Leo Tavuha gabe Luk nu Ravae 7:22 - Hano Niu Testamen

²² Haḡe kea mwa bwaliura ira horata non Jon be, “Giv tabagilu ba bevea lalai Jon havanau gabe gin ḡitae i gin ron̄oe: ira matagara ram ḡita dum ute, ira luḡu ram lago, ira lepa ram melmelo mulei, ira bwerovono ram ron̄ dum ute ira atatmate ram domare mulei, haḡe ira hiru ram ron̄ toretore huri Roroi Tavuha.

Leo Tavuha gabe Luk nu Ravae 7:22 ပူးပေါင်းရင်းမြစ်များ

Matiu 11:5

Ira matagara ram ḡita dum ute, ira luḡu ram lago, ira leba ram melmelo mulei, ira bwerovono ram ron̄ dum ute, ira atatmate ram domare mulei, haḡe ira hiru ram ron̄ toretore huri Roroi Tavuha.

Matiu 21:14

Ira matagara i kera gabe bwalagera ran hantai ram mai vai aben Jisas lol Imwa Tataro, i mwa lol barahura.

Leo Tavuha gabe Luk nu Ravae 4:18

“Vui non Ratahigi mwa dogo aluku, bwatuna nu vurai luau be nai vev sera Roroi Tavuha lalai ira hiru. Nu horau be nai vev luae huri ribwesiva nora atat vauvauhi i huri lol i ba lol bugeri matara ira matagara, i mulei nav ribwesira ram dogo aten nora ivwalu

Leo Tavuha gabe Luk nu Ravae 7:21

Lol mahavana Jisas mwa barahu sinombu ivusi nin nora lalan̄an harova; i mwa hora lua vui hantai ivusi i mwa lol bugeri matara ivusi gabe ram matagaraga.

Leo Tavuha gabe Luk nu Ravae 7:23

Samwarana gaivua lalai ira hei gabe ram hav vinihi te gairuruai aluku!”

Leo Tavuha gabe Jon nu Ravae 1:46

Haḡe Nataniel mwa hudaligi mwa bevea be, “Matu ginau tavuha te dum abena be vi mwalue nin Nasaret?” Vilip mwa bwaliua be, “Mai ba gitae.”

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Lalaḡova 8:7

Vui hantai ram mwalue nin sinombu gin silo gaivua, i kera ivusi gabe rebehira ram mate i ram luḡu ram rahu n̄oton̄oto.

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.