Matiu 26:70 - Hano Niu Testamen

⁷⁰ Take Pita mwa bisigai lol matara duluai, mwa bevea be, “Nam hav ilo te ginau gabe gim bevea.”

Matiu 26:70 ပူးပေါင်းရင်းမြစ်များ

Matiu 26:51

Haḡe tuara vwate ninira be ran la mai Jisas mwa rav lua non buan bwaloana, mwa dai turin rovoga non Muai Tataroi, mwa dai kaburai bwerona.

Matiu 26:56

Take mwa loli kungeki be vi lol seserai avoana nora atatun vevsera be ran ravae.” Haḡe ira roron̄tai duluai ram bis dagai ninia, ram romaragai.

Matiu 26:58

Pita mwa huri dagutagunai Jisas ban hautu vai lol saran Muai Tataroi. Haḡe mwa dalin̄oro, mwa do mahuri abera atatun bwaloana be vi gita nogonogoi hano be vi loli.

Matiu 26:69

Pita mwa dogo radu avare lol aran imwa, batena daulato vwate atatun rovoga non Muai Tataroi mwa mai abena, mwa bevea be, “Giḡo mulei gon togo mai Jisas ata Kalili.”

Matiu 26:71

Haḡe mwa lago vai votu gatavan aran imwa gea. Atatun rovoga vavine vwate mulei mwa ḡitae, mwa bevea lalainira ram do bul maia be, “Wani geki mulei nu togo mai Jisas ata Nasaret.”

Leo Tavuha gabe Luk nu Ravae 22:57

Take Pita mwa bevea be, “Vavine, nam hav ilo te wani gea!”

Ravrava non Pol lalai ata Rom 11:20

Kea mwasigi. Take rara keragea ran mosi kaburai bwatuna be ram hav binihi te mwasigi, i giḡo gom ḡaroinia gom bora vatahanan bwatungai gea huria be gom binihimwasigi. Gosav rav ravwega tehe, ta gov matagu.

1 Korin 10:12

Be gom binibe gon wasi, gov gitaḡoro be gosav hovi tehe.

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”