Leo Tavuha gabe Luk nu Ravae 6:23 - Hano Niu Testamen

²³ Giv garigari kimiu batena vi loli, i giv savwogoro gin samsamwara, bwatuna be giv lai volimiu gaivua amare. Huri be ira sibira ran lol ginau n̄an kunia lalainira atatun vevsera.”

Leo Tavuha gabe Luk nu Ravae 6:23 ပူးပေါင်းရင်းမြစ်များ

Matiu 5:12

Giv samsamwara i giv garigari kimiu, huri be giv lai volimiu gaivua lol ute atamare. Kera ran lol ḡagarasi atatun vevsera atamua kunia.

Leo Tavuha gabe Luk nu Ravae 1:41

Batena Elisabet mwa ron̄ avoan helheloi non Mere, naturigi mwa rihui sibwen̄ina. Haḡe Elisabet mwa masiri gin Vui Sabuga,

Leo Tavuha gabe Luk nu Ravae 1:44

Huri gita la mahavana nam ron̄ nom avoan helheloi naturigi aloloku mwa rihu gin samwarana.

Leo Tavuha gabe Luk nu Ravae 6:35

Mwa hav vora te kunia! Ta gov tabe nom ivwalu i gov lol tavuhainira. Giv hogosira gin ginau ta gisav doron te hohov be rav tabagilui muleinia. Kunia giv habwe tavwemiu gaivua, i giv vora ira nitun God Holomare Hae. Bwatuna kea mwa davuha lalai irahei gabe rasav vev te silo avkari lalainia i lalai ira hantain lalaḡo.

Lalaḡova 14:10

mwa bevea lalainia gin silo gaivua be, “Tomare ba du bavtutu!” Haḡe atatu gea mwa du amare darihou i mwa lago.

Lalaḡova 3:8

i kea mwa burere mwa du wasigi, i mwa dau bwatuna mwa lago dedeorai. Haḡe mwa haroro lol Imwa Tataro bul maira i kea mwa lago mwa burere mwa uloi roron God.

Lalaḡova 5:41

Mahavana be ira hala ram bwihavare, ram samsamwara, bwatuna be God vi vev dumwia ke ram dadariha be rav ron̄ ḡagarasi bwatuna Jisas.

Ravrava non Pol lalai ata Rom 5:3

Tam ron̄ mwandavuha mai nonda ginau vahala, bwatuna be ginau vahala kerageki ram lol togoan ḡoḡonai.

2 Korin 12:10

Haḡe nam samsamwara be nav sasagerega huri noḡu mandamanda, ram av leileiau ram lai taro ririhai lalaiau, nam ron̄ḡagarasi, i lalan̄an taro ririhai huri Kraes. Bwatuna be batena be nam mandamanda, vuvuri nam wasi mwasigi.

Kolosi 1:24

Nam samwara lol noḡu taro ririhai hurigo. Huribe nam ron̄ḡagarasi lol rebehiku huribe namen lol nogonogoi ron̄ḡagarasi non Kraes. Ginau rituai abena be Kraes mwa ron̄ ḡagarasi sivi rebehina, gabe uloilua.

2 Timoti 2:12

Be tav mahin̄a ḡoro ron̄ ḡagarasi, gida mulei tav gitaḡoro bul maia. Be tav visigai ḡoroe, Kea mulei vi varihai be vi dame ḡoro gida.

Hibru 11:26

Nu ḡunia n̄ano be nu vevea be, be kera ras manuhi Wani Vurai gabe God vi horae vi himai, ta kea sihav busbusi tehe. Kea mwa ron̄ mwa davuha maragai alun ginau gea, ninia be mwa ron̄ mwandavuha gin ginau tavuha alun rahuana lol vanua Ijip. Kea mwa ron̄oe kunia huria be kea mwa ḡitae tagaro alun tavwe be God vi laia lalainia.

Hibru 11:6

Take be atatu sihav binihimwasigi garagusi tehe alun God, sihav lol te dum God be vi samsamwara ginia. Huri be atatu vwate si doron be si mai huri God, kea vi binihimwasigi garagusi be God mwa dogo, i God mwa lolira gabe ram lol ron̄oe be rav habwea ram samsamwara.

Jemes 1:2

Ira tuaku lol taro be gim dogo ririhai giv masiri gin samwarana,

1 Pita 4:13

Take giv ron̄ mwandavuha be kimiu gim bului mai ron̄ ḡagarasi non Kraes bwatuna be kimiu giv ron̄ mwandavuha i giv masiri gin samwarana lol taro be Kraes vi mai mulei lol sarisari.

Visirai 2:17

“Atatu be bwerona abena, na roron̄tai tavuhai huri havanau gabe Vui mwa bevea lalai uloilua duluai!” “Lalainira gabe ran muramuraga lol bwaloana, nav lai ginaganiana mwa du dahuligi be mana. Nav lai vatu maita lalainira batvatahara mulei gabe iha gara mwa ravana aluna be atatu vwate mwa hav iloe tehe vaivotu be atatu n̄an gabe mwa laia lalainia.”

Visirai 2:26

Lalainira be rav muramuraga lol bwaloana vaivotu nogonana, inau nav lai muramura gea lalainira be tata nu laia lalaiau. Nav lai muramura lalainira ḡoro varan sinombu duluai la ureure, i rav lavoa ḡorora. I nora bwatan bwaloana be dovon̄an ihara be ihan tanon lavoa, i kea nu ḡun aian be nu dadariha be vi wehi bora rebehin atatu lol ute duluai, kunia be aian vi tal momogai bwalgulu n̄oto i vi maverovero,

Visirai 2:7

“Atatu be bwerona abena na roron̄tai tavuhai avoana duluai be Vui Sabuga mwa bevea lalai uloilua duluai. I lalainira be ran muramuraga lol bwaloana, nav lai mahin̄ana lalainira be rav gan vwaigain rahuana be mwa mauri alolon ute loloara bilan God.”

Visirai 21:7

Ihei be nu rihu maragai, vi haḡo houn ginau duluai, i inau nai vora nora God i kera rai vora noḡu sinombu.

Visirai 3:12

Nav lolira be ran muramuraga lol bwaloana rav mai gi gai mahan̄an imwa tataro alolon imwan noḡu God, i sihav derai te dumwia. I nav rav ihan noḡu God aluna, i ihan bwatutun ihan vanuan noḡu God, Jerusalem gara, gabe vi himai vai ata nin ute amare nin noḡu God. I nav rava ihaku mulei aluna, iha gara.”

Visirai 3:5

Kera gabe ram muramuraga lol taron bwaloana, rav sagasagai gaisaga maita kun geki, i nasav lai te dagai dum ihara nin bukan rahuana. Haḡe nai vev luae lolmatan Tata maira non ira enjel be, kera noḡu atatu.”