Matiu 19:22 - Hano Niu Testamen

²² Haḡe mahavana gabe mwalaḡelo gea mwa ron̄ vuvuri avoana non Jisas, mwa ban dagai gin ron̄ mwahantai, bwatuna gabe rosona gaivua maragai.

Matiu 19:22 ပူးပေါင်းရင်းမြစ်များ

Matiu 13:22

Biri gabe mwa hovi lol ḡauli, nu ḡun atatu gabe mwa ron̄ avoana, take kalkalianan ureure i doroniva non rosomiu mwa haravui avoana tavuha be nu ron̄oe, i mwa hav vwae tehe.

Matiu 14:9

La mahavana be Herod mwa ron̄oe mwa ron̄ mwahantai maragai huria. Itake si hav dumwi tehe, bwatuna be nu tatauleo wasi huba la lolmatara non buluana be ram dogo bul maia. I mwa dau avoana be vi vora kunia haḡea hurin doroniva non vavine.

Matiu 16:26

Matu atatu vi lai ginau duluai lol ureure geki, take vi lin̄ kaburai rahuna, kea vi lai dum havanau ninia? Sigai! Ginau sigai be atatu vi lai dumwia be vi lai mulei rahuna.

Matiu 19:21

Haḡe Jisas mwa bevea lalainia be, “Be gom doron be gov to vavtutu rahurahu, vano ba salei nom viloḡoana, i gov lai homuna lalai ira hiru. Kunia, gov lai rosomwa lol ute atamare. Vuvuri gov mai ba huriau.”

Matiu 19:23

Haḡe Jisas mwa bevea lalai non roron̄tai be, “Nam bev mwasigi lalai kimiu be, vi ririhai maragai huri atat rosoga be vi haroro dum lol Ute Lavoa atamare.

Matiu 6:24

“Atatu si hav vora te turin rovoga dum lalai ratahigi gairua. Bereva gim hun̄ai vwate i gim dabe vwate. Sage vi gogonai vwate i vi gita hantai vwate. Gisav haḡo te bul rovoga non God mai rovogan mwane.

Leo Tavuha gabe Mak nu Ravae 10:22

Haḡe mahavana gabe mwalaḡelo mwa ron̄ vuvuri avoana non Jisas, lolmatana mwa hantai mwa ban dagai gin ron̄ḡagarasi bwatuna be kea atat rosoga.

Leo Tavuha gabe Mak nu Ravae 6:26

Avoana non daulato uhu mwa lol Herod mwa lolovono, take sihav visigai te dum bwatuna non avoan ḡaragara la lolmatan non tausala.

Leo Tavuha gabe Luk nu Ravae 18:23

Haḡe mahavana be wani uhu mwa ron̄oe kunia mwa bavora mwa ron̄mwahantai bwatuna be rosona gaivua maragai.

Leo Tavuha gabe Jon nu Ravae 16:20

Nam bev mwasigi lalai kimiu be: giv dei ba ron̄ mwahantai, take ureure vi samsamwara. Giv ron̄ mwahantai, take nomiu ron̄ mwahantai vivogi gi samwarana.

Ifisas 5:5

Giv ilo dumwia be atatu be mwa lol bwatigoro mai vavine sa atamwani sage mwa lol ginau hahantai, i bugurana (huribe bugurana kea dovon̄an gogonaiana lalai tagaro dodolua). Kea sihav togo te dumwi lol Ute Lavoa non Kraes i non God.

Kolosi 3:5

Giv tau kaburai ginau hantai duluai lol rahumiu: vuro lol alen̄ bwatigoro, lolian daltalei gom lin̄ binihiv taltale mwa domuainigo, gon doron ginau lete, i ginau ravravwega i bugurana (huribe bugurana kea dovon̄an gogonaiana lalai tagaro dodolua).