Matiu 12:32 - Hano Niu Testamen

³² I mulei ihei tehe be mwa bev hantaiau Nitun Atatu, vi binihi kaburainia. I take ihei be mwa bev hantai Vui Sabuga, si hav vinihi te dum kaburainia, kekadogaha i vai tuai.

Matiu 12:32 ပူးပေါင်းရင်းမြစ်များ

Matiu 11:19

Take inau Nitun Atatu na mai, i nam ḡan i na mwinmwin. Haḡe atatu duluai ram bevea be, ‘Gin gitae! Kea mwasin atat gangan i mwinmwin gaivua, i mwa bora buluana nora harahara homu i ira vev duli!’ Take mataisao non God mwa lol bisirai non mwasigi gin vwain non lalaḡova.”

Matiu 12:31

Huri ute uhu, nam bevea lalai kimiu be hava vuro sa avoan hantai atatu ram buroga ginira, vi binihi kaburai dumwira. Take ihei mwa avo hantai alun Vui Sabuga, si hav vinihi te dum kaburainia.

Matiu 12:8

Huri inau Nitun Atatu nam ratahigi ḡoro gubwen̄in mambuharai.”

Matiu 13:22

Biri gabe mwa hovi lol ḡauli, nu ḡun atatu gabe mwa ron̄ avoana, take kalkalianan ureure i doroniva non rosomiu mwa haravui avoana tavuha be nu ron̄oe, i mwa hav vwae tehe.

Matiu 13:39

Ivwalu gabe nu riv urute kea haḡea Vui Hantai. Mahavan harahara kea haḡea nogonan gubwen̄, i atatun rovoga be ram hara koni kera ira enjel.

Matiu 13:40

Kun urute vi haraḡoana i vi vohaiana vai lol gabi, kunia mulei vi loli la nogonan gubwen̄.

Matiu 13:55

Matu mwa hav vora te kea nitun atatun vohavoha imwa, i ratahina Mere, i ira tuana Semes i Joses, Saemon i Judas?

Matiu 8:20

Haḡe Jisas mwa bwaliua be, “Vwiriu turu malan̄ara abena, i manu mulei inogira abena. Itake inau Nitun Atatu tanoḡu nu sigai huri maturuva sa mabuana.”

Leo Tavuha gabe Mak nu Ravae 10:30

vi laia liu lol rahuana geki. Kea vi lai vudolua mulei alun hano be nona huba, kun imwa, ira tuana, ira hogosina, ratahina, ira nituna mai non tano duluai--i ron̄ḡagarasi mulei; i lol rahuana gabe vi mai kea vi lai rahuana vai tuai.

Leo Tavuha gabe Mak nu Ravae 3:28

“Mwasigi nam bevea lalai kimiu be vuro duluai vi tugu kaburaiana be wani mwa binihi leahi huri hava ute hantai be mwa lolia sa mwa bevea.

Leo Tavuha gabe Mak nu Ravae 3:29

Ta be ihei mwa av hantai vai alun Vui Sabuga sihav vinihi te dum kaburai vurona, kea vi vuroga vai tuai.”

Leo Tavuha gabe Luk nu Ravae 12:10

“Ihei tehe mwa bev hantaiau Nitun Atatu vi binihi kaburaiana. Take ihei tehe be mwa av hantai vai alun Vui Sabuga si hav binihi te dum kaburaiana.”

Leo Tavuha gabe Luk nu Ravae 16:8

“Haḡe gitaḡoro hantai mwa lol vavtutui halan non lalaḡova i kunia non ratahigi mwa avkari maragai nia huri be kea atat mataisao. Bwatuna ira atatu ata lol ureure ran mataisaoga huri lalaḡova nin nira ata lol gigita.”

Leo Tavuha gabe Luk nu Ravae 18:30

kea vi lai liu lol rahuan geki i lol rahuana vi mai kea vi lai rahuana vai tuai.”

