Matiu 15:14 - Hano Niu Testamen

¹⁴ Gisav vinihira te gea! Kera tomuai take ram matagaraga. Mahavana be matagara mwa domuai matagara vwate kera saraḡo raru vi hovi lol lulu.”

Matiu 15:14 ပူးပေါင်းရင်းမြစ်များ

Leo Tavuha gabe Luk nu Ravae 6:39

Haḡe Jisas mwa bev avoan dalogai geki lalainira be; “Matagara vwate si hav tomuai te dum matagara dolua; be si lol kunia, kera saraḡo raru vi hovi lol lulu.

Leo Tavuha gabe Jon nu Ravae 9:39

Haḡe Jisas mwa bwaliua be, “Nan mai lol ureure geki huri vevegi, huribe ira matagara rav gita ute i kera be ram ḡita ute rav matagaraga.”

1 Timoti 6:5

sinombu kera geki ram bigaigai vataha mahavana. Binihira ran hantai i ram salai mwasigi. Ram binihia be lalaḡova lalai tagaro kea hala be rav rosoga.

2 Pita 2:1

Tuai nu vora atatun vev sera dentene lol sinombu non God, kunia n̄an be kimiu ira vagahi tentene rituai abena lol nomiu tatan̄ana. Kera rav hili ba bagahi ginau be ran hav vavtutu tehe---vagahi be rav lol atatu rav sala. Kera mulei rav varihai didi lai Ratahigi Jisas, Be nu vol mulei nora togoan mwaribwesi. Kera rav lol hantai vilvilehi nira sibora.

2 Pita 2:17

Ira vagahi tentene kera gea ran kun matavuravura be wai sigai ninia i dodo be lan̄ wasi mwa herei kaburainia. Ute met dodoga lol bon̄i mwa dogo hurira.

Visirai 19:20

Take ginau rahu gea ram laia gi atat vauvauhi bul mai atatun vevsera tentene. (Geki atatun vevsera n̄an haḡe gea be nu lol ira ginau dan̄an̄a la ihan ginau rahu, huria be kea vi vataltale kera dolua be dovon̄a non ginau rahu mwa en alura, i ram ḡogonai nunu vatu.) Mwa bohai rahui ginau rahu mai atatun vevsera tentene vai ata lol numbun wain gabi tabwalue mai salva.

Visirai 22:15

Take atatu be ram lalaḡo hantai, ira vwiriu meto, gabwaleva i ira atat bwatigoro, i kera be ram gogonai nunu buhiga, maira duluai be ram doron be ramen tentene tagaro i ramen togo deḡeteḡe tagaro.