Matiu 14:31 - Hano Niu Testamen

³¹ Jisas mwa rarau vilvilehi mwa haḡo Pita la limana, mwa bevea be, “Giḡo, nom binihimwasigi garagusi tirigi maragai! Huri hano nom binihimwasigi mwa lalan̄aga?”

Matiu 14:31 ပူးပေါင်းရင်းမြစ်များ

Matiu 14:30

Ta mahavana Pita mwa ron̄ silon lan̄i mwa dumwi maragai, i rebu lalavoa, mwa matagu, i mwa bavora mwa mwinu, i mwa haharigi mwa bevea be, “Ratahigi, varahuau!”

Matiu 14:32

Vuvuri ramuru ḡalo mulei la botu, i lan̄i mwa mahuri.

Matiu 16:8

Jisas mwa ilo havanau ram bevea, kunia mwa hudalinira be, “Huri hano gim biavoavo gin kimiu bwatuna gim hav haḡo te bereti? Nomiu binihimwasigi garagusi tirigi maragai!

Matiu 17:20

Haḡe Jisas mwa bwaliura be, “Huri be nomiu binihimwasigi garagusi nu hav dadariha tehe. Nam bev mwasigi lalai kimiu, be si vora nomiu binihimwasigi garagusi abena kun birin ramute, be kolo n̄an, gis vev dumwia lalai vusi geki be, ‘Vis dagai nin ute geki, ba ban ba du kahaḡa,’ haḡe vusi vi vis dagai. Giv lol dum hano tehe.

Matiu 6:30

Huri God n̄ano mwa saga ḡoro mwanea gabe ram du lol ute vono mwanea mwa mauri garigi i vaigogo mwa ḡoru mulei i mwa bohaiana lol gabi. Be God mwa saga ḡoro mwanea, vi lolia mulei kunia lalai kimiu. Nomiu binihimwasigi garagusi kolo maragai!

Matiu 8:26

Haḡe Jisas mwa bwaliura be, “Huri hano gim matagu? Nomiu binihimwasigi garagusi kolo maragai.” Haḡe Jisas mwa domare, mwa borotai lan̄i mai rebu, i mwa daro mulei.

Leo Tavuha gabe Mak nu Ravae 1:31

Kea mwa haroro abena mwa haḡo limana mwa rav domareinia i rurutia mwa mosi ninia i mwa lol vatuvwai gara ginau.

Leo Tavuha gabe Mak nu Ravae 1:41

Jisas mwa ḡitae mwa ron̄ mwahantai ginia, i mwa hagai lua limana mwa sibweria mwa bevea be, “Nam doron, rebehimwa na melmelo!”

Leo Tavuha gabe Mak nu Ravae 11:23

Nam bev mwasigi lalai kimiu ihei tehe vi vev dumwia lalai vusi geki be, tomare ba bohainigo sibomwa lol tahi. Be gom hav binihi te gairuruai lol lolomwa, take gov binihimwasigi be havanau gom bevea vi loli, kunia vi dumwi lalainigo.

Leo Tavuha gabe Mak nu Ravae 16:7

Giru van ba bev roroi uhu lalai ira non roron̄tai mai Pita: ‘Be kea mwa ban dotomua nin kimiu vai Kalili giv gitae aia, kunia gabe nu vev daua lalai kimiu amua.’ ”

Leo Tavuha gabe Mak nu Ravae 4:40

Haḡe Jisas mwa bevea lalainira non roron̄tai be, “Huri hano gim matagu? Matu nomiu binihimwasigi garagusi sigai?”

Leo Tavuha gabe Mak nu Ravae 5:41

Mwa haḡoe la limana, mwa bevea lalainia be, “Talita kum,” binihiva be, “Vavin kolo, tomare nam bevea lalainigo!”

Leo Tavuha gabe Luk nu Ravae 24:34

ram bevea be, “Ratahigi nu tomare mwasigi! Kea nu visirai aben Saemon!”

Lalaḡova 4:30

Gov sogai lua limwamwa ba barahu, i gam dataro be tagaro i ginau dan̄an̄a vi dumwi gin liman nom atatun rovoga Jisas.”

1 Timoti 2:8

Nam doron atatu vataha ute be rav tataro, rav hagai limara amare la hala be nu sabuga, be lol horo sigai i vigaigaiana.

1 Pita 1:5

Muramura non God mwa ḡitaḡorogo sivi nomiu binihimwasigi garagusi vaivotu be giv gita nomiu varahuva lol nogonan gubwen̄.