Matiu 4:17 - Hano Niu Testamen

¹⁷ Haḡe Jisas mwa dau bwatuna mwa bev lua non avoana, mwa bevea be, “Kimiu duluai giv binihi leahi nin vuromiu, bwatuna be mahavana mwa abena be Ute Lavoa atamare mwa sosori.”

Matiu 4:17 ပူးပေါင်းရင်းမြစ်များ

Matiu 10:7

Giv vano ba doretore be, ‘Mahavana mwa abena be Ute Lavoa atamare mwa sosori!’

Matiu 11:12

La mahavana be Jon Garuhisabuga nu vavora mwa doretore vai votu garigi be Ute Lavoa atamare, mwa habwe taro ririhai gin ginau hahantai, i atat muramura kera geki ram lol ron̄oe be rav lai luara be rai vora nora atatu.

Matiu 13:11

Haḡe kea mwa avkorora be, “Mwa hogoi lalai kimiu be gimen ilo ginau ririhai huri Ute Lavoa atamare, take mwa hav hogoi tehe lalainira.

Matiu 13:24

Jisas mwa bev avoan dalogai vwate mulei, mwa bevea be, “Hala huri Ute Lavoa atamare vi kun geki. Atatu vwate mwa riv biri tavuha lol bilan ute lolo ara.

Matiu 13:47

“I mulei, Ute Lavoa atamare kun geki. Atatun ravrav ige ram dul nora gabe lol numbu gaivua, i ram raraḡo lalan̄an ige.

Matiu 13:9

Haḡe Jisas mwa bevea be, “Be ihei bwerona abena, na ron̄oe.”

Matiu 25:1

“La mahavana Ute Lavoa atamare vi kun geki. Vavin daulato han̄vulu ram lai nora bulu, ram bano be ramen gita atatu vwate be mwa siv lagi.

Matiu 3:2

mwa bevea be, “Kimiu duluai giv binihileahi huri vuromiu, bwatuna be Ute Lavoa atamare mwa sosori.”

Matiu 6:10

Nom ute na mai; Nom doron na dum ataa lol ureure kun ute atamare.

Matiu 9:13

Take giv vano ba hiḡe binihiva ata lol Ravrava Sabuga non God geki, nu vevea be, ‘Inau nam hav doron tehe be giv gogonaiau gin tataroi tuntun, take gin tabeana.’ Inau nam hav mai tehe be nav uloi ira vavtutu, take ira vev duli.”

Leo Tavuha gabe Luk nu Ravae 15:10

La hala n̄an kunia nam bevea lalai kimiu be, ira enjel non God ram samsamwara huri atat vuroga vwate gabe mwa binihi leahi.”

Leo Tavuha gabe Luk nu Ravae 15:7

La hala n̄an kea nam bevea lalai kimiu be, vi vora samwarana gaivua lol ute atamare huri atat vuroga vwate gabe nu sala i mwa binihi leahi dagai ninira atat tavuha n̄avul gaisivo domwan gaisivo gabe ginau sigai be vi lolira rav binihi leahi.”

Leo Tavuha gabe Luk nu Ravae 24:47

i lol ihana roroi huri binihi leahi, i tugu kaburai vuro vi toretore huria vataha vanua duluai vi tau bwatuna Jerusalem.

Leo Tavuha gabe Luk nu Ravae 3:23

Jisas mwa dau bwatuna non lalaḡova, batena tauluna kun n̄avul gaitolu. Kea nitun atatu Josep, kun sinombu ram binihia. I Josep nitun Heli,

Leo Tavuha gabe Luk nu Ravae 5:32

Inau nam hav mai tehe be nav uloi ira vavtutu huri binihi leahi, take ira vev duli.”

Leo Tavuha gabe Luk nu Ravae 9:2

Haḡe mwa hora luara be rav toretore huri Rahuan Gara gabe God mwa Ratahigi alolona, i be rav lol barahu ira harova.

Lalaḡova 11:18

Haḡe mahavana be ram ron̄oe kunia, ram hav mom avte hantai vai aluna, take ram uloi roron God ram bevea be, “I mulei be God mwa lai mahavana lalai ira Lolobon̄i tanon binihi leahi i rahuana.”

Lalaḡova 17:30

God nu ate ḡalau lalaḡova lete non sinombu mahavana be ran hav iloe te radu, take kadogaha mwa lol gida duluai la ureure be tav taleva nin nonda lalaḡova hantai.

Lalaḡova 2:38

Haḡe Pita mwa bwaliura mwa bevea lalainira be, “Vatvataha atatu nin kimiu duluai vi vinihi leahi nin vurona duluai i vi lai garuhisabuga lol ihan Jisas Kraes Wani Vurai, huri be vuromiu duluai vi binihi kaburaiana, i giv lai hogoi non God, Vui Sabuga.

Lalaḡova 20:21

Lalai ira Jius mai ira Lolobon̄i be rav van burigai nin vurora lalai God i rav binihimwasigi alun nonda Ratahigi Jisas.

Lalaḡova 26:20

Muana Damaskas mai Jerusalem i la vanua Judia duluai mai ira Lolobon̄i, nan toretore be rav binihi leahi nin vurora i rav tabagilu huri God i rav lol ginau be vi gigilainia be rav vinihi leahi.

Lalaḡova 3:19

Nu vevea be giv binihi leahi i giv tabagilu huri God, huri be vi binihi kaburai vuromiu. Be giv lolia kunia,

Hibru 6:1

Huri ginau geki si tavuha maragai be tas van bavtutu la avoana be mwa lol gida tam mituaga huba lol nonda binihimwasigi garagusi. Tasav mom lol te mulei bwatbwatun imwa. Gim ilo ginau kera geki huba. Mwa hav tu tehe be gisav mom lol te mulei alen̄a gea be tamen avoinia be gida tav leahi rahuda nin alen̄a ata tuai be nu salai gida nin God.