Matiu 28:18 - Hano Niu Testamen

¹⁸ Jisas mwa mai sosorira, mwa bevea be, “God mwa lai roron̄o lalaiau ḡoro ute atamare i ataa lol ureure.

Matiu 28:18 ပူးပေါင်းရင်းမြစ်များ

Matiu 11:27

“Tamaḡu nu lai ginau duluai lalaiau. Atatu vwate mwa hav ilo te Nitui, take Tata n̄an. Haḡe atatu vwate mwa hav ilo te Tata, take Nitui n̄an, i irahei Nitui mwa doron be vi lol bisirainia lalainira.

Matiu 16:28

Nam bev mwasigi lalai kimiu be atatu rituai teti rasav mate te radu, vai votu rav gitau, Nitun Atatu, nav mai kun Ratahigi lavoa.”

Matiu 26:64

Jisas mwa bevea lalainia be, “Gom bevea haḡea. Ta nam bev mwasigi lalai kimiu be, nin kekadogaha giv gitau Nitun Atatu nav togo la mwatuan Mwasin Roron̄o, i nav mai alun ten lan̄i lol ute atamare.”

Leo Tavuha gabe Luk nu Ravae 10:22

“Tamaḡu nu lai ginau duluai lalaiau atatu vwate mwa hav iloe tehe, be Nitui ihei take Tata, n̄an. Haḡe atatu vwate mwa hav iloe te be Tata ihei, take Nitui n̄an, i irahei Nitui mwa doron be vi lol bisirainia lalainira.”

Leo Tavuha gabe Jon nu Ravae 13:3

Jisas nu iloe be Tata nu lai muramura duluai lalainia; nu iloe be kea nu mai nin God i vi vano vai aben God.

Leo Tavuha gabe Jon nu Ravae 17:2

Bwatuna be gon lai muramura lalaiau huba ḡoro atatu duluai, huribe nav lai dum rahuana vai tuai lalainira gabe gon laira lalaiau.

Leo Tavuha gabe Jon nu Ravae 3:31

Wani gabe mwa himai nin ute atamare mwa roroa liu nin atatu n̄oto. Ta wani gabe mwa mai lol ureure mwa bora atatu vai lol ureure i mwa avo n̄an huri ginau ata lol ureure, take wani gabe mwa himai nin amare nu holomare liura n̄oto.

Leo Tavuha gabe Jon nu Ravae 3:35

God mwa dabe Nituna i mwa lai muramura duluai lalainia.

Lalaḡova 10:36

Gim ilo roroi gabe nu horae lalai sinombu ira Jius, nu seserai lua Roroi Tavuha huri tamwata sivi Jisas Kraes, kea Ratahigi ḡoro atatu duluai.

Lalaḡova 2:36

“Haḡe sinombu duluai ira Jius rav iloe mwasigi be, Jisas geki gabe gin vohae vai alun volovolo, kea mwasigi atatu gabe God nu taua, Ratahigi i Wani Vurai.”

Ravrava non Pol lalai ata Rom 14:9

Kraes nu mate i mwa domare nin mateana be men vora ratahigi non kera gabe ran mate, i kera gabe ram rahu.

1 Korin 15:27

Avoan sabuga mwa bevea be God nu tau ginau n̄oto aten bwalagena. Lol taro be mwa bevea be, “ginau n̄oto” ram dogo halatena, kea nu melmelo be mwa hav vev te God sibona. God n̄an gaituvwa be mwa dau ginau n̄oto aten Kraes.

Kolosi 2:10

I gom dogo gin rahuana duluai be gom bulu lol Kraes, gabe nu holomare hae liu ira tomuai duluai i muramura.

Hibru 1:2

Take la nogonana kadogaha, God nu hora Nituna be vi lai roroi lalai gida. God nu tau ginau duluai gin Nituna, i ginau duluai vai gubwen̄ vwate, vi vora non Nituna.

Hibru 2:8

I gom dau ginau duluai aten nomai muramura!” God gom dau ginau duluai halaten nomai muramura i gon hav vahal te ginau vwate halaten nomai muramura. Take gam hav gita te dum n̄oton̄otoe radu be ginau duluai halaten nomai muramura.

1 Pita 3:22

Kadogaha Jisas nu vano vai lol ute atamare i mwa dogo la mwatuan God i mwa ḡitaḡoro ira enjel, ira roron̄o i ira muramura.

Visirai 11:15

Haḡe gaibitun enjel mwa uv bilan taiva, haḡe sosobweroana gaivua lol ute atamare, ram bato ram bevea be, “Muramura be vi tomuai ḡoro ureure kadogaha vivora non nonda Ratahigi non Wani Vurai, i kea vi tomua vai tuai vai tuai!”

Visirai 17:14

Ira ratahigi lavoa kera geki, rav bwalo mai nitui Sipsip. Sipsip gea mai ira non hala nu gita luara i ran vavtutu rav rihu maragai lol bwaloana. Bwatuna kea Ratahigi nin ratahigi duluai, i Ratahigi Lavoa ḡoro ratahigi lavoa duluai.”

Visirai 19:16

Ravrava mwa en la gaisagana batoi ulun vwevwena be, “Ratahigi Lavoa Nora Lavoa.”