Matiu 2:14 - Hano Niu Testamen

¹⁴ Haḡe Josep mwa domare nin maturuva, mwa lai naturigi mai ratahina lol bon̄i gea, ram dol mwalue vai Ijip.

Matiu 2:14 ပူးပေါင်းရင်းမြစ်များ

Matiu 1:24

Mahavana Josep mwa mamata, mwa lolia kun enjel non God nu vevea lalainia. Mwa lai Mere gi tasalana.

Matiu 2:13

La mahavana be ira atat mataisaoga ram mwalue, enjel vwate mwa mai aben Josep bon̄i lol maturubore, mwa bevea be, “Gov tomare, gov lai naturigi mai ratahina i gitol vi mwalue vai Ijip. Gitol vi togo aia vai votu gabe nai vev muleinia abemwa be gitol vi tabagilu mulei. Huri be lavoa Herod mwa hiḡehiḡe be vi wehi naturigi uhu.”

Matiu 2:15

Josep mai naturigi i ratahina ram dol dogo Ijip vai votu lavoa Herod mwa mate. Ginau geki mwa lol seserai hano Ratahigi nu vev daua lalai atatun vevsera tuai be, “Nam uloi lua mulei Nituku nin Ijip.”

Leo Tavuha gabe Luk nu Ravae 8:24

Haḡe non roron̄tai ram mai huri Jisas ram bamatae, ram bevea be, “Ratahigi, Ratahigi! Mwa abena be tamen mate!” Haḡe Jisas mwa domare mwa borotai lan̄i mai rebu; i mwa daro mulei.

Lalaḡova 26:21

Bwatuna haḡea geki be ira Jius ram haḡo batugehiau mahavana be inau lol imwa Tataro gaivua, i ram lol ron̄oe be rav wehiau.