Matiu 26:18 - Hano Niu Testamen

¹⁸ Jisas mwa bevea lalainira be, “Giv vano lol bwatutun vanua aben atatu vwate, giv vevea lalainia be, ‘Vagahi mwa ḡilon be, Mahavana huriau mwa abena huba. Inau nav gan Halbisḡalau la imwamwa.’ ”

Matiu 26:18 ပူးပေါင်းရင်းမြစ်များ

Matiu 21:3

Be ihei vi avo mai kimiru, giru vi vevea lalainia be, ‘Nomaru Ratahigi mwa doronira.’ Haḡe vi lin̄ darihoinira.”

Matiu 23:10

I mulei gisav lolia tehe be atatu rav uloi kimiu be ‘Vagahi’, huri be nomiu vagahi gaituvwa n̄an, gabe inau, Kraes.

Matiu 23:8

Ta kimiu gisav lolia tehe be atatu rav uloi kimiu be ‘Ratahigi’, huri be nomiu Ratahigi gaituvwa n̄an, i kimiu duluai ira huhugaituvwa.

Matiu 26:19

Ira roron̄tai ram lol kun gabe Jisas nu vevea lalainira i ram lol vatuvwai ginaganianan Halbisḡalau.

Matiu 26:2

“Gim iloe be atagun gubwen̄ gairua vi vora samsamwaran Halbisḡalau. Haḡe vi lin̄iau Nitun Atatu be rav vohau vai alun volovolo.”

Matiu 26:49

Haḡe Judas mwa mai darihou aben Jisas, mwa bevea be, “Bon̄ tavuha, Vagahi,” i mwa rimrimia.

Leo Tavuha gabe Mak nu Ravae 5:35

Mahavana be Jisas mwa bev ginau uhu, horata non Jaerus ram mai aben Jaerus ram bevea lalainia be, “Nitumwa daulato nu mate. Gosav lol te bidoi vagahi huria?”

Leo Tavuha gabe Luk nu Ravae 22:53

Nam dogo mai kimiu lol Imwa Tataro vataha gubwen̄, take gim hav haḡo te batugehiau. Take kadogaha mahavana be giv lol hano kun gabe gin doronia, lol mahavana geki be muramura ata lol ute meto mwa ratahigi.”

Leo Tavuha gabe Jon nu Ravae 11:28

Ataguna be Mata mwa bev vuvuria kunia, mwa bano mulei mwa uloi tuana Mere ḡoḡonai, mwa bevea lalainia be, “Vagahi teti kadogaha, mwa doron be vi gitago.”

Leo Tavuha gabe Jon nu Ravae 12:23

Haḡe Jisas mwa bwaliura mwa bevea be, “Tarona mwa mai kadogaha huriau Nitun Atatu be God vi lol roroai ihaku.

Leo Tavuha gabe Jon nu Ravae 13:1

Haḡe gubwen̄i amua mwasivora gubwen̄in Samsamwaran Halbisḡalau. Jisas nu iloe be tarona mwa mai huria be vi vano nin ureure geki vai aben Tata. Vataha mahavana kea nu tabera gabe ran togo lol ureure kera gabe non atatu sibona, i nu tabera vaivotu nogonana.

Leo Tavuha gabe Jon nu Ravae 17:1

Mahavana be Jisas mwa bev vuvuri ginau geki, mwa ḡarere vai amare mwa bevea be, “Tata, tarona mwa mai. Gov lol roroaiau inau Nitumwa, huribe inau Nitumwa nav lol roroainigo.

Leo Tavuha gabe Jon nu Ravae 20:16

Jisas mwa bevea lalainia be, “Mere!” Haḡe Mere mwa ban burigai huria mwa bevea la avoana nora Hibru be, “Raboni!” (Geki binihiva be, “Vagahi.”)

Leo Tavuha gabe Jon nu Ravae 7:30

Haḡe kunia ram lol ron̄oe be rav haḡo batugehia, take liman atatu vwate mwa hav dumwia tehe, bwatuna be mahavana mwa hav mai te huria radu.

Leo Tavuha gabe Jon nu Ravae 7:6

Jisas mwa bevea lalainira be, “Mwasin tarona mwa hav mai te radu huriau. Ta lalai kimiu vataha mahavana ha nu tavuha.

Leo Tavuha gabe Jon nu Ravae 7:8

Giv vano alolon samsamwara. Inau nasav vano tehe lol samsamwara geki, bwatuna be mwasin tarona mwa hav mai te huriau.”