Matiu 3:7 - Hano Niu Testamen

⁷ Take mahavana Jon mwa ḡitae be ira Varise maira Sadusi ram mai be vi garuhisabugainira mwa bevea lalainira be, “Kimiu kun teltele! Ihei mwa bevea lalai kimiu be giv romaragai dum nin silo vevegi non God gabe mwa abena be men mai?

Matiu 3:7 ပူးပေါင်းရင်းမြစ်များ

Matiu 12:24

La mahavana be ira Varise ram ron̄oe, ram bwaliua be, “Wani uhu mwa hora lua vui hantai n̄an bwatuna Belsibal ratahigi ḡoro ira vui hantai mwa lai muramura lalainia be vi lolia.”

Matiu 12:34

Kimiu kun teltele! Kun hanigi giv vev ginau tavuha, be kimiu gin hantai? Bwatuna bwan̄o mwa bev lua ginau gabe lolona nu masiri ginia.

Matiu 15:12

Haḡe ira roron̄tai ram mai abena ram bevea be, “Gom iloe be ira Varise ram ron̄ mwahantai gin avoana be gon vevea?”

Matiu 16:1

Ira Varise maira Sadusi rituai ram mai aben Jisas. Ram doron be ramen lol ron̄oe, haḡe ram hudalinia be men lol dovon̄a vwate huri be men seserai muramura non God.

Matiu 16:6

Jisas mwa bevea lalainira be, “Giv vugeri matamiu ba ḡita batoi is non ira Varise maira Sadusi.”

Matiu 22:15

Ira Varise ram bano ram lol taritari be rav sani Jisas alolona gin avoan hudaligi.

Matiu 22:23

Baten gea radu ira Sadusi rituai ram mai aben Jisas. Kera geki haḡea atatu gabe ram bevea be, “Atatu si hav tomare te mulei nin mateana.”

Matiu 22:34

Batena be ira Varise ram ron̄oe be Jisas mwa lol ira Sadusi gin non avoana ram buhiga, bwatuna gea ram mai utegaituvwa.

Matiu 23:33

“Kimiu ira teltele i ira nitui teltele! Huri hano gim lol ron̄oe be gimen romaragai nin silo vevegi lol ute ron̄ ḡagarasi?

Matiu 5:20

Nam bevea lalai kimiu be, giv haroro dum n̄an Ute Lavoa atamare be giv vora atat binihi mwasigi garagusi liu nin ira vagahin Silo maira Varise.

Leo Tavuha gabe Mak nu Ravae 12:13

Haḡe ira tomuai ram hora ira Varise maira ata lol vatugigi non Herod vai aben Jisas ram hiḡe hala be rav san haninia gin avoan hudaligi.

Leo Tavuha gabe Mak nu Ravae 12:18

Haḡe ira Sadusi rituai ram mai aben Jisas. (Kera haḡea uhu gabe ram bevea be atatu sihav tomare te mulei nin mateana.)

Leo Tavuha gabe Mak nu Ravae 8:15

Haḡe Jisas mwa bevea lalainira non roron̄tai be, “Giv gita ḡoro kimiu gin is non ira Varise mai Herod.”

Leo Tavuha gabe Luk nu Ravae 16:14

Haḡe batena be ira Varise ram ron̄ ginau duluai uhu, ram sovui Jisas bwatuna be kera ram dabe homu.

Leo Tavuha gabe Luk nu Ravae 18:11

Varise mwa du hautu dagai gahena mwa dataro kungeki be, “Nam avkarigo God, huri be nam hav vora te bugurana, sa nam hav binihi te mamarai atatu, sa nam hav vuroga te mai vavine kun atat dodolua. Nam avkarigo huri be nam hav vora te kun atatun harahara homu kahaḡa.

Leo Tavuha gabe Luk nu Ravae 7:30

Take ira Varise mai ira vagahin Silo ram barihai ginau gabe God mwa doron be vi lolia hurira bwatuna be ran varihai didi lai garuhisabuga nin Jon.

