Matiu 23:13 - Hano Niu Testamen

¹³ “Hahagavi lalai kimiu, ira vagahin Silo maira Varise! Kimiu ira hoḡoiḡoro! Gim du ḡoro matanhalan Ute Lavoa atamare. Ta kimiu sibomiu gisav haroro tehe lol rahuana gea, i gim lol ḡoro atatu rituai gabe ram doron be rav haroro.

Matiu 23:13 ပူးပေါင်းရင်းမြစ်များ

Matiu 23:16

“Hahagavi lalai kimiu, be gim domuai atatu, ta gim matagaraga! Gim bagahi kungeki be, ‘Atatu mwa av garagara vai alun Imwa Tataro, avoana gea si hav vauhia tehe. Ta be vi av garagara alun vatan̄oga lol Imwa Tataro, avoana gea vi vauhia.’

Matiu 23:23

“Hahagavi lalai kimiu, ira vagahin Silo maira Varise! Kimiu ira hoḡoiḡoro! La mahavana gim hogoi lalai God gin han̄vulun bilamiu ginau, gim hav binihi te malioi han̄vulun ginau ririgi kun ruḡuruḡu i an̄o, take gim binihi malioi ginau mutai ata lol Silo, kun silo vavtutu i lolohagavi i silo mwasigi. Amua giv lol ginau mutai kera geki, ta gisav tau te dagara ginau ririgi kera geki.

Matiu 23:25

“Hahagavi lalai kimiu, ira vagahin Silo maira Varise! Kimiu ira hoḡoiḡoro! Vataha mahavana gim bwaga tagun nomiu laha n̄an mai nomiu beleti. Itake alolona ginau kera gea nu masiri gin ginau gabe gin laira gin tenteneana i surana i bugurana.

Matiu 23:27

“Hahagavi lalai kimiu, ira vagahin Silo maira Varise! Kimiu ira hoḡoiḡoro! Alen̄amiu kun gabe bwarura atatmate be ram ulia gin laem maita i gitanana nu tavuha avare. Itake alolona nu masiri gin hui i bobohan rebehira atatmate.

Matiu 23:29

“Hahagavi lalai kimiu, ira vagahin Silo maira Varise! Kimiu ira hoḡoiḡoro! Huri be gim lol bwarura ira atatun vevsera i gim sosori vatun binihi mulei huri ira vavtutu,

Matiu 3:7

Take mahavana Jon mwa ḡitae be ira Varise maira Sadusi ram mai be vi garuhisabugainira mwa bevea lalainira be, “Kimiu kun teltele! Ihei mwa bevea lalai kimiu be giv romaragai dum nin silo vevegi non God gabe mwa abena be men mai?

Leo Tavuha gabe Luk nu Ravae 11:52

“Hahagavi lalai kimiu ira Vagahin Silo! Gim usi gaihavan̄i gabe gatava mwa mahavan̄i ginia huri imwan mataisao; kimiu sibomiu gim hav doron tehe be giv haroro, i gim du goro ira hei dodolua gabe ram lol ron̄oe be rav haroro!”

Leo Tavuha gabe Jon nu Ravae 9:22

Tamana mai ratahina ramuru bevea kungeki bwatuna be ramuru matagun ira lavoa non ira Jius huri be ran vev tuhia huba be, ihei tehe vi vevea be Jisas kea Kraes, wani gea rav tau dagainia avare nin imwa tataro.

Leo Tavuha gabe Jon nu Ravae 9:24

Haḡe ram mom mai mulei varuana aben wani gabe nu vora ta kea matagara, i ram bevea lalainia be, “Gov tatauleo lolmatan God huribe goi vev mwasigi! Gam iloe be wani geki be nu varahugo kea atat vuroga.”

Leo Tavuha gabe Jon nu Ravae 9:34

Haḡe ram bwaliu muleinia be, “Giḡo gon vora i gom mauri hae lol vuro i kadogaha gom lol ron̄oe be gomen vagahi kamai?” Haḡe ram dau dagainia nin imwa tataro.

Lalaḡova 13:8

Take atatun vuison̄son̄o vwate mwa du ḡorora ihana Elimas la avoana ata Kris, imwa lol ron̄oe be vi tuḡoro tomuai vevev huri binihimwasigi garagusi.

Lalaḡova 5:28

“Gan lai avoan wasi lalai kimiu be gisav mom bagahi tehe lol ihan atatu geki, take giv gitara havanau gabe gim lolia! Gim bavatui nomiu silo vagahi Jerusalem duluai i gim doron be gimen lol kamai be gamen tomuai mwasigi huri non tomarean mulei.”

Lalaḡova 5:40

Haḡe ram uloi ira hala ram haroro mulei, i ram dalvusira, i ram borotainira be rasav mom avo ke mulei alun ihan Jisas, i ram hora dagainira.

Lalaḡova 8:1

Sol mwa ron̄oe kun be nu tavuha n̄ano be ram wehi Stivin la hala kunia. I mwa dau bwatuna baten gea ram lol ḡagaras atatun uloilua Jerusalem. Ira binihimwasigi duluai ram romaragai vataha ute lol vanua Judia i Samaria duluai, vaivotu be ira hala n̄an sigai.

2 Timoti 3:8

Kun Janes i Jambres kera raru vanburigai Moses. Atatu kera geki ram banburigai mwasigi. Nora binihiva mwa hantai, i ram hovi ram lol ron̄oe be rav huri binihimwasigi garagusi.

2 Timoti 4:15

Giḡo mulei gov gitaḡoro berevai gim sinego, bwatuna be kea mwa bwal wasi ḡoro nonda silo vagahi.