Matiu 25:41 - Hano Niu Testamen

⁴¹ “Vuvuri nai vevea lalainira la mwairiku be, ‘Giv vis dagai niniau! Silo vevegi non God mwa dogo alumiu huba. Giv vano vai lol gabin ron̄ḡagarasi gabe si hav mate te dum, gabi gea gabe nu lol dautauana huri Setan mai non enjel duluai.

Matiu 25:41 ပူးပေါင်းရင်းမြစ်များ

Matiu 13:40

Kun urute vi haraḡoana i vi vohaiana vai lol gabi, kunia mulei vi loli la nogonan gubwen̄.

Matiu 13:42

i rav vohainira lol gabi memea, i aia rav dei i rav gas livora.

Matiu 13:50

i rai vohai kaburainira vai lol gabi memea. I aia rav dei i rav gan livora.”

Matiu 18:8

“Be limwamwa sage bwalagemwa mwa loligo nom binihimwasigi garagusi mwa hovi, tai n̄adua ba bohai kaburainia! Nu tavuha be gov haroro lol rahuana mai limwamwa sage bwalagemwa gaituvwa n̄an ninia be ras tu saraḡo i vi vohai kaburainigo vai lol gabin ron̄ḡagarasi vai tuai.

Matiu 25:42

Bwatuna be maro nu gasiau ita gin hav lai te ginaganiana lalaiau. Nan mandou ita gin hav lai te wai lalaiau.

Matiu 25:46

Haḡe kera duluai gea rai vano lol silo vevegi gabe si hav nogo te dum, i kera atat vavtutu rai vano lol rahuana vai tuai.”

Matiu 3:12

I mulei mwa haḡo non gai gosi lol limana kun atatu mwa ḡos niu, mwa lai lua mwasina nin bwalana, i mwa hara ḡoḡo mwasina vai la mwasin batana, take mwa bohai kaburai tabwelahana vai lol gabi gabe mwa oda, mosmosianana sigai.

Matiu 4:10

Take Jisas mwa bwaliua be, “Vis dagai niniau, Setan. Huri lol Ravrava Sabuga mwa bevea be, ‘Gov gogonai God gabe nom Ratahigi, i gov lalaḡo lalainia gaituvwa n̄ano.’ ”

Matiu 5:22

Itake kadogaha inau nam bevea lalai kimiu be, ihei mwa lolhoroi tuana, wani gea vi lai silo vevegi huria. I ihei mwa bev bwarebware tuana, kea vi laiana vai lol imwan harahara gaivua. I ihei mwa uloi tuana be ‘Giḡo len̄len̄aga!’ wani gea vi haroro lol gabin ron̄ḡagarasi.

Matiu 7:23

I vuvuri nai vev luae lol matara be, ‘Nam hav ilo te kimiu. Gin vis dagai, kimiu ira hantain lalaḡo!’

Leo Tavuha gabe Luk nu Ravae 13:27

Ta kea vi mom bevea mulei be, ‘Nam len̄ai kimiu be giru mai nin halabehe. Giv vis dagai niniau, kimiu ira hantain lalaḡo!’

Leo Tavuha gabe Luk nu Ravae 16:24

Haḡe mwa uloi Ebraham mwa bevea be, ‘Tata Ebraham!’ Gov gita hagaviau, hora Lasarus be vi ruhu bihuna lol wai i vi mai ba lol masisi meaḡu mai, bwatuna be gabi uhu mwa havwan maragaiau!”

Leo Tavuha gabe Jon nu Ravae 8:44

Kimiu haḡea ira nitun tamamiu, gabe Setan, i gim doron be giv huri binihiva non tamamiu. La bwativuna kea atat wehiwehi atatu, kea mwa hav vora te mwasigi bwatuna gea mwasigi sigai alolona. Mahavana gabe mwa dentene kea mwa lol ginau hurin mwasin alen̄ana, bwatuna gabe kea tenteneana i taman ira tenteneana duluai.

2 Tesalonaeka 1:7

I vi lai mabuana lalai kimiu be gim ron̄ ḡagarasi i lalai kamai mulei lol taro be Ratahigi Jisas vi visirai mai gabi oda nin amare mai ira non enjel muramuraga.

2 Tesalonaeka 1:9

Atatu keragea rav lai silo vevegi i ron̄ ḡagarasi be vi tu vai tuai. Rav togo dagai nin God i nin non muramura.

Hibru 6:8

Take be tavihen tano gea si eno kun be gao ḡauli laso mai bwatmwanea hantai ras mauri alolona kunia tavihen tano gea kun be nu hav mom davuha te n̄an haḡea. Nu abena kun be tas vev dumwia be avoana hantai non God mwa dogo lol tavihen tano gea, i nogonana God vi tumus kaburai non vataha ginau kera gea lol gabi.

2 Pita 2:4

Lol taro be ira enjel ram buroga, God nu hav lin̄ira tehe be rav maribwesi nin vevegi. Nu horara vai lol tanon mateana i nu taura lol malan̄an ute bon̄i aia be ram hohovi huri vevegi.

1 Jon 3:10

Lalaḡova non atatu mwa seserainia be kea nitun God sage kea nitun setan. Kera be ram doron lalaḡov hantai, i ram hav tabe te ira tuara, ram hav vora te bilan God.