Leo Tavuha gabe Luk nu Ravae 9:48 - Hano Niu Testamen

⁴⁸ haḡe mwa bevea lalainira be, “Be ihei tehe mwa lai ḡoḡo naturigi uhu lol ihaku, mwa lai ḡoḡoau; i ihei tehe mwa lai ḡoḡoau, mwa lai ḡoḡo wani gabe mwa horau. Huri be ihei tirigi alolomiu, kea haḡea tomuai alolomiu.”

Leo Tavuha gabe Luk nu Ravae 9:48 ပူးပေါင်းရင်းမြစ်များ

Matiu 18:10

“Giv gitaḡoro be gisav vev te kaburai ihei ninira naturirigi kera geki. Nam bev mwasigi lalai kimiu be nora enjel amare ram du tagaro lolmatan Tamaḡu lol ute atamare.

Matiu 18:14

Kunia mulei, Tamamiu lol ute atamare mwa hav doron tehe be vwate ninira naturirigi geki vi sala.

Matiu 19:28

Haḡe Jisas mwa bevea lalainira be, “Nam bev mwasigi lalai kimiu be, la mahavana rahuana gara uhu vi mai, inau Nitun Atatu nav togo la tanoḡu sarisari, gabe tanon lavoa, la mahavana gea, kimiu han̄vulu domwan gairua gabe gim huriau, kimiu mulei giv togo alun tanomiu gabe tanon lavoa, giv ratahigi ḡoro vara n̄avul gaituvwa domwan gairua ira Jius.

Matiu 25:40

Haḡe inau Ratahigi Lavoa nai vwaliura be, ‘Nam bev mwasigi lalai kimiu be, gin lolia kunia lalai tuaku vwate gabe tirigi ninira tuaku duluai, kun gabe gin lolia lalaiau siboku.’

Matiu 25:45

Haḡe inau Ratahigi Lavoa nai vwaliu muleinira be, ‘Nam bev mwasigi lalai kimiu be, gin hav lolia te kunia lalai tuaku vwate gabe tirigi ninira tuaku duluai, kun gabe gin hav lolia tehe lalaiau siboku.’

Leo Tavuha gabe Mak nu Ravae 9:37

“Ihei tehe mwa lai ḡoḡora naturigi vwate ninira uhu, mwa lai ḡoḡoau; ihei mwa lai ḡoḡoau, mwa hav lai te ḡoḡoau take mwa lai ḡoḡo wani gabe nu horau.”

Leo Tavuha gabe Luk nu Ravae 10:16

Haḡe Jisas mwa bevea lalai non roron̄tai be, “Ihei tehe mwa ron̄ kimiu mwa ron̄oau; take ihei tehe mwa barihai kimiu mwa barihaiau; i ihei tehe mwa barihaiau mwa barihai wani gabe nu horau.”

Leo Tavuha gabe Luk nu Ravae 14:11

Bwatuna be ihei tehe be mwa binihi sagea sibona vi togo hivhivo, i ihei tehe gabe mwa binihi bahivoinia sibona vi togo haehae.”

Leo Tavuha gabe Luk nu Ravae 22:26

Take geki mwa hav vora te hala be giv huria; ihei nin kimiu be vi vora lavoa, kea vi mai gi tihigi atatu alolomiu duluai, i tomuai vi mai kun be atatun rovoga.

Leo Tavuha gabe Luk nu Ravae 22:30

Giv gangan i giv mwinmwin la noḡu tebol lol noḡu Rahuan Gara, i giv to mahuri la tanon togotogo be gimen tomuai ḡoro varan Israel han̄vul domwan gairua.”

Leo Tavuha gabe Luk nu Ravae 7:28

Haḡe Jisas mwa mom bevea be, “Nam bev mwasigi lalai kimiu be, Jon uhu nu liu vataha atatu ran vora lol ureure geki; take wani gabe tirigi lol Rahuan gara gabe God mwa Ratahigi ḡoro non sinombu alolona, kea gaivua liu nin Jon.”

Leo Tavuha gabe Jon nu Ravae 13:20

Nam bev mwasigi lalai kimiu be, ihei tehe mwa lai ḡoḡo atatu vwate gabe nan horae mwa lai ḡoḡoau mulei; i ihei tehe mwa lai ḡoḡoau mwa lai ḡoḡoe gabe nu horau.”

Leo Tavuha gabe Jon nu Ravae 14:21

“Ihei tehe mwa ḡoḡoi noḡu leohorai i mwa dabera kea haḡea atatu gabe mwa dabeau. Tamaḡu vi tabe ihei tehe gabe mwa dabeau; i inau mulei nav tabea i nav lol bisiraiau siboku lalainia.”

1 Tesalonaeka 4:8

Ihei tehe be mwa hav tabe te non silo vagahi, mwa hav daha te atatu, take God gabe mwa lai non Vui Sabuga lalai gida.

1 Pita 5:6

Giv lin̄ maḡemu halaten liman God gabe nu muramura huribe vi tomarei kimiu lol mwasin tarona be vi mai.

Visirai 21:14

Vatun sigun bwatutun vanua mwa dariana alun vatu han̄vul domwan gairua. Ihan sipsip gaitutuvwai batvatahara mwa hurin ihan ira hala han̄vul domwan gairua.

Visirai 3:21

I lalainira be ram muramura, nav lai tanoi lalainira be rav tomahuri bul maiau lol tanon togotogon ratahigi, kun gabe inau nam muramura, i garigi inau bul mai Tamaḡu lol non tanon ratahigi.”