana vataha mahavana. Atatu ram binimbe kamai gan kun sipsip n̄ano be vi wehian kaburai.”

1 Korin 4:10

Bwatuna be tam lol rovoga huri Kraes, tam mai gi bwaḡele lolmatan atatu, take kimiu gin mataisaoga huribe kimiu non Kraes. Atatu ram ḡita bahivoi kamai, take ram binihi marahi kimiu.

2 Korin 4:11

Gam rahu radu gam dogo, take huri Jisas tagaro gam habwe taro ririhai huri mateana huri be rahun Jisas vi gitan dumwi alun rebehimai be mwa mate.

Filipae 1:29

God nu lai binihi marahi la hala gairua, nu hav vora te huria n̄an be gim binihimwasigi lol Kraes take mulei huria be gim ron̄ ḡagarasi huria, hala saraḡo ram lai sarisari lalai Kraes.

1 Pita 2:23

Sinombu rav vev hantai Kraes, take kea nu hav vev te hantai mulei nira. Kraes nu ron̄ ḡagarasi, take nu hav ḡele te muleinia kea nu mahin̄ai God, kea gaituvwa be mwa bevegi la hal tavuha, gitaḡoroe.

1 Pita 4:14

Lol taro be atatu rav vev avoan hantai hurigo bwatuna be gom huri Kraes, giḡo gom lai vatavuha, bwatuna sarisarin vui, vui non God, mwa dogo maigo.

Visirai 2:3

Nam iloe huba be binihimiu n̄ava. Atatu ram lol ḡagaras kimiu gim ron̄ mwa hantai lol rebehimiu huri ihaku take binihimiu mwa hav hovi tehe.