Matiu 10:22 - Hano Niu Testamen

²² Atatu duluai rai varihai kimiu bwatuna ihaku. Take irahei nin kimiu be rav tu wasi vai votu nogonana rav rahu.

Matiu 10:22 ပူးပေါင်းရင်းမြစ်များ

Matiu 10:39

Ihei tehe be mwa sinsinei rahuna, rahuna vi vano ninia. Take ihei gabe mwa lin̄ rahuna huriau, vi habwe rahuana.

Matiu 24:13

Take wani gabe mwa du wasigi rahurahu vai votu nogonana vi rahu.

Matiu 24:9

“Haḡe atatu rav vwirihi kimiu, rav lin̄ kimiu huri be rav lol ḡagaras kimiu i ba lol bamat kimiu. Atatu duluai rai varihai kimiu bwatuna inau.

Matiu 5:11

“Kimiu gabe atatu ram bev hantai kimiu, ram lol ḡagarasi kimiu, i ram hul hantai kimiu huri be kimiu noḡu atatu, kimiu mulei giv ron̄ mwandavuha.

Leo Tavuha gabe Mak nu Ravae 13:13

Atatu duluai rav varihai kimiu bwatuna inau. Take ihei tehe mwa du wasigi vaivotu nogonana kea vi rahu.”

Leo Tavuha gabe Luk nu Ravae 21:17

Haḡe kera duluai rav vev seburai kimiu bwatuna inau.

Leo Tavuha gabe Luk nu Ravae 21:19

Giv tu wasigi i giv varahu kimiu sibomiu.”

Leo Tavuha gabe Luk nu Ravae 6:22

“Kimiu gabe atatu ram hun̄ai kimiu, i ram barihai kimiu, i ram bev hantai kimiu, i ram bevea be kimiu atat hantai, bwatuna be inau Nitun Atatu; giv ron̄mwandavuha!

Leo Tavuha gabe Luk nu Ravae 8:15

Biri gabe ram hovi lol mwasin tano mwa du huri ira hei gabe ram ron̄ avoana i ram ḡoḡoi ḡoroe gin mwasigi i lolotavuha, i ram du wasigi vaivotu ram bwae.”

Leo Tavuha gabe Jon nu Ravae 17:14

Nan lai nom roroi lalainira, take ureure mwa barihainira, bwatuna be ram hav vora te bilan ureure, kunia n̄an mulei be inau nam hav vora te bilan ureure.

Leo Tavuha gabe Jon nu Ravae 7:7

Haḡe ureure sihav varihai te kimiu, take vi varihaiau, bwatuna be nam bev ḡaoḡaoinia be hala be mwa rovo aluna ran hav tavuha tehe.

Lalaḡova 9:16

I inau siboku nav seserai lalainia ginau duluai be kea vi ron̄ ḡagarasi ginia huriau.”

Ravrava non Pol lalai ata Rom 2:7

Atatu rituai, be ram lol rahurahui ginau tavuha, rav togo huri lalaḡova non God, huri binihi marahi, i huri rahuana be nogonana sigai. God vi lai lalainira rahuana vai tuai.

2 Korin 4:11

Gam rahu radu gam dogo, take huri Jisas tagaro gam habwe taro ririhai huri mateana huri be rahun Jisas vi gitan dumwi alun rebehimai be mwa mate.

Kelesia 6:9

Si hav sav gita te gida gin lolian tavuha. Tav lai vwain bilada gin rahuana vai tuai la mwasin tarona kebe si hav sav te gida.

Hibru 3:14

I gida duluai tam bulu alun rovoga non Kraes la bwativuna huri be tav haḡo te dum alun udun tatauleo non God vai votui nogonana.

Hibru 6:11

I kamai gam doron maragai be nomiu binihiva vi tu wasigi tagaro, i giv lai dum ginau gea be nomiu doronhohov mwa du wasigi aluna.

Jemes 1:12

Taro be sinombu kalkaliana mwa haḡo ron̄ora ram du wasi rahurahu, mwa du be rav samwara. Ataguna be ram seserai nora binihimwasigi God vi tavwera gin rahuana vai tuai. God nu tatauleo lalainira duluai be ram dabea.

1 Jon 3:13

Ira tuaku, gisav dan̄an̄a tehe bwatuna be atatu ata lol ureure ram barihai kimiu.

Visirai 2:10

Gisav matagun te havanau tehe gabe mwa abena be men dum kimiu. Giv roron̄tai! Setan vi lol ron̄ kimiu, i vi lolia rituai alolomiu ram togo lol imwa vauvauhi i vi vora kunia huri gubwen̄ han̄vulu. Gisav matagu tehe, son̄o be rav wehi kimiu. I nav lai tavwe lalai kimiu, kun gabe tavwen nomiu garogaroana.

Visirai 2:17

“Atatu be bwerona abena, na roron̄tai tavuhai huri havanau gabe Vui mwa bevea lalai uloilua duluai!” “Lalainira gabe ran muramuraga lol bwaloana, nav lai ginaganiana mwa du dahuligi be mana. Nav lai vatu maita lalainira batvatahara mulei gabe iha gara mwa ravana aluna be atatu vwate mwa hav iloe tehe vaivotu be atatu n̄an gabe mwa laia lalainia.”

Visirai 2:26

Lalainira be rav muramuraga lol bwaloana vaivotu nogonana, inau nav lai muramura gea lalainira be tata nu laia lalaiau. Nav lai muramura lalainira ḡoro varan sinombu duluai la ureure, i rav lavoa ḡorora. I nora bwatan bwaloana be dovon̄an ihara be ihan tanon lavoa, i kea nu ḡun aian be nu dadariha be vi wehi bora rebehin atatu lol ute duluai, kunia be aian vi tal momogai bwalgulu n̄oto i vi maverovero,

Visirai 2:3

Nam iloe huba be binihimiu n̄ava. Atatu ram lol ḡagaras kimiu gim ron̄ mwa hantai lol rebehimiu huri ihaku take binihimiu mwa hav hovi tehe.

Visirai 2:7

“Atatu be bwerona abena na roron̄tai tavuhai avoana duluai be Vui Sabuga mwa bevea lalai uloilua duluai. I lalainira be ran muramuraga lol bwaloana, nav lai mahin̄ana lalainira be rav gan vwaigain rahuana be mwa mauri alolon ute loloara bilan God.”

Visirai 3:21

I lalainira be ram muramura, nav lai tanoi lalainira be rav tomahuri bul maiau lol tanon togotogon ratahigi, kun gabe inau nam muramura, i garigi inau bul mai Tamaḡu lol non tanon ratahigi.”