Leo Tavuha gabe Luk nu Ravae 9:44 - Hano Niu Testamen

⁴⁴ “Giv havan̄ bweromiu ba lai ḡoḡo hano be nai vevea! Mwa abena be vi lin̄iau inau Nitun Atatu vai lol limara atatu.”

Leo Tavuha gabe Luk nu Ravae 9:44 ပူးပေါင်းရင်းမြစ်များ

Matiu 16:21

Nin mahavana gea Jisas mwa dau bwatuna mwa bev luae lalai non roron̄tai be, “Mwa du be nav hae vai Jerusalem, i nav ron̄ḡagarasi maragai gin hano be ira bwatmetua ira Jius maira muai tataroi maira vagahin Silo rav lolia aluku. Kera rai wehiau, nai mate. Itake atagun gubwen̄ gaitolu God vi lol domarei muleiau.”

Matiu 26:2

“Gim iloe be atagun gubwen̄ gairua vi vora samsamwaran Halbisḡalau. Haḡe vi lin̄iau Nitun Atatu be rav vohau vai alun volovolo.”

Leo Tavuha gabe Mak nu Ravae 8:31

Haḡe Jisas mwa bavora mwa bagahira non roron̄tai mwa bevea be, “Nitun Atatu vi ron̄ ḡagarasi maragai, ira bwatmetua maira muai tataroi maira vagahin Silo rav varihainia. Kera rav vevegia huri mateana, ta atagun gubwen̄ gaitolu kea vi tomare mulei vai lol rahuana.”

Leo Tavuha gabe Mak nu Ravae 9:31

bwatun be mwa bagahira non roron̄tai mwa bevea be, “Nitun Atatu vi lin̄ia lalai sinombu i kera rav wehi bamatea. Atagun gubwen̄ gaitolu vi tomare mulei vai lol rahuana.”

Leo Tavuha gabe Luk nu Ravae 1:66

Haḡe kera duluai be ran ron̄oe ram binbinihi aluna i ram bevea be, “Wahu naturigi uhu vi mai gi hava atatu?” Huri liman Ratahigi mwa dogo maia.

Leo Tavuha gabe Luk nu Ravae 18:31

Haḡe Jisas mwa lai ira roron̄tai han̄vul domwan gairua dagai i mwa bevea lalainira be, “Giv ron̄oe! Gida tamen hae vai Jerusalem, aia ginau duluai ravrava non ira atatun vevsera ran vevea huri Nitun Atatu vi visirai.

Leo Tavuha gabe Luk nu Ravae 2:19

I Mere mwa ḡoḡoi ḡoro ginau duluai geki lol sibwen̄ina i mwa binbinihi tagaro alura.

Leo Tavuha gabe Luk nu Ravae 2:51

I kea mwa dabagil mulei maira vai Nasaret i aia kea mwa dabe tamana i ratahina lol ginau duluai. I Mere mwa ḡoḡoi ḡoro ginau duluai kera geki lol sibwen̄ina.

Leo Tavuha gabe Luk nu Ravae 24:44

Haḡe mwa bevea lalainira be, “Geki haḡea ginau be nan vevea lalai kimiu mahavana be nan togo radu mai kimiu: ginau duluai nu ravae huriau lol Silo non Moses, i Ravrava non ira Atatun Vevsera, i lol bukan Sam mwa bisirai mwasigi.”

Leo Tavuha gabe Luk nu Ravae 9:22

I mwa bev rahurahuinia be, “Inau Nitun Atatu mwa du be nav ron̄ḡagarasi i ira bwatmetua maira muai tataroi, maira vagahin silo rai varihaiau. Kera rai wehiau nai mate, take atagun gubwen̄ gaitolu God vi lol domare muleiau.”

Leo Tavuha gabe Jon nu Ravae 16:31

Haḡe Jisas mwa bwaliura be, “Gim binihimwasigi kadogaha?

Leo Tavuha gabe Jon nu Ravae 16:4

Take nam bev ginau geki lalai kimiu, huria be mahavana vi mai hurira be ramen lol ginau kerageki, take giv vinihi dumwia be nan vev dau ginau geki lalai kimiu.” “Nam hav vev te ginau kerageki lalai kimiu la bwativuna, bwatuna be nan togo mai kimiu.

Leo Tavuha gabe Jon nu Ravae 19:11

Jisas mwa bwaliua be, “Gom haḡo roron̄o ḡoroau n̄ano bwatuna be God nu laia lalainigo. I wani gabe nu lin̄iau lalainigo mwa bahala gin vuro hantai maragai.”

Lalaḡova 2:23

Gin mwasin non taritari, God nu vinihi daua be Jisas vi lin̄ia lalai kimiu, i gim wehia ginia be gim lin̄ia la limara atat bwatigoro ram bohae vai alun volovolo.”

Hibru 2:1

Gida tav tari nonda butuana duluai alun havanau be mwa bevea lalai gida, huri be tasav sala tehe.