Leo Tavuha gabe Jon nu Ravae 1:24

Ira horata, gabe ira Varise ran horara,

Leo Tavuha gabe Jon nu Ravae 8:44

Kimiu haḡea ira nitun tamamiu, gabe Setan, i gim doron be giv huri binihiva non tamamiu. La bwativuna kea atat wehiwehi atatu, kea mwa hav vora te mwasigi bwatuna gea mwasigi sigai alolona. Mahavana gabe mwa dentene kea mwa lol ginau hurin mwasin alen̄ana, bwatuna gabe kea tenteneana i taman ira tenteneana duluai.

Leo Tavuha gabe Jon nu Ravae 9:40

Haḡe ira Varise rituai gabe ran tu aia bul maia ran ron̄oe be mwa bevea kun geki ram hudalinia ram bevea be, “Matu kamai mulei gai matagaraga, mwasigi?”

Lalaḡova 15:5

Haḡe ira binihimwasigi rituai alolora ira Varise ram du amare ram bevea be, “Vi tav dovon̄ana alun ira Lolobon̄i, i tai vagahira be rav huri silo non Moses.”

Lalaḡova 20:31

Giv gita ḡoro maragai bwatuna be, nan vagahi kimiu duluai huri taul gaitolu i mataruaku mwa rovo huri kimiu bon̄i i rani.”

Lalaḡova 26:5

Kera ram iloe huba i rai vev dumwia be mwasigi bwatuna be mahavana be inau naturigi radu nan togo lol tata n̄an binihimwasigi gea be ira Varise.

Lalaḡova 5:17

Haḡe ira muai Tataroi mai nora buluana rituai halatera, nin ira Sadusi, lolora mwa hantai maragai gin ira hala, i kunia ram binihi tuhi be ramen lol ginau vwate.

Ravrava non Pol lalai ata Rom 1:18

God mwa seserai lua non lol horo nin ute atamare lalai ira vui son̄son̄o duluai i hal lete be sinombu ram lolia. Mai nora vui son̄son̄o sibora be ram rahu maia ram dahuli mwasigi.

Ravrava non Pol lalai ata Rom 5:9

I sivi Kraes gida tav rahu nin lol horo non God, bwatuna be gida tan vavtutu lolmatan God nin dagan mateanan Kraes.

1 Tesalonaeka 1:10

I gim hohovi huri nitun God be vi mai nin ute atamare, kea be God Tata nu ragasia nin mateana. Kea Jisas, be nu varahu gida nin silo vevegi non God be mwasigi vi mai.

Hibru 11:7

Haḡe bwatuna gabe Noa nu binihimwasigi garagusi alun God, bwatuna haḡea kea mwa ron̄ avoana non God, mahavana gabe God nu vev lua ginau duluai gea lalainia amua raduai mahavana be atatu vwate nu hav gitae te radui. Haḡe bwatuna gea kea mwa dabe silon God, i mwa boha waḡa gaivua gea huri be vi varahu ira varana aluna. I la hala gea kun be God mwa bevegi sinombu, i mwa lol Noa mwa bora atat vavtutu lolmatana bwatuna be mwa binihimwasigi garagusi aluna.

Hibru 6:18

Avoana gairua kera gea, raru sihav leahi te dumwi, i alun avoana gairua gea God sihav tententene tehe dumwi. Gida gabe tam habwe ute tavuha huba, avoana gairua gea ramuru lol nonda binihiva mwa wasi liu, i tav haḡo wasi alen̄a gea be God nu laia huba lalai gida, gabe tam dau nonda doronhohov be mwa du wasigi alun non tatauleo.

1 Jon 3:10

Lalaḡova non atatu mwa seserainia be kea nitun God sage kea nitun setan. Kera be ram doron lalaḡov hantai, i ram hav tabe te ira tuara, ram hav vora te bilan God.