Leo Tavuha gabe Luk nu Ravae 23:34

Jisas mwa bevea be, “Tata, gov binihi kaburai vurora! Ram hav ilo te havanau be ram lolia.” Ram bohai dais gi dovon̄ana be ihei vi lai gaisagana, kunia ram hara gaisagana batvatahara.

Leo Tavuha gabe Luk nu Ravae 7:34

Inau Nitun Atatu nam mai, nam ḡan i nam mwin i gim bevea be, ‘Gin gitae kea mwasin atatun gangan i mwinmwin gaivua i mwa bora buluana nora harahara homu, i ira vev duli!’

Leo Tavuha gabe Jon nu Ravae 7:12

Haḡe sinombu rituai ram bin̄utun̄utu huria ram bevea be, “Kea atat tavuha,” take rituai ram bevea be, “Sigai, kea mwa bataltal sinombu.”

Leo Tavuha gabe Jon nu Ravae 7:39

Jisas mwa avo kungeki huri Vui Sabuga, be kera be ram binihimwasiginia, kea vi laia lalainira. Ran hav lai te Vui Sabuga radu lol mahavana gea, bwatuna be Jisas mwa hav hae te mulei radu vai lol non ute Ratahigi.

Leo Tavuha gabe Jon nu Ravae 7:52

Haḡe kera ram bwaliua ram bevea be, “Kunhanigi, giḡo mulei ata Kalili? Ram bevea be, gov vasogo ravrava Sabuga duluai gov habwea be, atatun vevsera vwate mwa hav mai te nin Kalili.”

Lalaḡova 3:19

Nu vevea be giv binihi leahi i giv tabagilu huri God, huri be vi binihi kaburai vuromiu. Be giv lolia kunia,

Ifisas 1:21

God nu tau Kraes liu ira tomuai i ira lalavoa, mai ira muramura, i ira ratahigi lavoa, nu hav vora te lol ureure geki n̄an take lol ureure vwate mulei.

1 Timoti 1:13

Lol taro nu ḡao huba inau nan avo vai alun Kraes i nan wehi bonogainia i nan lol lalan̄an ginau be nav lol ḡagarasia. Take God nu seserai lalaiau sine hagavi bwatuna be nan hav ilo te havanau be nan lolia. Nan hav binihi te mwasigi.

1 Timoti 1:15

Havanau be nam bevea kea mwasigi, i mwa du be gov lai ḡoḡo duluainia: Kraes Jisas nu himai vai lol ureure be vi varahura atat bwatigoro, alolora inau nan hantai liura.

1 Timoti 4:8

Huhui rebehimwa be vi buluigo alun hala rituai take gov lalaḡo lalai God vi buluigo la hala duluai. Bwatuna be vi lai vatavuha lalainigo lol rahuana geki i vai lol rahuana vai tuai.

1 Timoti 6:17

Vevea lalainira be ram rosoga gin ginau ata lol ureure geki be rasav sasagerega tehe. Vevea lalainira be rav doronhohov lol God, take sihav vora te alun roso be ram len̄a. God mwa hogoi tavuhai hogoi duluai lalai gida gin samsamwara.

2 Timoti 4:10

Bwatuna be Dimas, be nu tabe maragai ureure uhu, nu lin̄iau mwa ban vai Tesalonaeka. Kresens kea nu van vai Kelesia, i Taetus nu van vai Dalmatia.

Taetas 2:12

Mwa bagahi gida be tasav van te burigai God sa tasav lol te ginau hahantai be ureure mwa doronia. Take, hogoi non God mwa bagahi gida be kadogaha tav togo gin mataisao i lol hal vavtutu i lol hala kea be mwa seserainia be tam lol lalaḡova non God.

Jemes 1:27

God mwa laiḡoḡo binihimwasigi be nu melmelo, i vahalana sigai binihimwasigi geki mwa domuai atatu be ramen gitaḡoro ira mandue, ira bwero be ram hahagavi huri buluiana i vi lolira rav melmelo dagai nin alen̄an rahuana ata lol ureure.