Matiu 24:39 - Hano Niu Testamen

³⁹ Take ran hav ilo te havanau be vi loli vai votu be wailuluvi mwa haravui n̄otora. Vi loli mulei kunia la mahavana be inau Nitun Atatu nav mai.

Matiu 24:39 ပူးပေါင်းရင်းမြစ်များ

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Matiu 24:3

Batena Jisas mwa do mahuri la vusin gai Oliv, non roron̄tai ram mai vai abena dahuligi, ram hudaligi be, “Goi vevea lalai kamai be ginau duluai geki rav loli baten hano, i hano vi loli be men dovon̄ai taron nom maiana mai nogonan ureure.”

Matiu 24:30

Haḡe dovon̄a huriau Nitun Atatu vi visirai lol mahao, i varan sinombu duluai lol ureure rav mwaḡuruḡuru i rav gitau Nitun Atatu nav mai alun ten lan̄i mai roron̄o i sarisari gaivua.

Matiu 24:37

Noḡu maiana, inau Nitun Atatu, vi vora kunia gabe nu loli tuai lol gubwen̄in Noa.

Matiu 24:40

Baten gea atatu gairua raru vi lol rovoga loloara. Vi lai dagai vwate i vwate vi togo.

Leo Tavuha gabe Luk nu Ravae 19:44

Rav momogai kaburainigo mai nom sinombu alolon nom ara; vatu gaituvwa si hav togo tehe la tanona, bwatuna be gon hav gita te batoi mahavana huri maiana non God be men varahugo alolona!”

Leo Tavuha gabe Jon nu Ravae 3:20

Ihei tehe gabe mwa lalaḡo hantai kea mwa barihai gigita i sihav dalin̄oro tehe vai lol gigita, bwatuna mwa hav doron tehe be non lalaḡov hantai vi maserasera.

Lalaḡova 13:41

‘Giv gitae, kimiu gabe gim lol leileia! Giv haraḡo ginia i giv mate! Huribe havanau gabe nam lolia kadogaha ginau gabe gisav vinihi te mwasiginia, son̄o be atatu si tugu halana lalai kimiu!’”

Ravrava non Pol lalai ata Rom 1:28

Sinombu ran hav vinihia tehe be mwa du maragai be rav ilo mataisao mwasigi non God. I God mwa bisdagai ninira i mwa mahin̄ainira be rav haḡo nora binihiv taltale sibora i be rav lol ginau be mwa du be rasav lolia tehe.

2 Pita 3:5

Take kera ran hav doron te didi vinihi dum havanau be nu loli tuai, gin avoana non God ute atamare i ureure mwa loli. Ureure nu loliana nin wai i gin wai,