Matiu 24:9 - Hano Niu Testamen

⁹ “Haḡe atatu rav vwirihi kimiu, rav lin̄ kimiu huri be rav lol ḡagaras kimiu i ba lol bamat kimiu. Atatu duluai rai varihai kimiu bwatuna inau.

Matiu 24:9 ပူးပေါင်းရင်းမြစ်များ

Matiu 22:6

Rituai ram haḡo batugehi ira atatun rovoga gea, ram bivilisira i ram wehira.

Matiu 23:34

Huri ginau gea nam bevea lalai kimiu be nav hora ira atatun vevsera maira mataisao maira vagahi lalai kimiu, i giv wehi rituai, giv voha rituai vai alun volovolo, i giv vivilis rituai lol nomiu imwa tataro, i giv mwaloi rituai nin vanua vai la vanua dolua.

Leo Tavuha gabe Luk nu Ravae 11:49

Bwatuna higea mataisao non God nu vevea be: ‘Nav hora ira atatun vevsera lalainira i rav wehi bamat rituai i rav lol ḡagaras rituai.’

Leo Tavuha gabe Luk nu Ravae 21:12

Ginau kera geki rav loli amua, rav lai kimiu i rav lol bwarebware maragai kimiu, rav lin̄ kimiu be ramen vevegi kimiu lol imwa tataro, i be rav tau kimiu lol imwa vauvauhi; rav lai lua kimiu be giv tu lolmatan ira Ratahigi Lavoa maira tomuai huri ihaku.”

Leo Tavuha gabe Jon nu Ravae 15:18

“Be ureure mwa barihai kimiu, giv vinihi dumwia n̄ano be mwa barihaiau muana.

Leo Tavuha gabe Jon nu Ravae 15:21

Take rav lol ginau duluai kerageki lalai kimiu bwatuna be kimiu noḡu atatu; huribe ram hav ilo te atatu gabe nu horau.

Leo Tavuha gabe Jon nu Ravae 16:2

Rav tau dagai kimiu nin imwa tataro, i tarona vi mai mahavana be ihei tehe mwa wehi kimiu vi vinihia be mwa lol rovoga non God la hala geki.

Lalaḡova 28:22

Take gam doron be gamen ron̄ nom binihiva, bwatuna be vataha ute gam iloe be sinombu ram avo huri tatan̄ana be gom dogo alolona.”

Lalaḡova 7:59

Kera ram boha Stivin mahavana mwa ulo huri Ratahigi mwa bevea be, “Ratahigi Jisas gov laiḡoḡo atmateku.”

1 Pita 4:16

Take kebe gom ron̄ ḡagarasi bwatuna be giḡo atatun Kraes, gosav busbusi tehe. Gov uloi roron God bwatuna be gom saga iha gea.

Visirai 2:10

Gisav matagun te havanau tehe gabe mwa abena be men dum kimiu. Giv roron̄tai! Setan vi lol ron̄ kimiu, i vi lolia rituai alolomiu ram togo lol imwa vauvauhi i vi vora kunia huri gubwen̄ han̄vulu. Gisav matagu tehe, son̄o be rav wehi kimiu. I nav lai tavwe lalai kimiu, kun gabe tavwen nomiu garogaroana.

Visirai 2:13

Inau nam ilo tanomiu huba gea lol vanua Pekamam, gabe Setan mwa lolia kun gabe kea ratahigi lavoa ḡoroe huba. Kimiu gim haḡo wasi ihaku radu, i mahavana be kera ram wehi mwasin gaituraku Antibas, mwa mate la bwatutun vanuamiu, gabe Setan mwa domua ḡoroe huba, take alen̄amiu huri binihimwasigi garagusi gisav tahuli te dumwia giniau.

Visirai 7:14

“Nam bwaliua be, ratahigi nam hav iloe tehe, giḡo gom iloe.” Kea mwa bevea lalaiau be, “Geki haḡea sinombu gabe ran ron̄ ḡagarasi i ram wehira huri nora binihimwasigi. Mwa bwaga melmeloinira gin dagan nitui sipsip.