Leo Tavuha gabe Luk nu Ravae 6:29 - Hano Niu Testamen

²⁹ Be ihei mwa rabas valamwa vwate lin̄ia na rabas tavaluna mulei; be ihei mwa lai nom koti ninigo lai nom soti mulei lalainia.

Leo Tavuha gabe Luk nu Ravae 6:29 ပူးပေါင်းရင်းမြစ်များ

Matiu 26:67

Haḡe ram lodov lolmatana, ram wehia, i kera gabe ram rabasia

Leo Tavuha gabe Luk nu Ravae 22:64

Ram ḡagav ḡoro lolmatana ram hudalinia ram bevea be, “Visia, be ihei mwa wehigo?”

Leo Tavuha gabe Luk nu Ravae 6:30

Giv lai lalai ira hei ginau gabe ram hudaligi huria, haḡe be atatu mwa lai nom ginau gosav hudali te muleinia huria.

Leo Tavuha gabe Jon nu Ravae 18:22

Batena be Jisas mwa bevea kungeki, gitaḡoro vwate mwa rabasia mwa bevea be, “Gom avo kunia lalai Muai Tataroi huri hano!”

Lalaḡova 23:2

Haḡe Ananias gabe Muai Tataroi mwa bevea lalainira gabe ram du sosori Pol be rav rabasia la bwan̄ona.

1 Korin 4:11

Vaivotu garigi, gina ganiana sigai be gav gania sage wai be gav mwinua sage gaisaga be gav sagasagainia. Ram wehi kamai vataha mahavana i tanomai sigai be gav mambuharai aia.

1 Korin 6:7

Alen̄a be gim ban lol tanon vevegi be gimen vavtutui nomiu videvideo, ginau gea mwa lolia mwa ḡigilaga be kimiu gin vahala huba. Hurihano kimiu gim hav lin̄ia tehe lalai atatu vwate n̄an alolomiu be men lol hantai lalai kimiu? Hurihano gim hav lin̄ia tehe be vwate alolomiu men surai kimiu? Kea nu tavuha maragai nu liu alen̄amiu.

2 Korin 11:20

Matu gim haḡo dum alen̄ n̄ava maira be ram hora kimiu gim dalisi, sa ram haḡo kimiu, sa ram ruruhi kimiu, sa ram binihia be kera ran tavuha liu kimiu, sa ram dutui kimiu lolmatamiu.

Hibru 10:34

Gom bului atat binhimwasigi be ram dogo lol vauvauhi. I lol taro be atatu ram mai ram lai dagai nomiu vataha ginau take kimiu gim samsamwara n̄ano, huribe gim iloe huba be nomiu vataha ginau rituai ram dogo be ran tavuha liu, i be rasav van te dagai nin kimiu.