Matiu 11:11 - Hano Niu Testamen

¹¹ Nam bev mwasigi lalai kimiu be Jon Garuhisabuga uhu nu liu nin vataha atatu ran vora lol ureure. Take wani gabe mwa do hivhivo lol Ute Lavoa atamare, kea higea nu liu nin Jon.

Matiu 11:11 ပူးပေါင်းရင်းမြစ်များ

Matiu 11:10

Bwatuna Jon uhu wani gabe God mwa bevea lol Ravrava Sabuga be, ‘Geki haḡea noḡu horata, nav horae amua ninigo be vi havan̄ matanhala hurigo.’

Matiu 11:12

La mahavana be Jon Garuhisabuga nu vavora mwa doretore vai votu garigi be Ute Lavoa atamare, mwa habwe taro ririhai gin ginau hahantai, i atat muramura kera geki ram lol ron̄oe be rav lai luara be rai vora nora atatu.

Matiu 3:1

Lol mwasin mahavana Jon Garuhisabuga mwa mwalue vai la vanua vuroi vwate ata Judia, mwa dau bwatuna mwa doretore,

Matiu 3:11

Inau nam ḡaruhisabugai kimiu gin wai, bwatuna be gim binihileahi huri vuromiu. Take atatu vwate abena vi mai radu ataguku. Wani gea lavoa liuau, i inau siboku nam hav dadariha tehe be nav haḡo non sus. Wani gea vi garuhisabugai kimiu gin Vui Sabuga i gabi.

Matiu 5:19

Kunia ihei mwa daha havanau kolo tehe ata lol leo horai, i mwa bagahi atatu rituai be rav huria, wani gea vi to hivhivo maragai lol rahuan gara gabe Ute Lavoa atamare. Ita be ihei gabe mwa ḡoḡoi ḡoro leo horai i mwa bagahi atatu be rav huria, wani gea vi lai tanoi lol Ute Lavoa atamare.

Leo Tavuha gabe Luk nu Ravae 1:15

Huri vi vora lavoa la lolmatan ratahigi. Sihav mwin te waen sa wai wasi. Take vi masiri gin vui sabuga la mahavana kea radu lol sibwen̄in ratahina,

Leo Tavuha gabe Luk nu Ravae 7:28

Haḡe Jisas mwa mom bevea be, “Nam bev mwasigi lalai kimiu be, Jon uhu nu liu vataha atatu ran vora lol ureure geki; take wani gabe tirigi lol Rahuan gara gabe God mwa Ratahigi ḡoro non sinombu alolona, kea gaivua liu nin Jon.”

Leo Tavuha gabe Luk nu Ravae 9:48

haḡe mwa bevea lalainira be, “Be ihei tehe mwa lai ḡoḡo naturigi uhu lol ihaku, mwa lai ḡoḡoau; i ihei tehe mwa lai ḡoḡoau, mwa lai ḡoḡo wani gabe mwa horau. Huri be ihei tirigi alolomiu, kea haḡea tomuai alolomiu.”

Leo Tavuha gabe Jon nu Ravae 1:15

Jon nu avo huria. Nu vev luae be, “Geki haḡea wani gabe nan avo huria nan vevea be, ‘Kea vi mai ataguku, ta kea lavoa niniau, bwatuna kea nu togo amua nam siv vora.’ ”

Leo Tavuha gabe Jon nu Ravae 1:27

Kea mwa mai ataguku, take inau siboku nam hav dadariha tehe be nav tugu gaon non sus.”

Leo Tavuha gabe Jon nu Ravae 10:41

Haḡe sinombu ivusi ram mai huria ram bevea be, “Jon mwa hav lol te ginau dan̄an̄a, take ginau duluai gabe nu vevea huri wani geki nu mwasigi.”

Leo Tavuha gabe Jon nu Ravae 3:30

Nav hivhivo ta kea vi haehae.”

Leo Tavuha gabe Jon nu Ravae 5:35

Jon nu vora kun bulu be mwa oda i mwa ḡigita, i kimiu gin doron huri mahavan vwelvwele be gimen ron̄ mwandavuha lol non gigita.

Leo Tavuha gabe Jon nu Ravae 7:39

Jisas mwa avo kungeki huri Vui Sabuga, be kera be ram binihimwasiginia, kea vi laia lalainira. Ran hav lai te Vui Sabuga radu lol mahavana gea, bwatuna be Jisas mwa hav hae te mulei radu vai lol non ute Ratahigi.

1 Korin 15:9

I inau haḡea nogonana lol ira hala duluai. Nan hav dadariha tehe be rav uloilua gi hala, huribe nam lol bwarebware uloilua non God.

1 Korin 6:4

Be nom vahalana kokolo abena, huri hano gom lai atatun vevegi be atatun uloilua ram hav vinihi te marahinia?

Ifisas 2:3

Lol taro tuai gida tan togo kunira, tan lol ron̄oe be tamen samwarai nonda doroniva siboda i be tamen lol ginau duluai be rebehida i binihinda mwa doronia. Tas ron̄ ḡagarasi gin lolhoro non God bwatuna alen̄a be tam dogo aluna. Gida tan ḡun sinombu dodolua n̄an mulei.

Ifisas 3:8

Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.

2 Timoti 1:10

Take kadogaha mwa seserainia lalai gida gin maiana non varahuda Kraes Jisas. Nu lol kaburai mateana, i sivi Leo Tavuha kea mwa seserainia lalai gida hala be tav lai rahuana be sihav lol te kaburaiana.

Hibru 11:40

huria be God nu lol non taritari vwate huba be vi lol tavuhai gida liu. I lol bininhiva non God gea, nu vinihia be vi tarihoura mai gida amua, huria be vi lolira rai vavtutu tavuhai.

1 Pita 1:10

Ira atatun vevsera ran hiḡe halan varahuva geki i ran lol ron̄oe be rav habwea. Ran vev sera huri vatavuha be vi mai lalai kimiu.