Matiu 12:45 - Hano Niu Testamen

⁴⁵ Kadogaha mwa bano mwa mom hiḡe vui hantai gaibitu mulei be alen̄ara ran hantai liu ninia, ram mai bilin̄ai, ram hogon bamasiri imwa gea. Amua rahun atatu geki be vui hantai nu to alolona nu hantai. Take ataguna be kera gaibitu ram mom mai mulei, rahuna mwa hantai liu nin amua. Kunia mulei vi vora lalainira atat hantai ata lol gubwen̄ garigi.”

Matiu 12:45 ပူးပေါင်းရင်းမြစ်များ

Matiu 12:24

La mahavana be ira Varise ram ron̄oe, ram bwaliua be, “Wani uhu mwa hora lua vui hantai n̄an bwatuna Belsibal ratahigi ḡoro ira vui hantai mwa lai muramura lalainia be vi lolia.”

Matiu 12:44

Be mwa hav habwe te dum tanona, kadogaha mwa bevea lol binihina sibona be, ‘A, nam siv vinihi dumwia, mwa du be nav tabagilu mulei vai la imwaḡu be nan mwalue ninia tuai.’ Haḡe mwa dabagilu mulei vai la imwana, mwa habwea be imwa gea mwa du vuroi n̄ano, nu melmelo i vataha ginau nu lolian dautau.

Matiu 17:21

(Take tataro mai garagara vwavwa n̄an vi hora lua dum ginau kungeki.)”

Matiu 23:15

“Hahagavi lalai kimiu, ira vagahin Silo maira Varise! Kimiu ira hoḡoiḡoro! Gim ban taval tahi i vataha vanua duluai be gimen lai dum atatu gaituvwa huri kimiu. I batena gim lai dumwia, gim lol wani gea mwa dadariha varua nin kimiu be vi haroro lol ute ron̄ ḡagarasi.

Matiu 23:24

Kimiu gim domuai atatu ta gim matagaraga! Gim lai dagai han̄ora kokolo gabe ram hovi lol mamiu wai mwinu, take gim dolom duluai buluki gabe mwa dogo lolona!

Leo Tavuha gabe Mak nu Ravae 16:9

Ataguna be Jisas nu tomare mulei nin mateana mabon̄ gaituvwa la Sande, nu visirai amua aben Mere Makdalen, kea gabe Jisas nu hora lua vui hantai gaibitu ninia. Ira vavine ram ban vai aben Pita mai non buluana duluai ram lai vev huri vwelvwele lalainira huri ginau duluai be nu veveana lalainira.

Leo Tavuha gabe Mak nu Ravae 5:9

Haḡe Jisas mwa hudalinia be, “Ihamwa ihei?” Atatu gea mwa bwaliua be “Ihaku ‘Mob.’ Kamai ivusi!”

Leo Tavuha gabe Luk nu Ravae 11:26

Kea mwa bwihavare mwa ban mwa lai vui hantai gaibitu mulei be alen̄ara ran hantai ninia, ram mai bilin̄ai ram hogon bamasiri imwa gea. Amua atatu gea be vui hantai nu to alolon amua rahuna nu hantai. Take ataguna be kera gaibitu ram mom mai mulei rahuna mwa hantai liu nin amua.”

Ifisas 6:12

Nonda bwaloana vorate vai alun atatu lol ureure, take tam bwalo vai alun ira vui hahantai ata lol ureure amare, ira gitaḡoro hahantai, i ira muramura hahantai ata lol taro geki.

Hibru 10:39

Take gida vorate atatu kunia be tav van burigai, ba sala. Gida atatun binihimwasigi garagusi alun God i kea vi varahu gida.