Matiu 25:8 - Hano Niu Testamen

⁸ Haḡe kera gailima uhu gabe ran bwaḡelega ram bevea lalainira gailima be ran mataisaoga be, ‘Giv mahin̄ai udun nomiu keresin lalai kamai. Huri be nomai bulu ran bweu ram mate.’

Matiu 25:8 ပူးပေါင်းရင်းမြစ်များ

Matiu 25:1

“La mahavana Ute Lavoa atamare vi kun geki. Vavin daulato han̄vulu ram lai nora bulu, ram bano be ramen gita atatu vwate be mwa siv lagi.

Matiu 25:7

Haḡe daulato han̄vulu kera gea ram domare, ram bagaha nora bulu.

Matiu 25:9

Haḡe ira daulato mataisaoga ram bevea be, ‘Hagavi, si hav dumwi tehe. Nomai keresin nu hav dadariha tehe huri gida n̄oto. Nu tavuha be giv vano lol imwa tahehei, ba bol nomiu.’

Matiu 3:9

Mulei gisav ravravwega tehe, kunia be gim bevea tagaro lalai kimiu sibomiu be, ‘Gida ira nitun Ebraham.’ Nam bev mwasigi lalai kimiu be God vi lol dum vatu kera geki ram du rai vogi gi ira nitun Ebraham!

Leo Tavuha gabe Luk nu Ravae 12:35

“Giv lol vatuvwai huri havanau te be vi mai, giv saga ḡoro kimiu i nomiu bulu vi tumusian dautau,

Leo Tavuha gabe Luk nu Ravae 16:24

Haḡe mwa uloi Ebraham mwa bevea be, ‘Tata Ebraham!’ Gov gita hagaviau, hora Lasarus be vi ruhu bihuna lol wai i vi mai ba lol masisi meaḡu mai, bwatuna be gabi uhu mwa havwan maragaiau!”

Leo Tavuha gabe Luk nu Ravae 8:18

“Giv gitaḡoro kunhanigi gim roron̄tai; bwatuna ihei gabe non ginau abena huba, God vi lai mulei ginau rituai lalainia, take ihei gabe non ginau sigai, God vi lai dagai ninia havanau kolo be mwa binihia be mwa haḡoe huba.”

Lalaḡova 8:24

Haḡe Saimon mwa bevea lalai Pita mai Jon be, “Giru vi tataro lalai Ratahigi huriau, huribe ginau vwate gabe gumuru avo aluna sihav dumwiau tehe.”

Hibru 4:1

God nu taua huba lalai gida be tav lai dum mambuana gea be nu tatauleo huba huria lalai gida. Gida atatun God tav gitae be vwate aloloda sihav vahal te tarona be vi haroro lol mambuana non God.

Visirai 3:9

Giv roron̄tai! Huri tatan̄ana gea be bilan Setan, ira atat tentene gea be ram bevera be kera ira Jius, take ram dentene, inau nav lolira rav mai ba hiv bwaubwau lol bwalagemwa. I kera duluai rav iloe be, inau nam dabego.