Matiu 13:38 - Hano Niu Testamen

³⁸ Ute lolo ara kea haḡea sinombu gabe ram dabe God be kea Ratahigi ḡorora. Ta urute kera haḡea atat non Vui Hantai.

Matiu 13:38 ပူးပေါင်းရင်းမြစ်များ

Matiu 13:19

Kera gabe ram ron̄ avoana huri be God vi vora Ratahigi lavoa ḡoro atatu duluai, take ram hav ilo te binihiva huria, ram ḡun biri be nu hovi la hala. Vui hantai vi mai, vi rais dagai hano nu gaburaiana alolora.

Matiu 24:14

I Roroi Tavuha huri rahuan gara God mwa ratahigi ḡoro non sinombu alolona vi toretore huria lol ureure duluai, be vi vora turaturana lalai sinombu duluai, i ataguna gea nogonan gubwen̄ gim siv mai.

Matiu 5:37

Giv vevea be ‘Mwasigi’ sa ‘Sigai’, kunia nu dadariha. Gisav vev te avoan dolua mulei, bwatuna be avoan dodolua gea mwa mwalue nin vui hantai.

Matiu 8:12

Take kera gabe ras dalin̄oro lol rahuan gara gea, God vi vohai kaburainira vai lol ute meto, i aia rav ḡoea i ba ḡan livora.”

Leo Tavuha gabe Luk nu Ravae 24:47

i lol ihana roroi huri binihi leahi, i tugu kaburai vuro vi toretore huria vataha vanua duluai vi tau bwatuna Jerusalem.

Leo Tavuha gabe Jon nu Ravae 12:24

Nam bev mwasigi lalai kimiu be: birin koni, mwa du be vi hovi lol tano ba mate, bisata vi togo gahena, ta be vi mate vwaina vivora ivusi.

Leo Tavuha gabe Jon nu Ravae 8:44

Kimiu haḡea ira nitun tamamiu, gabe Setan, i gim doron be giv huri binihiva non tamamiu. La bwativuna kea atat wehiwehi atatu, kea mwa hav vora te mwasigi bwatuna gea mwasigi sigai alolona. Mahavana gabe mwa dentene kea mwa lol ginau hurin mwasin alen̄ana, bwatuna gabe kea tenteneana i taman ira tenteneana duluai.

Lalaḡova 13:10

mwa bevea be, “Giḡo nitun Setan. Giḡo gom bora ivwalu ḡoro vavtutu duluai. Giḡo gon masiri gin rururuhi i tenteneana, i vataha mahavana gom lol ron̄oe be gov leahi vavtutu non Ratahigi gi tenteneana.

Ravrava non Pol lalai ata Rom 10:18

Ta nam hudaligi be: Atatu ram hav ron̄ te Roroi Tavuha? Uwe, ram ron̄oe kunia be ravrava sabuga mwa bevea be: “Nora roroi mwa bano vataha ureure duluai; nora avoana mwa lon̄ahi ureure duluai.”

Ravrava non Pol lalai ata Rom 16:26

Nu loliana mwa melmelo sivi ravrava nin ira atatun vevsera. I hurin avoan wasi non God, be mwa dogo vai tuai mwa loliana lalai ureure duluai huribe kera rav binihimwasigi i rav gogonainia.

Ravrava non Pol lalai ata Rom 8:17

Kebe tai vora ira nitun God, tau lai vatavuha nin God saraḡo mai Kraes. Tav tau ron̄ḡagarasi kunia be Kraes nu ron̄ḡagarasi huribe tav sarisari kunia be Kraes nu sarisari.

Kolosi 1:6

Lol ute duluai lol ureure, Roroi Tavuha gea mwa lon̄ahi ute n̄oto lol ureure. Roroi Tavuha geki mwa lai vatavuha vataha ute lol ureure, kun vatavuha be nu mai alumwa lol muan gubwen̄i be gon ron̄oe huri hogoi non God. Kadogaha gom iloe ginau n̄oto i mwasigi huri hogoi non God.

Jemes 1:18

God nu vinihi tuhi be vi lai rahuana sivi avoan mwasigi be tai vora raumatan ginau duluai lol ginau duluai be nu lolia.

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

1 Pita 1:23

Kimiu gin vora mulei, i rahuan gara geki nu hav mai tehe nin ginau be nu mate, take nin ginau be mwa hav mate te dumwi. Kimiu gin vora mulei sivi roroi non God be mwa du rahurahu.

1 Jon 3:2

Ira noḡu buluana, gida ira nitun God, take huria be tai vora atatu kun hanigi, kea mwa hav melmelo tehe lalai gida radu. Take tam iloe be mahavana be Kraes vi mai mulei, gida tai vora kunia, be tav gitae be kea mwasigi.

Visirai 14:6

Haḡe nam ḡita enjel vwate be mwa ḡaga haehae butbutui lol mahao, mai roroanan Roroi Tavuha be nogonana nu sigai be vi vev luae lalai sinombu lol ureure, i lalai lalan̄an atatu i lalan̄an vara, mai avoana, i tatan̄an vanua.