Matiu 26:28 - Hano Niu Testamen

²⁸ Geki dagaku be men lol tatauleo non God be men tu. Dagaku gea vi rovo huri be God vi tugu kaburai vuron sinombu ivusi.

Matiu 26:28 ပူးပေါင်းရင်းမြစ်များ

Matiu 20:28

Kun inau, Nitun Atatu, nam hav mai tehe be ramen lol noḡu rovoga. Take nam mai be namen lol nora rovoga, i nam lin̄ rahuku be men vol rahun atatu ivusi.”

Matiu 26:27

Haḡe mwa lai laha, mwa avkari God huria i mwa laia lalainira, mwa bevea be, “Giv mwin, kimiu duluai.

Matiu 26:29

Nam bev mwasigi lalai kimiu be nin kekadogaha nasav mom mwin te waen vava vi votu gubwen̄ higea nai mwin waen gara mai kimiu lol rahuan gara gabe Tamaḡu mwa ratahigi alolona.”

Matiu 6:12

Goi binihi kaburai vuromai, kun kamai gam binihi kaburai vurora hei be ram lolia lalai kamai.

Leo Tavuha gabe Mak nu Ravae 1:4

Jon nu visirai lol vanua vuroi, mwa garuhisabugai sinombu i mwa doretore mwa bevea be, “Giv binihileahi huri vuromiu, i giv lai garuhisabuga, i God vi tugu kaburai vuromiu.”

Leo Tavuha gabe Mak nu Ravae 14:24

Haḡe Jisas mwa bevea be, “Geki dagaku mwa rovo huri sinombu ivusi be men lol dum tatauleo non God be men tu.

Leo Tavuha gabe Luk nu Ravae 22:19

Haḡe mwa lai tavihen bereti, mwa avkari God, mwa biha borae, mwa laia lalainira, mwa bevea be, “Geki rebehiku, mwa laia huri kimiu. Giv lolia kungeki gin binihi mulei huriau.”

Leo Tavuha gabe Luk nu Ravae 22:20

Kunia mulei, mwa lai laha lalainira atagun ginaganiana, mwa bevea be, “Laha geki tatauleo gara non God mwa laia mai dagaku gabe mwa rovo huri kimiu.”

Ravrava non Pol lalai ata Rom 5:15

Take hogoi non God nu hav vora te kun vuron Adam. Sinombu ran mate huri vuron atat gaituvwa. Take hogoi non God nu lavoa liu; sinombu ran lai hogoi non God huri rahuana nin hogoi non atat gaituvwa, Jisas Kraes.

Ravrava non Pol lalai ata Rom 5:19

Atatu n̄an gaituvwa nu hav ron̄ te God, i ivusi ram mai i atat vuroga. Kunia n̄ano be, atatu n̄an gaituvwa nu ron̄ God, i ivusi rav vavtutu.

1 Korin 11:25

La hala n̄an gea, atagun ginaganiana, Jisas mwa lai laha. Mwa bevea be, “Laha geki kea damean gara be nu masiri gin dagan mateanaḡu. Giv laia i giv mwinua i giv binihi raduiau.”

Ifisas 1:7

Kraes gida tam maribwesi gin dagan mateanana, i bwatuna gea gida tam lai tugu kaburai vuroda. Hogoi non God nu rosoga maragai,

Kolosi 1:14

Nituna mwa bol vuroda i alolona haḡea tam haḡo binihiv kaburai vuro.

Kolosi 1:20

I sivi Nituna, God mwa lai mulei ginau duluai huria sibona-ginau lol ureure i ginau amare. God mwa lol tamwata sivi dagan Nituna gin mateana alun volovolo.

Hibru 10:29

Ke kun hanigi huri atatu be mwa lai binihiv hantai huri Nitun God? Binihin atatu kera gea mwa hantai huri dagan tatauleo non God be vi lol dum melmeloinira nin vurora? Ram bevea be daga gea kea ginau vuroi n̄ano i ram av hantai vai alun hogoi non Vui Sabuga? Atatu gea non vevegi vi wasi liu!

Hibru 13:20

God mwa lol domarei Ratahigi Jisas Kraes atagun mateana. I kadogaha Jisas kea kun Lavoa huri Radaiḡoro Sipsip be Dagana mwa lalaḡoiana be men lol datauleon rahuana vai tuai non God mai bilan sipsip.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

1 Jon 2:2

Kraes nu ron̄ gagarasi sibona be men lai dagai vuroda i vuron ureure duluai.

Visirai 7:14

“Nam bwaliua be, ratahigi nam hav iloe tehe, giḡo gom iloe.” Kea mwa bevea lalaiau be, “Geki haḡea sinombu gabe ran ron̄ ḡagarasi i ram wehira huri nora binihimwasigi. Mwa bwaga melmeloinira gin dagan nitui sipsip.

Visirai 7:9

Atagun ginau geki nam ḡarere i nam ḡita dum tatan̄an sinombu be atatu vwate sihav vului te dum sinombu duluai! Kera nin vataha lalan̄an atatu be gulira dodolua, i vanua i varan sinombu, i avoana, i ram du la lolmatan tanon togotogon ratahigi mai nitui sipsip, ram sagasagai gaisaga maita, i rauniuniu la limara.