Matiu 12:42 - Hano Niu Testamen

⁴² Lol gubwen̄ vevegi vavin lavoa ata la bwatun ureure vi tu amare i vi vevegi kimiu, bwatuna nu mai hautu maragai haltavalun ureure be men ron̄ silo vagahi mataisao non Solomon. Take nam bevea lalai kimiu be ginau teti abemiu gaivua liu nin Solomon!

Matiu 12:42 ပူးပေါင်းရင်းမြစ်များ

Matiu 12:41

Lol gubwen̄ vevegi atatu ata Ninive rav tu amare la lolmatamiu, i rai vevegi kimiu, bwatuna kera ran ron̄ toretore non Jona, ram binihileahi. Nam bevea lalai kimiu be ginau teti abemiu gaivua liu nin Jona!

Matiu 12:6

Nam bevea lalai kimiu, ginau teti abena nu marahi liu nin Imwa Tataro.

Matiu 17:5

La mahavana be mwa avo radu na Pita, tenlan̄ gigita mwa haravuinira. Haḡe ram ron̄ avoana lol ten lan̄i gea mwa bevea be, “Geki haḡea Nituku gabe nam dabea i nam ron̄ mwandavuha ginia. Giv ron̄oe.”

Matiu 3:17

Haḡe silo mwa himai nin ute atamare, mwa bevea be, “Geki haḡea Nituku gabe nam dabea, i nam doron maragainia.”

Leo Tavuha gabe Jon nu Ravae 1:14

Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

Leo Tavuha gabe Jon nu Ravae 1:18

Atatu vwate mwa hav gita te radui God. Nituna vora gaituvwa, gabe kea kun God sibona i mwa dogo hurin Tamana, kea mwa seserainia lalai gida.