Matiu 10:17 - Hano Niu Testamen

¹⁷ Giv gitaḡoro, huri be atatu abena be rav vwirihi dum kimiu, i rav lai kimiu vai lol imwan harahara, i rai vivilis kimiu alolon nora imwa tataro.

Matiu 10:17 ပူးပေါင်းရင်းမြစ်များ

Matiu 10:18

Rav lai kimiu vai aben ira ratahigi maira lalavoa huri silo vevegi bwatuna ihaku, be kimiu giv seserai mwasigi dum huri Roroi Tavuha lol matara i lolmatan ira len̄len̄aga.

Matiu 20:19

Haḡe rav lin̄iau la limara ira len̄len̄aga, be kera rav lol leleiau, i rai vivilisiau, i rav voha bolvoloau. Take atagun gubwen̄ gaitolu nav tomare mulei.”

Matiu 23:34

Huri ginau gea nam bevea lalai kimiu be nav hora ira atatun vevsera maira mataisao maira vagahi lalai kimiu, i giv wehi rituai, giv voha rituai vai alun volovolo, i giv vivilis rituai lol nomiu imwa tataro, i giv mwaloi rituai nin vanua vai la vanua dolua.

Matiu 26:59

Haḡe ira muai tataroi maira Kansel duluai ram hiḡe halana be rav tul tenteneana alun Jisas huri be rav lol bamatea.

Matiu 5:22

Itake kadogaha inau nam bevea lalai kimiu be, ihei mwa lolhoroi tuana, wani gea vi lai silo vevegi huria. I ihei mwa bev bwarebware tuana, kea vi laiana vai lol imwan harahara gaivua. I ihei mwa uloi tuana be ‘Giḡo len̄len̄aga!’ wani gea vi haroro lol gabin ron̄ḡagarasi.

Leo Tavuha gabe Mak nu Ravae 13:12

Atatu rav lin̄ mulei ira tuara huri mateana, ira tama rav lol mulei kunia lalai ira nitura. Naturirigi rav van burigai ira tamara i ratahira rav taura huri mateana.

Leo Tavuha gabe Mak nu Ravae 13:9

“Kimiu sibomiu giv gitaḡoro. Rav haḡo batugehi kimiu i rav lai kimiu vai lol imwan harahara. Rav wehi kimiu lol imwa tataro, i giv tu la lolmatara tomuai mai ira Ratahigi lavoa huriau, be gimen vev lua Roroi Tavuha lalainira.

Leo Tavuha gabe Luk nu Ravae 12:11

“Batena be rav lai kimiu be rav vevegi kimiu lol imwa tataro sage la lolmatan ira tomuai vevev sa mai ira lavoa gisav matagu tehe be giv vev hano sa giv tuḡoro kimiu kunhanigi.

Leo Tavuha gabe Jon nu Ravae 11:47

Haḡe ira Varise rituai maira muai tataroi ram ḡoḡo maira Kansel ram bevea be, “Tav lol hano? Kimiu gin gita ginau dan̄an̄a gabe wani geki mwa lolira!

Leo Tavuha gabe Jon nu Ravae 16:2

Rav tau dagai kimiu nin imwa tataro, i tarona vi mai mahavana be ihei tehe mwa wehi kimiu vi vinihia be mwa lol rovoga non God la hala geki.

Lalaḡova 17:14

Haḡe darihou n̄an ira binihimwasigi ram hora dagai Pol vai antahi; take Sailas mai Timoti ramuru dogo radu Berea.

Lalaḡova 22:19

I nam bwaliua be, ‘Ratahigi,’ ‘Ram ilo didininia be nan vano lol imwa tataro nam haḡo batugehira i nam wehira gabe ram binihimwasiginigo.

Lalaḡova 26:11

Vaivusi nan vevegira lol imwa tataro gaivua, i nan lol ron̄ora be rav tugu nora binihimwasigi garagusi. Nan lol horoi maragainira, i nam bano vai lol bwatutun vanua dodolua be namen lol ḡagarasira.”

Lalaḡova 9:2

i mwa hudaligi huri letasi be vi seserai muai tataroi alolona huri be vi laia vai lol imwa tataro non ira Jius Damaskas, huri be si habwe te dum atatu rituai gabe ram huri malelen Ratahigi, kea vi haḡo batugehira atamwani sage vavine, i vi lai muleinira vai Jerusalem.

Filipae 3:2

Giv gita ḡoro hurira be ram lol ginau hantai, kera be kun ira vwiriu, kera be ram bev maragai huri tav rebehi.

2 Timoti 4:15

Giḡo mulei gov gitaḡoro berevai gim sinego, bwatuna be kea mwa bwal wasi ḡoro nonda silo vagahi.

Hibru 11:36

Atatu rituai atatu ram manuhi hantainira, i ram bivilisira. I atatu rituai mulei kunia atatu ram bauhira gin gao talai ram daura lol imwa vauvauhi.