Matiu 11:23 - Hano Niu Testamen

²³ I kimiu mulei ata Kapanium! Gin doron be giv hagai kimiu sibomiu vai lol ute atamare. Ta vi vohai kimiu vai lol mateana! Huri be lalaḡova muramura be non lolira la vanuamiu daga be atatu vwate si lolia kunia lol Sodom tuai, kunia Sodom si to radu garigi.

Matiu 11:23 ပူးပေါင်းရင်းမြစ်များ

Matiu 10:15

Nam bev mwasigi lalai kimiu be, lol gubwen̄ vevegi God vi gita hagav sinombu ata Sodom i Komora liu nin sinombu ata la bwatutun vanua gea.

Matiu 16:18

Nam bev mwasigi lalainigo, Pita: giḡo vatu, i alun vatu geki nav tari noḡu Uloilua. I mateana si hav rihu te maragai ninia.

Matiu 17:24

Mahavana Jisas maira non roron̄tai ram mai Kapanium, atatun harahara homu huri Imwa tataro non God ram mai aben Pita, ram hudaligi be, “Nomiu vagahi mwa bol takis huri imwan God sa sigai?”

Matiu 4:13

Kadogaha mwa mwalue nin Nasaret, mwa hivo vai Kapanium, lol vanuan Sebulon mai Navtali, ute gea mwa do abena gin numbu gaivua Kalili.

Matiu 8:5

La mahavana be Jisas mwa dalin̄oro Kapanium, tomuai ḡoro vatugin bwaloana ata Rom mwa mai abena, mwa hudali mamaragainia be,

Leo Tavuha gabe Luk nu Ravae 10:15

I kimiu mulei, ata Kapanium! Gim doron be vi hagai kimiu sibomiu vai amare? Ta vi vohai kimiu vai lol mateana!”

Leo Tavuha gabe Luk nu Ravae 14:11

Bwatuna be ihei tehe be mwa binihi sagea sibona vi togo hivhivo, i ihei tehe gabe mwa binihi bahivoinia sibona vi togo haehae.”

Leo Tavuha gabe Luk nu Ravae 16:23

i kea mwa ron̄ gagarasi maragai lol gabi; mwa dada vai amare mwa ḡita Ebraham hautu mai Lasarus hurinia.

Leo Tavuha gabe Luk nu Ravae 4:23

Haḡe mwa bevea lalainira be, “Nam binihi mwasigi be gi vev dum avoana uhu lalaiau be, ‘Dokta, varahu muleinigo.’ I mulei giv vevea lalaiau be, nav lol ginau teti la mwasin bwatutun vanuaḡu, ginau duluai be gin ron̄ora ran loli Kapanium.

Lalaḡova 2:27

bwatuna be gosav derai te dum atmateku vi togo lol ureure nin ira atat mate; i gosav lin̄ te dum nom atatun rovoga binihimwasigi be rav boboga lol bwaru.”

Lalaḡova 2:31

Deved nu gita ginau vwate be vi visirai i mwa avo mwa bevea be, Mahavana be mwa bevea be, “God sihav lin̄ te rebehin vui be vi togo lol rebehira gabe ran mate, rebehina sihav boni tehe be men boboga, kea mwa avo huri Wani Vurai gea, gabe kea nu tomare mulei nin mateana.”

Ravrava nin Jud 1:7

Mulei giv vinihi dum ira bwatutun Vanua Sodom i Komora i ira bwatutun vanua dodolua dalisira, ira atatuna ran lolia kun ira enjel kerageki be ram lol alen̄ hahantai lol davolan vavine i atamwani: vevegin gabi be ran van sivinia mwa bora malele lalai gida duluai be tav gitae.

Visirai 1:18

Inau gabe nam rahu. Nan mate take kadogaha nam rahu mulei vai tuai vai tuai. Nam muramuraga ḡoro mateana ureure non ira atat mate.

Visirai 11:8

i rebehira raru vi la hal gaivua lol bwatutun vanua gaivua, aia gabe ran voha bolvolo Jisas aia. I nunun bwatun vanua gea haḡea Sodom sage Ijip.

Visirai 20:13

I atatu duluai gabe ran mate lol tahi ram mwalue duluai. I atatmate dodolua mulei ram mai. Bwatuna mateana sihav tu te ḡorora. Haḡe wani gea mwa bevegira huri nora lalaḡova be ran lolia tuai.

Visirai 6:8

Nam ḡarere, i nam ḡita hos vwate mulei mwa bisirai gulina nu vano huba kun gabe nu mate huba. I atatu be mwa dogo aluna, ihana mateana, i atatu vwate mulei be mwa huria, ihana be, Tanon Mateana. I God mwa lai muramura lalainira be raru vi wehi bamat udun sinombu be mwa dogo lol ureure, gin maro mai harova i ira ginau turu.